بـوابـة الـدراسـة فـي اسـبـانـيـا

و عليكم السلام ورحمة الله

أهلين أختي

<< مو متأخر أبداً أبداً

نفس عميق أولاً :128:

تخصصي كان بكلوريوس لغات و ترجمة تخصص لغة اسبانية, بمعنى إني ما واجهت صعوبة كبيره في البحث عن الجامعة أو التخصص, لمعرفتي السابقة بأسبانيا و قبل ذلك باللغة, بشكل عام راسلت جامعة كومبلتينسي مدريد<< من أفضل الجامعات على المستوى الأوروبي, و حاولت أجد تخصص في الدراسات العليا يتناسب مع تخصصي في البكلوريوس, وبعد كذا محاولة و مراسلة حصلت على قبول في تخصص السياحة و التطوير الجغرافي و الأقليمي.

طبعاً كان هذا القبول "المبدأي" مطلوب من قبل الوزارة. للحصول على هذا القبول يتوجب عليك مراسلة القسم المراد التسجيل به, ترسلين لهم سيرة ذاتية مختصرة عنك و عن رغبتك في الحصول على قبول ذو صفة مبدأية للألتحاق بالبعثة.

نعم فيها تخصصات باللغة الانجليزية, و كذلك جامعة alcala de henares على حد علمي, ولكن تبقى العقبة هو شرط الوزارة المعروف بـ "الدراسة بلغة البلد"

البكالوريوس عموماص يكون في الغالب 4 سنوات و فيه تخصصات تكون من 5 سنوات و أكثر

الماجستير يكون في الغالب 2 , و ممكن يكون أكثر, على حسب التخصص

دراسة اللغة

دراسة اللغة كلنا نعرف أن لك مدة لا تزيد عن سنه من قبل الوزارة لدراسة اللغة, و على كيفك لو تبين تدرسين إن شاء الله شهر, عشان كذا أنا أدرس لغة من أول وجديد لأنها فرصة ما تعوض و دراسة اللغات بشكل عام مو سهلة و لا يمكن إنها تتوقف عند مرحلة معينه خاصة للأجانب.

عموماً بالنسبة لدراسة اللغة أفضل في الجامعة"معهد تابع للجامعة" أو في المعهد"خاص غير تابع للجامعة ومعترف فيه", أنا جربت هنا و هنا, و كل الأثنين لهم سلبياتهم و أيجابياتهم. و لكن بشكل عام كلهم الأثنين تماام و حلوين.

المشكلة الي ممكن تواجهك و تخليك تختارين معهد خاص هو بيوقراطية الملحقية الثقافية للأسف, الجامعة "المعهد التابع للجامعه" تطلب منك الدفع قبل الدراسة, ولما نطلب من الملحقية يدفعون لنا , يقولون الملحقية أرسلو لنا فاتورة, نروح للمعهد التابع للجامعه يقوم يقول لنا ما نعطيكم فاتورة إلا بعد الدفع, قمنا قلنا لهم طيب خذو الملحقية على قد عقولهم و أرسلو لهم فاكس رسمي بطلباتكم و القيمة و رقم حسابكم, و لما يوصل الفاكس للملحقية يقولون لنا وش نبي بالفاكس هذا؟؟!! يقولون نبي فاتوووره . طيب يا ناس يا عالم وش الحل؟ يقلون أدفعو من حسابكم الخاص و أرسلو لنا الفاتورة و نرسل الفلوس على حسابكم :106:

طبعا مستحيل أقدر أدفع للمعهد التابع للجامعة هذا المبلغ لأنه ضخم بالنسبة لي.

فغيرت مساري على معهد خاص من أقوى المعاهد في أسبانيا و معترف فيه من معهد "ثيربانتس" cervantes , و أسم المعهد international huose madrid و هذا موقعه على النت http://www.ihmadrid.com/

معهد جداً رائع + راقي + متخصص + يقدم دورات تحضيرية للـ "دلي" DELE<< مثل التوفل في الأنجلش يعني

و ما واجهنا أي مشاكل بينه و بين الملحقية في الدفع, يعني مو مثل معهد الجامعه

الجمله الي فوق إلي بالأسباني بالمختصر المفيد معناتها بكلوريوس, و الترجمة الدقيقه لها و المقابل لها بالعربي هو الدبلوم و البكلوريوس, يعني لو درستي

وكذا على بعضها
Estudios de Primer y Segundo Ciclo<< بكلوريوس

بالنسبة اتتاتشمنت الأسباني, بهذلونا فيه قبلك, بس عموماً محتواه يتلخص في قوانين المعادلة و الأشياء هذي

سالفة كيف تجيبين قبول, القبول المبدأي على ما أذكر طلبو مني سيرة ذاتية + وثيقة التخرج + سجلي الأكاديمي مترجم

تقريباً ما يزيد عن أسبوعين أو ثلاثه عشان يرسلون لك الرد بالقبول المبدأي

طبعاً كل شيء عندك لازم يُترجم للأسبانية

و إذا جيتي جاية على أسبانيا لا بد تصدقين شهاداتك و أوراقك الأكاديمية المترجمة للأسباني من السفارة الاسبانية بالرياض, و السفارة الأسبانية بالرياض ما تصدق أي ورقة إلا لما يكون عليها ختم تصديق من وزارة الخارجية عندنا في السعودية.

