مبتعثين المرحلة السادسة إلى فرنسا ((خطوه بخطوه))

جزاك الله خير آخوي ...بصراحه خير الكلام ماقل ودل ... بس عندي سؤال الحين قبولاتنا ماراح نستلمها في الملتقى ... او بيكون في مكتب مختص زي باقي الدول.... ولا الكل من الوزاره يستلمها..............؟؟

ممكن تفيدنا بكم اسم فندق قريب الملحقيه ......

مشكور اخوي ،، الله يعطيك العافية

القبول تستلمه يوم الملتقى أو تستلمه من الوزارة شخصياً على حسب الدكاتره ....

للأسف مافي مكاتب لفرنسا و أسبانيا ...

دور في باريس 17 وبتلاقي فنادق

اللهم أمين مشكور

مشكور اخوي على تحديدك المنطقه وسوري عندي سوال ثاني

بدايه تعليم اللغه شلون يعني انا انجليزيتي على قدي حقت مطاعم وتسوق ومن هالاشياء الدزاسه بتكون فرنسي والايضاح انجلش ولا فرنسي ............//؟؟

وبالنسبه لمعهدك اللي انقبلت فيه ايش تعليقك عليه من جميع الجوانب وبعد اذا جربت غيره.........واذا تعرف احد بتور شنو تعليقه عليها.......؟؟؟

عارفه اني كثرت اسئله بس وربي التوتر عامل عمايله انا مازرت في فرنسا غير الاماكن السياحيه باريس نيس كان ماجربت المدن اللي فيها المعاهد المعتمده وخايفه اتوهق...........

الإنقليزي ما يفيد غير بشيء بسيط جداً يعني لا تشيلوا هم بتفهمون عليهم كويس أنا لما جيت كنت تحت الصفر بشوي والحمدلله مستواي متقدم

المعهد إسمه كاريل في مدينة رويان والمعهد قوي بس بالنسبة للشتاء يضعف المعهد شويتين لأنه مافي فصول دراسيه كافيه أو بالأصح مافي فصول لكل المستويات أما بالنسبة لمعهد تورين في مدينة تور أنا ما أنصح فيه لأنه متروووووووس سعوديين والمدينة مليانه خليجين يعني مافي أي تطبيق للغه << هذا رأيي الشخصي

أما بالنسبة للمدن اللي فيها المعاهد عادةً تكون مدن صغيره وهاديه يعني حقت دراسه وأنا أحبذ هالنقطه لأنه المدن الكبيره تكثر فيها الملهيات والأجانب وهاذي نقاط سلبيه بالنسبه لطلاب اللغه ..

لا تقلقوا ولا تشيلوا هم ترا كل أموركم بتمشي كويس أهم شي النيه وأنا أخوكم ..

مشكوووووووور ماقصرت والله....

اشكرك اخوي فالي


جهد تشكر عليهـ


بالتوفيق للجميع

العفو يا أخي وصديقي العزيز النايف ..

الشكر لله وأنا أخوك ..


شكراً على مرورك