السلام عليكم
حياك الله اختي الفرنسية
اول شي مبروك ماشاء الله انهاء اجراءاتك ,,, وماقول الا الله يسهل عبكم توصلون بـ السلامة
بـ خصوص المكافأة طبعا لابد ان حسابك يكون من بنك فرنسي ,,, ونظام فرنسا فيه بيروقراطية كبيرة في التعامل مع البنوك وراح تلاحظين الشي هذا بـ كثرة ,,, والمشكلة ان كثير من المعاملات ماتقدرين تسوينهن الا من فرعك الرئيسي (اللي فتحتي منه الحساب) فـ عشان كذا انصحك انك تفتحين حساب اذا وصلتي مدينتك واذا غيرتي مدينتك بعد سنة ولا سنتين مثلا تسوين طلب نقل لـ فرعك الرئيسي اللي يتم خلال اسبوعين تقريبا
انا حسابي في بنك BNP ومستواه جيد لكن اللي جتهم مشاكل مع البنك يسبونه بـ الحيل (من السعوديين يعني) ولكن فيه بنك LCL كل اللي جربوه يمدحونه ولانه اصلا في بدايات تأسيس البنك يقولون انه كان بنك طلابي فـ عشان كذا يهتم بـ الطلاب واجد
بـ النسبة لـ الاجراءات فـ لو اتكلم لك عن بنكي BNP عطون موعد بعد اسبوع تقريبا (على ما اذكر) وطلبوا مني الاجراءات العادية من اقامة (انتي طبعا بـ الفيزا) واثبات سكن واثبات دراسة (من المعهد) وانتي اذا مريتي على الملحقية خوذي منهم ورقة (attestation de bource) اللي هي اثبات الراتب وتصير كل امورك تمام إن شاء الله
صرافه الراجحي اتوقع قصدها بطاقة صراف الراجحي ,,, بـ الاول مالك الا كذا بس تأكدي من بنكك السعودي هم ياخذون كم عمولة من كل مرة تستخدمين البطاقة في فرنسا لان بعض البنوك تاخذ عمولة دائمة وبعضهم ياخذون بـ النسبة ,,, عشان لو بنكك ياخذ عمولة (مثلا سامبا ياخذ 35 ريال على كل عملية والكلام ذا قبل سنتين) تصيرين تسحبين مبلغ عالي شوي (200 - 300 يورو) دفعة وحده وتحتفظين فيها في البيت الى مايجيك الراتب
وعشان يجيك الراتب مزبوط ,,, لازم تفتحين حساب فرنسي همن ترسلينه لهم بـ الفاكس ويكون قبل 10 ايام من نزول الراتب عشان تضمنين الموضوع وترى الرواتب تنزل تقريبا بين 20 - 25 من الشهر الهجري ,,, والشي المهم انك اتصلي على مدير الشؤون المالية وقولي له انك فتحتي حساب وفرنسي عشان يحولون عليه الراتب همن قولي له ارسله لكم الان على الفاكس ؟ لانهم للاسف مهملين شوي ولازم تحرصينهم عشان ما تاكلينها بعد زيادة شهر بدون راتب
موضوع ولدك للاسف ماعندي اي خلفية عنه وتراهم ذولا ما يهمهم الانجليزي لازم فرنسي بـ فرنسي ,,, عشان كذا اتصلي من الملحقية من الان واسأليهم عن الاوراق اللي تحتاجينها انتي وكل مرافقينك عشان ما تنسين شي وتضطرين ترسلينه همن اتصلي على القنصلية واسأليهم عن كيفية ترجمة الاوراق
ولـ المعلومية فقط ,,, اذا كان معك رجال فـ من الافضل عشان يرتاح انه يمر مكتب (اتحاد السيارات السعودي) في شارع العليا العام (ترى لوحته صغيرة وهو شقة في عمارة قديمة تقريبا مقابل الفيصلية) لانه يروح يدفع لهم 100 ريال ويعطيهم رخصته السعودية مع صورتين و10 دقايق ويعطونه رخصة دولية مدتها سنة كاملة من تاريخ الاصدار ومعترف فيها في فرنسا (لان فرنسا احد الدول الموقعة على الاتفاقية) وهذا الشي يمكن يكون اريح من ترجمة الرخصة والكلام الطويل ذا
ودامك جايه إن شاء الله ... ارجع واقول سالفة الاوراق كلمي الملحقية ولا تأجلين الموضوع يكون افضل
اتمنى اني افدتك
تحياتي
مباري June 10th, 2009, 09:14 PM
June 10th, 2009, 02:16 PM
احلى تحية واحلى سلام لاحلى منتدى واحلى اعضاااااااااااااء.....بالنسبة للمكافاة لازم افتح حساب في بنك فرنسي او لا؟؟
طيب انا راح افتح حساب بعد مااصل المدينة الي انا فيها ..والملحقية مريت عليها قبل..هل ابعث لهم رقم الحساب عن طريق النت او الفاكس؟؟ طيب هل يتاخرون علي؟؟ هل ينفع اعطيهم حسابي السعودي مبدئيا؟؟
طيب انا عندي مبلغ بالسعودي وابي اخذه معاي هل احوله يورو احسن؟؟
وهل اقدر احوله من حسابي السعودي الى الفرنسي بسهوله؟؟
الله يسهل امركم جميعا زي ماربي سهل امري
انتظر ردكم