بكالوريوس في Gestion et organisation administrative du sport

وعليكم السلام ورحمة الله وبركاته

حياك الله اخوي السعودي

اولا وقبل كل شيء ,,, احب اهنيك على الجملة الاخيرة اللي كاتبها بـ الاحمر

للاسف ... انا ماعندي اي فكرة عن تخصصك الرياضي هذا وماعرف اي عربي او فرنسي هنا يدرس اي تخصص له علاقة بالرياضة خير شر لكن يوم دخلت وقريت موضوعك حبيت انصحك من جد ,,, انت الان في المستوى الخامس يعني خلصت ثلثين الطريق بحكم انك ماراح تقدر الا على بداية السنة الجاية وحسابيا (وطبعا بعد توفيق الله) انك تكون بـ المستوى السادس ,, فـ حرام انك تترك جامعتك خصوصا ان الدراسة هنا صعبة من جد في دراسة البكالوريوس اما في الماجستير والدكتوراه فـ الوضع اسهل

فـ نصيحة لك كمل مشوارك ثم لـ كل حادث حديث

اما بـ خصوص المعاهد ,, فـ فيه معاهد جامعية وفيه معاهد منفصلة ومن ناحية القوة فـ يعتمد
لاني اعرف معهد وحده من جامعات روان (مدري اي جامعة بـ الضبط) كان سيء لابعد الحدود وايضا اعرف مثلا معهد BLS وهو مستقل في بوردو وهذا سيء جدا بعد

اتمنى اني افدتك

تحياتي

يا هلا و سهلا اخوي مباري ... الله يجزاك خير ما فيه معلومة تقدمونها إلا يكون فيها فائدة للسائل...

بالنسبة للجملة اللي بالاحمر لأني لاحظت انه فيه بعض الردود على المستفسرين يطلب منهم الاطلاع على المواضيع المثبته.. و انا بصراحة متابع للمنتدى قبل ان اسجل و اطرح الموضوع

بالنسبة للجامعة هنا.. انا حالياً المفروض انني في المستوى السادس لكن ما كتب الله و للأسف البكالوريوس في اللغات و الترجمة خمس سنوات و ليس اربع سنوات مثل معظم التخصصات يعني حالياً اقدر اني اقول انني في منتصف الطريق,

و بالنسبة لتخصص الإدارة الرياضية فهو الحقيقة يستهويني و له مستقبل ان شاء الله و بعد ما سألت عنه اتضح لي انه يعد من التخصصات الإدارية


و بالنسبة لدراسة اللغة فالحمدلله انا الآن اكتسبت مبادئها و عندي إلمام بها إلى حد ما لكن اللي أثر علينا هو عدم الممارسة فإن شاء الله في حال اني درست في فرنسا ان اللغة ما تشكل عائق

لكن اللي يشغل بالي هو ما تفضلت به بخصوص صعوبة البكالوريوس في فرنسا مقارنة بالماجستير و الدكتوراة انا الحقيقة سمعت بهالمعلومة من قبل .. لكن ودي بتوضيح أكثر .. يعني وش الفارق و وين مكمن الصعوبة ؟

و هل البكالويوس في فرنسا اصعب من امريكا مثلاً ؟؟


شـاكـر لك اخـوي مباري و اعذرني ثقلت عليك بالأسئلة

8 8

الله يحييك ويبقيك ,,, بس تصدق مادريت ان تخصصك ذا اداري !!! انا حدي بـ ادارة اعمال وادارة عامة بس وغيرهن اخذه على اسمه

اما بـ خصوص الجامعة ,,, إن شاء الله لو انك بـ المستوى الأول فـ رأيي لك انك تكمل ... وعصفور بـ اليد ولا عشرة على الشجرة

سالفة انك تحتاج ممارسة فـ تقدر تحل الموضوع انك تطلع مثلا هـ الصيفية وتاخذ لغة 3 شهور واذا كان رصيك اللغوي جيد فـ اللي تحتاجه ان لسانك ينطلق بس

