ماهي ولماذا ومانوع الاشعه المطلوبه عند الدخول الى بريطانيا

اضيف صوتي الى صوتك انا كمان اتمنى تفيدوني في هذا الموضوع؟؟

اشعه عاديه للصدر ,, قد تطلب منك وقد لاتطلب بالمطار والتقرير ماني متاكد مطلوب اولا بس جيبه معاك احتياطا

يارجال لا في اشعة ولاهم يحزنون ولافي شي اسمه تقرير

انا كنت خايف وعالم تقول سوي وكنت بسوي عند دكتور

وماتيسرت لي ماكان عندي وقت ورحت بدون تقرير

ولافي شي اسمه ويندوز اصلي للابتوب

انا الاسبوع اللي راح وصلت ماطلبو مني اي شي

توكل على الله وان شاء الله تتيسر امورك

بالتوفيق ..

السلام عليكم ورحمة الله وبركاته
بالنسبة للأشعة المطلوبة فهي أشعة x-ray عادية
نصيحتي لك ولجميع الأخوان سووا الأشعة لكم وللمرافقين معك
وخذ بالإضافة إلى الأشعة تقرير مختصر جدا من الطبيب لكل واحد على حدة يفيد خلوك من مرض السل ( اللي تهتم به الحكومة البريطانية ) .
طبعا أول ماتدخل للمطار وتروح عند الموظفين المختصين بتختيم الجوازات فيتم - في حال كان أول دخول لك لبريطانيا- انتقاء عينة عشوائية من الداخلين فتطلب منك إذا كنت من ضمن العينة الذهاب لغرفة ( بالنسبة لمطار هيثرو ) على يسار الكونترات ليتم التأكد من الأشعة والتأكد من العنوان الشخصي لك في بريطانيا وسلامة دخولك ( هذا المكان مخول بإرجاعك مباشرة من المطار للسعودية في حال عدم وجود اثباتات لديك )
الذي حصل معي أنا كالتالي : تم تحويلي للمكتب المذكور وطلبوا مني اشعة الصدر وكان معي تقرير عني وعن المرافقين معي وصور الأشعة كانت في حقائب الشحن فأعطيتهم التقرير فقط ، ثم تم طلب عنوان السكن في بريطانيا وعنوان السكن في السعودية وتم طلب قبول معهد اللغة أو قبول الجامعة لي والحمد لله الأمور تيسرت .
اللي ماسوا الأشعة يتم عمل الأشعة له في المطار ، اللي ماعنده عنوان واضح في بريطانيا وعنده قبول يتم إعطائه فرصة تقريبا اسبوع على أن يرسل لهم عنوانه في وقت لاحق ، اللي ماعنده قبول في معهد أو جامعة ، الله لا يهينه أقرب طيارة للسعودية .
هذا ماتم وصار لي وشفت بعيني - لبعض الشباب اللي ماسووا الاشعة - في المطار ( هيثرو )
أما بالنسبة للنسخ الأصلية من التقليد أنصح جميع الشباب ( لا يتهورون ) ثم عندما يدخلون من ضمن العينة العشوائية يتورطون المشي حسب النظام مطلوب ، وقيمة النسخة الأصلية رخيصة تلقونها في جرير وتقدر تستخدمها لثلاثة أجهزة .

أتمنى أن تكون الإجابة شافية للجميع وواضحة .
والأمور تياسير بإذن الله ، الله يوفقكم .

السلام عليكم ورحمة الله وبركاته ...
بالنسبه لأشعة الصدر فهي عاديه وبسيطه وما تاخذ وقت طويل وهي ضروريه لمن يدخل بفيزة طالب فقط أو سياحه أكثر من 6 شهور.
وما فيه اي مشكله اذا جبتها معك أو حتى سويتها عندهم في المطار وعموما ترى يسوونها بدون رسوم.
وبالنسبه للاب توب فما فيه اي مشاكل من اي ناحيه اصلي كوبي كله يمشي لانهم في المطار مايسألونك عن اللاب توب أبدا ...

يالربع بالنسبه للأشعه اشعة صدر عاديه جداً وتقرير عادي انا ودي أنزله التقرير هني بس خذوه مني المكتب الصحي لكن هو عادي جداً ومختمه لي الدكتور فقط مكتوب عليه نو ..!
:
وبالنسبه للابتوب والله ماحد سئلني عنه ولا حد درى وين سوقي قسماَ عظماً أنه مليان برامج كلها تقليد ولا والله العظيم أن معي اسطوانة ويندوز اكس بي قلت لا خرب الجهاز اسوي له فورمات ومعي شنطة سيديات برامج وكذا ماحد فتشني ولا شي من خلصت من الجوازات والمركز الصحي رحت للعفش اخذت عربيه ورحت للسير خذيت شنطتي وخذيت تاكسي وعلى افندق حطيت اغراضي ثمن للملحقيه حتى ماريحت وخلصت اموري ورجعت ونمت وصحيت بكره افطرت وعلى اكسفورد بالقطار ثمن على العائله بالباص وابشركم الأمور سهالات فوق ماتتصورون جداً سهله يمكن تضيعون بالباصات شوي بس

انا اللي اعرفه الاشعة للي بيجلس في بريطانيا من ستة شهور وفوق

مثلي انا اول مره رحت بريطانيا كانت لمدة شهر ونص ولاطلبوا مني اشعة

لكن المره الثانية مدة طويلة وطبلوا مني اسوي الاشعة عندهم في مطار هيثرو وسويتها

لكن بسرعه تخلص وحتى لو تاخرتوا يمكن بسبب الزحمه لو كان فيه

بخصوص الابتوب انا مرتين دخلت في هيثرو ولاحد طلب مني اشغله لهم او انهم فتشوه

لكن في الخروج و انا راجع للسعودية طلبوا مني احط الابتوب في جهاز الاشعة

والسبب ليست في البرامج ولكن يبغون يعرفون لو الابتوب نفسه فيه شي او لا وبس

الامور سهله والله ولاحد يشيل همها

تحياتي ،،