الدراسة في فرنسا!!!!!

يعطيكـ ألف عافيه على المعلومات
وان شاء الله اذا عزّمنا ناخذ شوركم

لكن سؤال فضولي ،،
بالجامعات الحكومية .. ممنوع الحجاب للطالبات ؟

الله يعافيك اختي وان شاء الله نكون عند خدمتكم
بالنسبة للجامعات الحكومية ماعتقد ممنوع لان معانا كثير من الطالبات المحجبات في الكلية

ولكن اعتقد المنع هو في المدارس المتوسطة والثانوية وفي الدوائر الحكومية

لذلك طالبات الطب اعتقد اذا كان عندهم تتطبيق عملي بالمستشفى لازم يشيلون الحجاب

اهــا ،، يعطيك ألف عافيه عالمعلومات

يعطيكم العافية شباب على هالموضوع والتفاعل
طبعا شفت اغلب المبتعثين ماشالله تخصصهم طب بشري وان شالله ما تقصرون معنا
سؤالي هل يوجد معكم مبتعثين لدراسة البورد الفرنسي لتقويم الاسنان orthodontic؟
اذا فيه احد يعرف طبيب اسنان مبتعث ياليت يعطيني ايميله او عالاقل يتواصل معي عن طريق المنتدى لاني حاولت اعرف معلومات عن دراسة البورد الفرنسي بالنسبه لاطباء الاسنان مالقيت الا معلومات عامه ....
وبالتوفيق للجميع

السلام عليكم
الله يعافيك اخت جوري احنا كلنا اخوان وكلن يفيد خيه

اخوي رايق بصراحه انا ماعندي معلومات كثيرة بس انا قبل فترة
سألت الدكتورفيليب اوبري وهو مسؤول طلاب الخليج اللي يجون يدرسون في فرنسا للطب
وهو قالي ان السعوديه ولا مرة جابت اطباء اسنان للدراسات العليا في فرنسا
بس مادري ايش السبب
واذا تحب تعرف شي انا اقترح عليك انك تكلمه اعتقد في احد المواضيع في المنتدى حاطين رقم تلفونه
تحياتي لك

يعطيك العافية اخوي فتى هجر

وهذا اللي بيصير ان شالله بس الظاهر هالايام دكتور فيليب بفرنسا بكلمه بعد ما يرجع وربك يسهل واذا عرفت احد بفرنسا يدرس طب اسنان دراسات عليا عطنا خبر لأني سمعت ان فيه مبتعثين هناك لطب الاسنان يدرسون بورد فرنسي بس ماظن طلعوا عن طريق دكتور فيليب والى الان ماقدرت احصل على عنوان احد منهم...

بالتوفيق للجميع

الله يعافيك اخوي انت تامر امر
عموما انا قبل فترة كنت في مطعم سوري وكان واحد طبيب سوري كان عايش في السعودية جاي يدرس بتخصص تقويم على ماعتقد بس بصراحه صارلي فترة مارحت وماشفته
بس لو تحب بحاول اساله لو التقيت به ان كان عنده ايميل عشان تراسله

والله تسوي فيني خير لو جبت لي ايميله يافتى هجر...

ما تقصر والله وبالتوفيق للجميع

السلام عليكم ...................
لو سمحت اخوي بالنسبه لطلاب البكالوريوس ..............وزي ماتعرف الواحد مايفك الحرف بالفرنسي
ما تعرف كتب مفيده لتعلم اللغه وتكون ذاتيه من غير معلم...........

ولو تكرمت افضل الجامعات الفرنسيه بالنسبه للتخصص الطب
مراعيا المعيشه والسكن.....................

والف شكر.......................

يعطيك العافية اخوي