وبـ خصوص الصعوبة فـ ماقدر اشرح لك شلون ,,, بس الناس تشتكي هنا بـ شدة وانا عن تخصصي وبما اني كنت ادرسه نفسه بـ السعودية وتركت جامعة الملك سعود وجيت هنا فـ اللي احب أأكده لك انه الوضع اصعب تقريبا 5 مرات ومن دون مبالغة ,,, وطبعا فرنسا أصعب من أمريكا وبـ مراحل (على حسب معلوماتي) وبعدين ميزة أمريكا انك اذا ما مشت امورك عندك الف جامعة ثانية ووضعهم موب صعب مرة من ناحية تغيير الجامعة وزيادة على كذا عندهم جامعات ابو وناسة 4 سنين وتاخذ شهادتك وبعضها معتمد عندنا ,,, بس ذي الأشياء ماراح تلقاها في فرنسا للاسف ,,, الوضع هنا صعب ,, والتحويل شبه مستحيل (وصعب اذا كانت الملحقية هي اللي راح تحولك بعد) والحكومة الفرنسية شديدة على قوة الجانعات فـ ماتلقى جانعات نص كم

عموما ... استخر ربك قبل أي خطوة تسويها ,,, والله يختار لك الخيرة المباركة

بالتوفيق

تسلم يا مباري

اللي مخليني افكر اوقف دراسة هنا و اطلع لفرنسا ان الدكاترة اللي شاورتهم عندنا بالقسم أيدوني بهالخطوة و منسق القسم قال لي انه في حال رحت و درست سنة لغة و ما توفقت في التخصص بالجامعة و ما قدرت اكمل لا قدر الله ..ارجع للجامعة و يعادلون لي مواد اللغة اجتزتها بفرنسا و يدخلون على مستوى متقدم مباشرة .. أضف لها السجل الأكاديمي اللي مسجل عن طريق جامعة الملك سعود يخولني أكمل من حيث توقفت في حال عدت للقسم


على العموم إلى حد الآن ما بدأت في اي شي ... الحاجة الوحيدة اللي مخليتي اعيد التفكير هي ما يخص دراسة البكالورويس في فرنسا و بخصوص الأمور الثانية مرتاح من ناحيتها سواء بخصوص المعاهد او السكن او حتى المدن ... والله يكتب اللي فيه الخير للجميع و قبل ابدأ باي شي راح استخير

و شـاكر لك تفاعلك بالموضوع

بسم الله الرحمن الرحيم

هلا وسهلا عزيزي واخي الفاضل (( هشام ))
<< محمد
بالنسبه لتساؤلاتك .. فلا شك راودتني نفس الفكره ولاكن بتخصص آخر
وبحثت بخصوص المجال اللي ابغاه وهو ..علوم سياسيه .. ودخلت موقع الملحقيه وشفت كل الشروط
وكانت المجالات محدوده ,,
وبالنسبه لقبول الجامعه لازم يكون عندك شهاده اجتياز c1 وبعض الجامعات القويه c2
يعني لو تجي يبغى لك سنه لغه او سنه وشوي ..على حسب شطارتك ..

على العموم .:. انا ان شاء الله راح اروح الملحقيه بنفسي بعد كم يوم وراح استفسر بخصوص الشغلات هذي
وانضمام الى تخصص غير مشروط
وان شاء الله خير

لاكن ترى ممكن تحل مشكلتك بتخرجك من الجامعه وتكمل ماستر بعدين

سنة او سنة وشوي عشان تجيب الـC2

C2 لو تجيبها في سنتين وانت تذاكر مزبوط احمد ربك ,,, وثاني شي ذا المستوى ماحد يطلبه ,,, حتى اني اعرف واحد يحضر ((دكتوراه)) في ((الادب)) في جامعة ((السوربون)) وطلبوا منه C1 !!!

غريبه مرة من الجامعة اللي انت لقيتها كذا ,,, او يمكن تكون مافهمت مزبوط !!! انا سمعت ان C2 يطلبونه لـ الكتاب الصحفيين بس !!!

