اللي دارس MBA يرد على الموضوع ضروري

اتوكل على الله كل شي سهل طالما انت متوكل على الله

انا الي اعرفة انه لازم يكون عندك خبرة عمل في اي مجال اداري لمدة ثلاثة سنوات بعد التخرج

و موفق انشاء الله

ان شاء الله ما تلاقي فيه اي صعوبه

ابو صيام

لا مو لازم يكون عندك خبرة ثلاث سنوات
التخصص يتدرس بطريقتين.. تنفيذي وماهو تنفيذي.. التنفيذي بتلقى عادة جنب اسم التخصص مكتوب
Executive وهذا مطلوب منك خبرة ويختلف عدد سنين الخبرة من جامعة لثانية بس بالغالب مش اقل من 3 سنوات

عموماً تخصص الإم بي ايه العادي انا كنت ادرسه وعقدتي الرياضيات لأني بصراحة ماني شاطرة فيه ولا أحبه.. المنهج حلوو يتراوح بين الصعب وبين المواد العادية بس فيه كان ريكوايرمنت مادة اسمها ستاتستيك.. أو مايسمى بالعربي رياضيات إحصائي.. هذي هي فقط المادة الصعبة وتمشي فيها ان شاء الله بس انا كنت منزلتها بروحها .. فيه مدخل على الإدارة المالية... ومقدمة في المحاسبة وهذولا كانوا سهلين يعني مشيت فيهم لأن الدكتور كان شاطر



كل تخصص إلا ماتلقى فيه مادة أصعب من غيرها بس ان شاء الله مافي شي معقد.. وتختلف المواد الي تندرج تحت التخصص من جامعة لثانية.. بس اتوقع انك لازم تاخذ نبذة وإن كانت مبسطة عن شي له علاقة بالرياضيات

بعد التوكل بالله
العضو (GUESS)
عندي استفسار
اللي يحمل مؤهل جامعي في الحاسب الالي وعنده خبرة ثلاث سنوات بالموارد البشرية بالخطوط السعودية
كيف بيكون التخصص (( وانا سمعت انه في بعض تخصص الماستر (MBA) لمده سنتين او ثلاث وفيه ماستر سنة ويختلف عن الاول حيث انه له اسم لا يحضرني الان
فما هو الاختلاف بينهما
ماهي من وجه نظرك الجامعات المناسبة لهذا التخصص
وشكراً

مادري اعتقد اني مافهمت سؤالك بشكل واضح..
لكن بالنسبة لسنوات الدراسة يختلف حسب اختلاف الجامعة والبلد يعني ماله شغل بنوعية التخصص كثر ماهو نظام دراسي تعتمده جامعات معينة
يعني مثلاً بريطانيا الماستر عادة سنة.. وقد يكون 10 شهور بعد
لكن بأمريكا يمكن تاخذه بسنتين ويمكن أكثر
يعني هو يعتمد على النظام المتبع
وزي ماقلتلك الي اعرفه إن الأم بي أيه نوعين (تنفيذي وغير تنفيذي) تنفيذي للمدراء فقط ذوي الخبرة.. غير تنفيذي للناس العاديين مثلاً مثلك ومثلي) أنا خريجة ترجمة ودرست ماستر ام بي ايه في البحرين بس الإم بي ايه العادي وكان سنتين بس لأني كنت موظفة فكنت اخذ بالسمستر مادة او مادتين يعني طولت شووي..
وسؤالك بخصوص الجامعات المناسبة هذا سؤال عام وجوابه يعتمد على راحتك وعلى طبيعة الجامعة الي تفضلها وعلى اشياء كثيرة ماقدر احصرها ولا اقدر افيدك فيها

والله يوفقك

Guess

الله يعطيك الف عافيه كفيت ووفيت وماقصرت ونسال الله عز وجل ان يجعلها في ميزان حسناتك

اخوك صالح الزهراني

الموضوع رائع والمشاركات اكثر من رائعة
اختي Guess انا ارغب بدراسة الماستر ادارة وودي اعرف كم هي المدة الفعلية للبرنامج في الجامعة اللي في البحرين لأن ودي احاول اجمع بين الدراسة والعمل
يعني سالفة استقيل واتفرغ للدراسة بالخارج مع ان حلمي بأن ادرس ماستر في بريطانيا << يا كريم
وبعدين وش هي اقوى الجامعات اللي تعطي البرنامج واي تفاصيل ممكن استفيد منها

يعطيك العافية وما قصرتي

هل لديك خلفية عن ماستر تجارة الكترونية
ياليت معلومات عنها او موقع تنصحنا فيه
ويعطيك العافية