]استفسار عن دراسة الماجستير

بداية اخوي الله يوفقك ..


الشركة ما يحق لها تشترط أكثر من شهر إنذار في حالة الاستقالة .. هذا كبداية ..

من ناحية ثانية المعاهد المعترف فيها تبدا أسعارها من 700 باوند شهريا وفوق ..

ثالثا انت في البداية قلت انك حتستقيل بس يبدوا لي انك غيرت رايك وبتطلع اجازة شهر .. عشان كذا لو حاب تطلع إجازة شهر تجي تحاول تنضم فيها للابتعاث في بريطانيا لا تجي الا ومعك قبول جامعة .. غلط انك تجي وتبدا تقدم هنا .. لأن أغلب الجامعات تاخذ اسبوعين ( على الأقل ) عشان ترد عليك سواء بالرفض أو الإيجاب .. وانت محتاج ان قبول الجامعة يكون معاك عشان أول ما تجي بريطانيا ان شاء الله تفتح ملف في الملحقية في لندن بأول يوم توصل فيه وترفع طلب انضمام للبعثة بنفس اليوم ..

الفيزا أخوي تطلعها لما تجيب قبول معهد قبل لا تمشي ان شاء الله وكشف حساب لمدة ستة شهور سابقة يكون رصيدك فيها كويس .. أو كشف حساب الوالد أو أحد أخوانك لو كان رصيدهم أحسن .. وباقي المتطلبات العادية الأخرى اللي تلقاها في موقع الوزارة ..

المعهد اخوي لا تدور معهد في لندن لأن معاهدها أغلى والسكن والمعيشة فيها أغلى .. شوف لك شي برا لندن في أحد المدن البريطانية الأخرى غير المدن اللي تم منعها من قبل الملحقية وهي سبع مدن في جنوب بريطانيا ( تلقاها في تعميم الملحقية في موقع الملحقية ) ..

من ناحية الفترة ( شهر ) إن شاء الله انها كافية بشرط ان يكون معك قبول من جامعة معترف بها من وزارة التعليم العالي أول ما توصل .. وان يكون معدلك في الجامعة جيد وأعلى .. يعني أي شي غير ( تقدير مقبول ) ..

الحلو في موضوعك ان عندك خبرة .. وهالشي ان شاء الله بيسهل لك انك تحصل على قبول في جامعة في بريطانيا لأن الجامعات البريطانية تقدر الخبرة ..

أتمنى أكون أفدتك ..

الله يوفقنا وياك ..

اخوي فرعون
الله يعطيك العافية على المعلومات القيمة اللي قدمتها لي

بس انا كنت ابي معهد في لندن عشان اقدر اراجع الملحقية بأستمرار وبكذا رح اوفر تكاليف المواصلات لو رحت اي مدينة اخرى

بس اخوي فرعون كيف احصل على قبول جامعة من دون ما اروح للمكاتب اللي تجيب قبول لانهم احس انهم نصابين ويتأخرون في توفير القبول غير عن الرسوم اللي ياخذونها اللي تعتبر مرتفعه جدا مقابل العمل اللي يقومون فيه

واخر استفسار اخوي فرعون هل 25000 ريال تكفي لدفع رسوم معهد وسكن ومعيشة لمدة شهر؟

بالنسبة لموضوع الاستقالة
انا ناوي استقيل واطلع اكمل دراستي لو كنت ضامن انهم رح يلحقوني بالبعثه بس لما فكرت شفت ان الافضل اني اقدم اجازة واطلع الين تتضح الصورة امامي

الله يعافيك اخوي .. ما سويت الا الواجب ..

المعهد زي ما قلت لك في لندن بيكون غالي والمعيشة بعد غالية والمواصلات والسكن .. الخ

ما راح تحتاج تراجع الملحقية الا في اول يوم توصل فيه عشان تفتح الملف ان شاء الله وترع طلب الانضمام للبعثة وبعدها تروح للمدينة اللي بتدرس فيها بالمعهد ان شاء الله .. فيه مدن قريبة من لندن تبعد ساعة او ساعتين بالقطار عن لندن لو احتجت انك تروح بويك اند مثلا او شي زي كذا بيمديك تروح ان شاء الله .. رايي انك تتواصل معاهم يوميا عن طريق التليفون والله يعينك على المكالمات .. شد اعصاب صراحة ..

وبالنسبة للمبلغ كافي وزيادة ان شاء الله اخوي .. بس اهم شي حط في بالك انك جاي دراسة مو سياحة ..

وبالنسبة لقبولات الجامعة تقدر انت تقدم بنفسك تدخل على موقع الجامعة وتقدم .. او تقدر تقدم عن طريق احد المكاتب سواء في السعودية أو في بريطانيا .. انا اعرف شباب كثيرين قدموا عن طريق هالمكاتب .. بس عشان تضمن ان شاء الله حاول انك ما تقدم الا عن طريق مكتب مجرب من احد تعرفه شخصيا ..

الله يوفقنا وياك اخوي ..

تقدر تقدم مباشرة على الجامعة وتسجل ONLINE بس حدد الجامعة اللي تبغى تدرس فيها
وفي مواقع تعطيك تصنيف الجامعات حسب التخصصاللي تبغاه و ابحث عنها في الموقع

انا راسلت الجامعة اون لاين ومنتظر الرد منهم ؟؟؟؟؟؟؟؟؟؟؟

الله يوفقك

الف شكر اخوي good-boy على مرورك

استفسار ....... كم تقريبا تكاليف دراسة الماستر في اي جامعه معترفه في بريطانيا