للأمهات المبتعثات بدون خادمة اطرحوا أراءكم

اهلين ام ثامر ...
البيوت في كندا صغيرة مقارنة ببيوتنا لذلك ارى ان وجودها سيكون فيه مضايقة لكم..كذلك لن يكون هناك اعمال منزلية كثيرة
ربما من الصعب التخلي عنها بعد ان تعودتي على مساعدتها لك ..
لكن ليس من الامن ترك الاطفال معها اثناء غيابك اذا ماالفائدة منها..
كذلك انظمة العمل والعمال تختلف في كندا عنها هنا ..فعليك الانتباه لهذه النقطة جيدا
يعني مافي شي اسمه ماتعطينها راتبها كل شهر وترفعيه عندك
وساعات عملها محدودة في اليوم ولها حرية الخروج في الويكند..
اقترح عليك اذا كنت ستلدي في كندا ..ان تكوني في البداية عند عائلة او يمكن احضار مربية مساعدة لك ولو الاسبوع الاول حتى تشدي حيلك
وبالتوفيق

ارجوا من الجيع طرح ارائه

ما أنصح تاخذي الخدامه أبدا ، كندا عندها أنظمه خاصه مثل ما قال " كن مع الله ولاتبالي"

و أي مخالفه سمعت ان فيها سجن و غرامات ، البديل افضل وهو في مربيات تجي عندك للبيت تراقب الأطفال

والله الشغاله زينه شينه...أكيد مفيده و تشيل عن الوحده شي كبير لكن شوفي لو الموضوع يكون فيه 1% خطر (زي حميدان التركي) الله يرفع الظلم عنه ، فالسالفه أبدا ما تسوى، و يدخلون كل العيال حضانات أفضل، أو أحد من الأهل يجي يقعد عندكم فتره لحد ما الله ييسرها..

انا مبتعثة الىبريطانيا وما ادري كيف الانظمة وبالله حأعرف اذاكر مع البزورة مررررررة محتارة وجهوني

أم ثامر اذا الشغاله طيبه ,,,, خذيها وتوكلي على الله

انا في بريطانيا ومعاي خدامه سيرلانكيه ,, قالوا اول ماتوصلي بيسألولها في المطار كم راتبك وتاخذي اجازه ولالا وخوفوني ,,, وطبعا ولا احد سألني ولا سألها اي سؤال

والله بتندمي لو مااخذتيها ترى المعيشه هنا مره صعبه مو زي بلدنا الله يعزها,,, عندنا السواق يوصلك لمن باب المحل الي تبيه واذا خلصتي شال الاكياس وحطها بالسياره

هنا ,,,, انتي تقضي وانتي تشيلي الاكياس وانتي تمسكي العيال وتدخليهم االباص وتمسكيهم في الباص لا يطيحوووو واذا الاندر جراوند تجيري فيهم قبل يقفل الباب
والله شغله ممله ,

نصيحه اذا تبيغي الشغاله تنبسط معاكي ,,,,
في الاويك اند وديها يوم اي مطعم واليوم الثاني وديها السوق اعطيها فلوس بيدها قوليلها هذي فلوس مو من الراتب من عندي هديه اشتري الي يعجبك


هذا الي انا سويته والحمدلله اموري ماشيه وفي الاخير طبعا القرار راجع لك

انا مع ام الوليد تمااااااما ..

حبيبتي ام ثامر .. هل تتخيلين انك ممكن تدرسين و انتي حامل و معاك طفلين وشايله شغل البيت والملابس والطبخ وبدون شغاله؟؟!!! اسألك بالله وش هالدراسه اللي بتعرفين تدرسينها ؟؟

انتي في بلدك و متفرغه ما عندك دراسه ومع هذا تحتاجينها .. فمابالك وانتي لاهيه بالدراسه و حامل بعد الله يهون عليك و يقومك بالسلامه ؟؟

انا عندي طفلين و ناويه اخذ شغالتي لأني باختصاااااار رايحه ادرس .. والدراسه يبي لها تفرررغ تااااام ..مو شغل و حوسه ..وغير كذا ماراح اطمن عليهم اذا كانت جايه عندهم مربيه ما اعرفها ولا تعرفني وما ادري وش دينها ؟؟ يختي وجه تعرفه ولا وجه تجهله .. وطبعا الحضانه نو وااااي لأنها غااااااليه و غير كذا صعب يطلعون الصغار في البرررررد من الصباح و يصحون من احلى نومه و يتمرمطون .. خليهم في الدفى احسن .. هذا غير الامراض اللي ممكن تصيبهم من هالحضانات واختلاط الاطفال ..وحطي ببالك بترجعين تعبانه من الجامعه والصغير يبغى لها عنايه و اهتمام ماراح تكونين رايقه له صح والا لا .. واذا على تهرب انتي اعرف الناس بخدامتك ..هل هي كويسه و وفيه والا ما لها امان ؟؟ هذي تفرق كثيــــــــــــــــر ..لو انها فلبينيه يمكن قلت لا تاخذينها لأنهم ما يقاومون بريطانيا علطول يهربون اما السريلانكيه ترى غير ان شاءالله ..عندها ولاء شوي .. وقبل كل شي استخيري ..

انا حاليا ادور بيت دورين بسعر معقول لأن صعبه تسكن معانا بشقه و نتخابط فيها رايحين جايين ..وان شاءالله ربي يسهلها من عنده لي ولك ولكل أم تقاتل عشان هالماستر ..

يعني باختصــــــــار ( اذا هي كويسه و مريحه ) توكلي على الله و خذيها معك .. وخلي عنك نظمي وقتك و عيالك بحضانه ومن هالحكي ..ترى الواقع شي اااااخر ..

وسلامتك

من جد موضوع الأمهات المبتعثات لهم هموم خاصة حلو إننا نتشارك فيها وكل وحدة تفيدنا من خبرتها أو تجربتها..

بالنسبة لبريطانيا الحضانات صح غالية بس اللي شفته من المواقع حقتهم إنها بروفيشينال يعني إن شاالله تضمنين أمان طفلك و رعايته فيها و خاصة إنتي ولدك 3 سنين يعني يعطونك تخفيض مرة حلو وولدك الكبير دخليه مدرسة .. وهم مايطلعون إلا متأخر يعني الحضانة بتحطينه من 8 - 6 يرجع يتعشى وينام

وبالنسبة لشغل البيت إذا ما أخذتي شغالة بتاخذون شقة صغيرة مكونة من غرفتين وحمام واحد وصالة بس يعني ماراح ياخذ منك شي والزوج في الغربة سبحان الله يصير يتحمل المسئولية أكثر وحاولي تعودينه يساعدك..

عموما كل الخيارين فيه سلبيات وإيجابيات بس ما أقدر أقولك إلا ....." ما خاب من استخار وما ندم من استشار "

إستخيري و شوفي آراء البنات اللي يناسبك و ربي بييسرك الخير ..

وفي خيار أخير تقدرين تروحين أول مرة بدون شغالة وتجربين مشى وضعك كان بها مامشى فرجعتكم الثانية جيبيها..

والله يوفقك وإيانا لكل خير..

الله يساعدكم ياااااا امهااات ويعطيكم على قد نوايكم
مثل ماقالو عامليها بالطيب والرافة وادعي الله سبحانه يسخرها لك ولاولادك وترجعين بالسلامة بدون اي ازعاجات