تكفووووووون >>ترى تعبت<<

سلامن عليكم

اخباركم؟؟ شلونكم؟؟؟

بالمختصر انا بقولكم اللي عندي وابي اسمع ارائكم << اقصد اشوف

المهم انا اصلا مبتعثة لفرنسا وقالولي حولي الدوله لانه الجامعات بفرنسا مايقبلون تخصصات الا اذا كانت امتداد للتخصص اللي قبله المهم مالكم بالطويله

قلت اوك احول وابي بريطانيا خلصت الاجراءات وكملتها وللحين انتظر ردهم بالتحويل

انا في هالوقت قلت خليني ادور لي قبول عشان مااضيع وقت

وحده من صديقاتي عطتني رقم دكتور ببريطانيا يجيب قبولات للطلاب المهم اخذت الرقم وكلمته

واتفقت معاه على كل شي وعطيته كل بياناتي هو قالي خلاص بجيب لك قبول في جامعة سوانزي

قلتله اوك كلمته بعد كم يوم قالي كلمت الجامعه وقالولي مانقبلها لانها ماعندها اي خلفيه عن الحاسب هي بكالوريوس فرنسي وماتعرف اي شي عن الحاسب صعبه نقبلها ويمكن تنجح ويمكن لا <<< وطبعا جامعة سوانزي من اقوى الجامعات في الحاسب

قالي بشوف لك جامعه تقبلك بتخصص الحاسب بس تعطيك سنة قبل دراسة الماستر ( سنه تحضيريه ) لانه ماعندي اي خلفيه عن الحاسب

قلتله اوك مو مشكله ادرس سنه زياده بس يجيني قبول

بعد يومين كلمته قال خلاص كله تمام لقيت لك قبول في جامعة بانقور وهي بنفس مستوى جامعة سوانزي قلتله اووووك حلووو قال ان شاء الله الاثنين او الثلاثاء بالكثير والقبول عندك

وانبسطت بس للاسف يافرحة ماتمت

دخلت موقع الوزاره ودخلت على تخصصي اللي هو الحاسب وشفت الجامعات الموصى بها في هالتخصص وطلعت جامعة بانقور مو من ضمنها << يعني لما سويت بحث بالجامعات الموصى بها في موقع الوزاره جامعة بانقور من ضمنها بس لما سويت بحث في تخصصي ماطلع لي جامعة بانقور لييييييييييييييش؟؟

وموب عارفه الحين شسوووي ارسلت له ايميل وقلتله تخصصي مالقيت بانقور من ضمن الجامعات اللي موصى بها << احسها جمله بنقاليه

<<<<< وربي احس اني ماعاد اعرف اكتب من اللخبطه والحوووسه اللي انا فيها

اخاف يطلع نصاب واتوهق وبس يبي يرميني في اي جامعه والسلام

واخاف اكمل واروح ادرس ويطلع موب معترف فيها

اوووووووف احس راااسي بينفجر من التفكير

شسوووي؟؟؟

اللي يعرف مكاتب تجيب قبولات ومعتمده يعطيني هي الله لا يهينكم

وابي جامعات معترف فيها وبتخصصي ماستر حاسب


اي احد عنده معلومات اتمنى يفيدني واكون شاكرتلكم


^_^


الله يوفق الجميييع يااااارب