عموماً هذي كلها أجراءات كثيرة و مملة, الأهم في الفترة الحالية تراسلين القسم الي تبين في الجامعة الي تبين,

بالنسبة للجامعه مثل ما ذكرت لك هي من أفضل الجامعات في أوروبا فضلاً عن إنها أقوى جامعة في أسبانيا تقريباً, قوية من حيث كثرة التخصصات, و جودة التعليم, طبعاً أنتي الظاهر محددة على العاصمة مدريد, و فعلا مدريد تبقى عاصمة, و مدينه جداً رائعه, و ما يميزها عن باقي المدن الأسبانية هو وفرة المواصلات و سهولة التنقل و تعدد الفرص التعليمية في أكثر من مجال و مكان.

بخصوص التخصص الي ذكرتيه, يا ليت تبينين وش الشهادة الي عندك ؟؟ ثانوي فقط و لا دبلوم و لا بكالوريوس؟؟ على ضوءة أشياء كثير ممكن تفرق

ألقيت نظرة على التخصص الي موجود في كلية الإعلام, هذا التخصص فترة الدراسة فيه أربع سنوات أو خمسة سنوات, وقد يصل إلى ست سنوات<< على ذمة الموقع

أتمنى أكون حققت رغبتك

السلام عليكم اخوي Riyadh M

الله يعطيك العافيه وباين انك متمرس في امور التعليم في اسبانيا والحمدلله انه موجود واحد مثلك بالوطن العربي :29:

اخوي الآن في هذي الفتره فتح التقديمات بوزارة التعليم العالي التقديم للدراسات الماجستير والدكتوراه , وانا معاي بكالوريوس لغة إنجليزية من كلية المعلمين وما اخفيك اخوي بعشقي لاسبانيا الجنوني رغم اني ما زرتها ابد وانا اسجل بياناتي وقفت ثلاث ساعات عند اخر استماره وهي اختيار الدوله والتخصص ,, مع االاتصالات والمشاورات والتريث والبحث عن معلومات عن الدراسه في اسبانيا انصدمت انه من شروط الدراسه بالغه المحلية :57: وانا لغتي بالاسباني صفر يعني يا دوب اعرف اولا وقراسياس واديوس وكم كلمه تعلمناها من الدوري الاسباني اذا فيه هدف يدفعني ادرس في اسبانيا هو مدينة فالنسيا او تقدر تقول الوطن فالنسيا فديتها مدينة التراب
والمشكله اخوي ان التخصصات الموجوده بالاستماره ما تناسب تخصصي ابداً وهي كالتالي

الطب المختبرات الطبية الحاسب آلي القانون
التمريض التقنية الطبية الرياضيات المحاسبة
الاشعة الصيدلة الفيزياء التجارة الإلكترونية
العلوم الصحية الهندسة الكيمياء


على قولة المثل وش حدك على المر غير اللي امر منه فأنا اخترت " التجارة الإلكترونية " والله ماديرها بالتجاره ولا احد هالتخصصات او اي شي تدخل فيه الرياضيات الثقيله

المهم اخوي ادري وانت تقرأ تقول الحين وش يبي ذا فيه كبت بصدري ودي انثره عليكم تحملوني

ودي تقولي اخوي هل اختياري موفق ,, وكيف الدراسه في فالنسيا او المدينه لو زرتها مثلاً خصوصاً ان فيها جامعتين موصى فيهن ... وصراحه انا مادري وش الطبخه بتاتاً البته وش اسوي للوزارة لو قبلوني يعني اخاف ادربي راسي لهم مادري وش اسوي بالضبط ,, وهل فيه إمكانيه ادرس اي شي له علاقه باللغه الانجليزيه مثلأ واقدر اعدل بالتخصص

ياليت تفيدني باللي تقدر عليه والله يعينك على ثقال الطينه ,, ويكتبها لك بموازين حسناتك يالطيب

أعذروني على الأطالهـ ((( حااااس نفسي تآآآيه من كثر كلام الناس اللي سمعته ))

علمـــاً أني نسبتي في الثانوي العام 93.08 علوم طبيعيه
ونسبة مواد علميه 91
وأختبار القياس قدرات 82
وطبعا ابتعاث خادم الحرمين الشريفين << لاتقولوا ماطلعت النتائج << متفائل

محبكم
/
\
/
وليـــــــد

* أولا كـــيف أجيب قبــول من أحد الجامعات الأسبانيه (( ابغى مكتب بالريااض وأنا التخصص بكالوريوس ((هندسه)) ))

فيه مكاتب متخصصه بالشيء ذا شوف مكتب بعثه يمكن يخدمك

وأبغى أعرف أيش هي لغة الدراسه في الجامعات الأسبانيه (( طيب واذا ماكنت أعرف أسباني والأنجليزي وسط)) ؟

لغة الدراسه اسباني وهي شرط اساسي , اذا ما تعرف تدرس اللغه بعدها تدرس التخصص والله يعين على لغتهم