بااااااااااااااااااركولي (وأجيبوا على استفساراتي)

أنا قبولي بتاريخ 26/5/2009م ورحت للوزارة وختمو عليه..
لكن حصل عندي ظرف وأحتاج يمكن أجيب قبول جديد بس ماني عارف ايش آخر تاريخ
ممكن راح تعتمده الوزارة في البعثة..

ياليييييييييت أحد يفيدنا بهالشي وخصوصا اللي من اهل الرياض
تكفون الفزعه.. الوزارة جنبكم وإن شاءالله بميزان حسناتكم كل هالتعب...

اخيرا يافزااااااع.....مبروووووك....شفت اني وجة خير عليك خخخخ.......اللحين تقدر تفهم معنى الكلام اللي بموقع حق باريس مضبوط خخخخخخخخ

تستاهل والله والله يتمم على خير......انصحك في معهد اسمه ساوث لستر شير ممتاز في التدريس على كلام الشباب

أبو جبل الله يسعدك

أنا عندي قبول من معهد جامعه ليستر بس المشكله أن الكورس الى حطيني فيه يبدأ دراسه في 07/09/2009 وما أدري هل الوزاره راح توافق عليه ولا لا

أخوي فـزاع

إجابة لسؤالك أي نعم أتوقع يوافقون ما في شي يمنع ؟
أنت وش اللي مخوفك انهم ما يوافقون ؟

اخت لانااا

ما اذكر رقم جلستي ولكن اتوقع انها جلسة 220 او اللي بعدها, لكن التحويل كان لاسباب اكاديمية مقنعة كون التخصص المطلوب دراسته ما كان موجود في جامعتي النيوزلندية إضافة لطول مدة الدراسة في نيوزلندا و المقررة بثلاث سنوات في المقابل سنة واحدة فقط في بريطانيا ..

....

توضيـح فقط للطلاب المحولين من دولة لدولة أخرى ..

لكل قرار تحويل مقر بعثة مدة حاول قدر الامكان انك تتجه لدولتك الجديدة خلال فترة قرار التحويل و إلا لن تفعل بعثتك في الدولة الجديدة حتى تفعل قرار التحويل ..
أمر أخر اللي هو اللي متوقع انه يطول قبل لا يروح دولة الابتعاث و عنده اسباب مقنعة لذلك أنه يقدم طلب تأجيل بعثة حتى ما تحسب له من بعثته فترة الانتظار اللي راح يجلسها ..

عموماً بكرا إن شاء الله طالع الوزارة لطلب تأجيل البعثة حتى بداية السنة الدراسية البريطانية

كل التوفيق لكمـ

لا لا لا معقولة الحمدلله متى العشا والكابريس ؟؟

الله يسهلك الباقي يارب

مبرررروك


الله يوفقك يارب بدراستك


تحياتي

أخوي كان..أنت متأكد من كلامك أو بس توقع..
لأنه لو جبت قبول في شهر 9 مثل ماهو حاصل مع اخوي فزاع
بتكون اجراءات المرحلة الخامسة للإبتعاث قد ابتدأت..
وأتوقع راح يلغون بعثة اي طالب من طلاب المرحلة الرابعة
بمجرد بداية المرحلة الجديدة..

عموما انت رايح للوزارة بكرا الله يكتب أجرك إن شاءالله
اذا قدرت تتأكد من هالشي وتريحنا من القلق اللي عايشين فيه..

وبالتوفيق للجميع...

يالــيــت تــفيــدونــا هــل الوزاره فعلا راح توافــق على بدايه الدراسه في شـــــــــهر( 9)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا جمـاعة أنا وضعي مختلف شـوي
كونكم طلاب المرحلة الرابعة فيجب السفر لمقر البعثة في أقرب فرصة ممكنة أو حسب ما تبدأ دراستك سواء الوزارة اللي جابت القبول لك أو أنت اللي احضرت القبول ..

أنا كنت فقط أتحدث عن الطلاب المحولين من دولة لدولة..

كل التوفيق

أنا رايح الوزاره أن شاء الله يوم السبت القادم

وراح أتأكد من تاريخ بدايه الدراسه