وصولي لندن..وضياع اللاب توب...ومعاهد لندن.(.تقرير)

March 4th, 2009, 10:45 PM

سلالالالالام عليكم

اهلييين وسهلييين

وقسم اني اكلمكم وانا منهد حيلي ..عشان كذا بيكون التقرير مرة مختصر
المهم

الحمدلله وصلت لندن يوم السبت 28 فبراير ..قبل كل هذا لاب توبي ضاع في مطار الرياض
وتخيلوا حطيته بالسير حق الجوازات

ورحت قصيت التذكره ونسيته بصراحه وماتذكرته الا في الطياره ...وكنا مقلعيين يعني مافيه امل الجوال يشتغل

والله واول ماوصلت كلمت الوالد وراح لهم ..بس للاسف لحد هللحظه مالقوه

اممممممممممممممممم
ايه من ناحيه الاشعه بالمطار ..والله قالوا لنا روحوا الhealth centr ...رحنا على اننا بنسوي اشعه ..بس والله لا سووا اشعه ولا هم يحزنون..كلها ورقتين عبوها واسالونا وين بنسكن ..قلت والله مدري للحين وعطتني ورقه اعبيها وارسلها لهم بعدين..

تقريبا 6 ما معهم اشعه ومشونا عادي بدون اشعه...وبس ..ووصلت المطار اخذت اندرقراوند وبس

بصراحه انا مقدر اروح واجي بدون لاب توب ولا اقدر اسوي اي شي...لاني باللاب توب اقدر اطلع الفنادق واطلع الخرائط والشوارع والخ...

والله كنت حاجز بفندق مرة مرة بايخ بس اشوا ان حاجز يومين بس

لا حمام ولا هيتر ولا شي ...امحق من فندق

ونقلت فندق ثاني الغرفه مرة صغيره مرة مرة بس الحمدلله ارتحت فيها وقريبه من كل شي ب 25 باوند اسم الفندق collin house
بس من اللحين اقولكم ترا الغرفه مرة صغيييره

المهم والله وادخل مقهى نت وادور على اقرب محل يبيع لاب توبات ورحت له اسمه PC WORLD في شارع tottenham court road هالشارع كله حق كمبيوترات مرة مرة حلووو للاجهزه

والله لاب توب مرة حلو وصغير ب 280 باوند بس

والله خلال هالا3 ايام رحت احسن معهدين بلندن international hose و Eurocentr

وكلهم اخذت فيهم قبول ..وعلى الطلاب الي يدرسون في هالمعهدين ...الانترناشونال هاوس مرة حلو ورسومه غاليه
ويمدحونه بس مشكلته العرب مرة كثثثيييرر

واليورسنتر يقولون اقوى من انترناشونال هاوس والعرب مرة قليل فيه ...وانا رحت للاثنين ..كمبني وتصميم واجهزه ..الانترناشونال افضل ...

بس ان شاء الله انا بدرس في اليورو سنتر

وش بعد ؟؟ ايه صح الملحقيه ان شاء الله بكرا بروح لها ..والله يعين ...ايه على فكره ترا الاندرقراوند مرة مرةر مره سهل..

مدري يمكن سهل لي لاني اول شي كنت اسال وين رايح ووين جاي ...بس صدقوني والله للحين ما استخدمت لا تكسي ولا باص ..كل شي بالاندر قراوند


وش بعد ..الشعب البريطاني خلال 3 ايام بالعكس تعاملهم مرة مرة حلووو ..

اممممممممممممممممممممم ان شاء الله مانسيت شي..ايه صح ترا بررررررد

واي استفسار ابشروا من عيوني ...

• نشر عبر تويتر
• نشر عبر فيسبوك
• نشر عبر جوجل