واذا كنت بكالوريوس الغالبية يطلبون منك B2 اللي هو الاحد الادنى

بالتوفيق ياخوي ,,, واسف على الاطالة

تحياتي

بسم الله الرحمن الرحيم

اخي الفاضل :: مباري

اول شي يا عزيزي ..الأخ يدرس اللغه الفرنسيه من سنتين ونصف واتوقع عنده حصيله معلومات تدخله b وهو مرتاح
فما اتوقع يحتاج اكثر من سنه ونصف يوصل للc1
وبالنسبه لقبول الجامعه اخي المباري .. تكلمت وخير دليل جامعه l'institut d'etudes politiques في باريس تطلب c1
وبالنسبه للمستوى c2 ما اتوقع الناس راح تاخذ شهادة c2 عشان يكونوا كتاب صحفيين فقط ..اكيد هناك من يطلبها كشرط قبول غير الصحفيين ..وستجد جامعات تطلب مستوى c2 يا عزيزي ولكن كما ذكرت ..الجامعات القويه
وبالنسبه للفهم .. صدقني فهمت كويس

الف توفيق ..ولا تزعل من كلامي
واجمل تحيّه

8 8

اهلا اخوي حياتك

اولا ,,, انا اعتذر اذا كان ردي فيه تقليل منك او اساءة لك واذا كان على اللي يطامر تراي غيرته

ثانيا ,,, موضوعنا ,,, اسمح لي اني مازلت على رأيي حتى لو درس سنتين بـ السعودية ,,, انا درست مثلهم انجليزي وكانت عندي معلومات سابقة (موب زي السعوديين في الفرنسي) ومع كذا المستوى الله يعلم به فـ ما بالك بـ الفرنسي !!! صدقني انه يبدى في اعلى من مستوى B1 صعبة (اقصد صعب ينجح في الـ B1 ) موب انتقاص من صاحب الموضوع بس توقعي ان تدريسنا فاشل فـ ما بالك وهو عمل حكومي ومن غير ما الطلاب يمارسون اللغة !!! فـ ياخذ الـ C2 وهو يدرس في فرنسا سنتين شي صعب وهذا الشي اكيد انت عارفه (واذا كان لك في فرنسا اقل من سنتين اسأل وشف وش راح يجاوبونك)

وقصة الجامعات ,,, انا ماقصدت انك تكذب ,,, انا قلت يمكن مافهمتهم مزبوط بس !!! انت جبت امثلة وانا واثق منك بس انت قلت واكدت في ردك الثاني على كلمة ((الجامعت القوية )) ,,, بس هل فيه جامعة أقوى من السوربون ؟!!! فـ ما بالك اذا كانت رسالة دكتوارة وفي تخصص مثل الادب !!! يعني تخصص يتطلب الالمام شبه الكامل في اللغة ومع كذا طلبوا منه C1 بس !!! اكرر اني موب قصدي اكذبك ,,, بس هذا واحد انا اعرفه فـ عشان كذا قست انك يمكن مافهمت مزبوط ,,, بس يوم جبت امثلة فـ ما اقول الا غريبة !!!! يعني وش زودهم عن السوربون ؟!!!

اسف مرة ثانية اذا كنت ضايقتك

برايفت ردك كان طراق على وجهي

تحياتي

بسم الله الرحمن الرحيم

اخي الفاضل :: مباري

انت وردك على العين والراس حبيبنا
ورأيك احترمه كل الإحترام والله شاهد
وانا ما كتبت الرد الأعلى الا من ناس لهم هنا على 5 و 6 سنوات .. واحد المصادر رجل اعرفه يدرس دكتوره في احد المجالات وله في فرنسا 10 سنوات
يعني الكلام متأكد منه .. وغير كذا .. كنت ابحث عن تخصص لي شخصيًا فسويت بحث في بعض الجامعات .. خصوصًا العلوم السياسيه كما ذكرت سابقًا

بس اهم شي لا تزعل .. مجرد نقاش هادف للجميع

برايفت :: حشاك يالذيب

اجمل تحيّه
: