استفسار الضمان الاجتماعي !!!!!!!

ما يحتاج أي ضمان صحي ..

إنت تدفعي والملحقية تعوضك عن الفواتير وخلاص ...


تحياتي

ضمان اجتماعي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زي ما قال الاخ fally ادفعي والملحقية تعوض ... أو حتى ابحثي عن شركة تامين وادفعي لهم والملحقية تعوضك عن قيمة التامين.. انتي مغطاه من قبل الحكومة السعودية وما يصح انك تاخذ معونه .

طبعا المفترض انك عندك خلفية عن الموضوع قبل ماتتكلم الملحقية ما تعوض الا في الحالات الاسعافية او العمليات غير كذا الملحقية شامله التأمين براتب المبتعث >>>>هذا الكلام ممو من عندي تقدر تتصل على الملحقية وتتأكد

وبعدين لو قلنا اننا ندفع وبعدين الملحقية تعوضنا انت يعني عارف ان في هذا الشهر باليوم الفلاني حتحاج تروح للدكتور أو مرافقك (اذا كان عندك) لا طبعا ما تدري ولا تقدر تتصور حتى لو كنت حاسب هذا الشي في حساباتك كم يكون المبلغ المفروض تدفعه عند الدكتور مع العلم ان الطوارئ في فرنسا قد تصل لأكثر من 120 يورو ما في شي مجانا لو ماكان المبلغ هذا عندك ايش تسوي تقولهم حطوها على الحساب لين اكلم الملحقية!!!!!!!

لا إله الا الله مين قال شيء عن معونة انت اول تعرف ايش يعني تأمين يعني تدفع مبلغ شهري في مقابل الحصول على خدمات طبية اذا احتاجتها يعني كيف بالله تكون معونة وهي بمقابل ( بس لا تطلع ما تعرف ايش يعني معونة مشكله والله)
وكمان كلمه "ما يصح" يا أخي زي ما قلت للأخ اللي قبلك الملحقية تشمل مبلغ التأمين في الراتب يعني من حقي ان اسوي تأمين او لا هذا شي راجع لي

وبعدين السالفة مع احترامي لردودكم اني ابغى اعرف الورقة اللي طلبتها هل من حقها وله لا بس ( ياريت تقرأوا الموضوع كويس قبل ما تجاوبوا) ولا سألت هل من حقي الضمان أو هل يحتاج وله لا فياريت الرد يكون داخل الموضوع لأني لو ابغى اسأل عن حقوقي كلمت الملحقية

السلام عليكم
اعتقد في فرق بين الضمان الاجتماعي والتامين الصحي وانتي يا ختي كاتبه انك توجههتي الى الضمان الاجتماعي ؟؟؟؟؟ واعتقد اني اعرف معنى كلمة تامين ( انا محامي يا اختي واعتقد انه نحن في هذا المكان نحاول نتشارك خبراتنا ونفيد بعضنا فالمفروض أن تكون لهجتنا لبعض غيرتنافسية ولطيفه والا لن يتجاوب احد مع مواضيعنا ) ...
اضافة انا ادفع 800 فرنك سويسري شهريا (تامين طبي انا وعائلتي) والملحقية تعوضنا عنها !!!! كيف تقول يا اختي الملحقية ما تعوض ؟؟؟
التفصيل الي تشوفيه في بوابة الطالب المبتعث مش دقيق وغير محدث بعض الاحيان والسبب انه ما في تامين في اوربا شهريا قيمة 140 ريال ؟؟؟!!!!) ( انا استلم مكافائتي في البنك ولا تنزل في بوابة الطالب المبتعث لها شهرين اخر راتب شفته في البوابه راتب شوال).
(انا كنت ايضا في كندا وكنت اروح للدكتور وارسل فواتير ويتم تعويضي عنها كاملة .... زوجتي ولدت وتم دفع المبلغ كامل من الملحقية (12 الف دولار اضافة الى ايام المتابعة كاملة طوال 9 شهور) ... طبعا الحالات الي تقصدي فيها الطوارئ او الاسعافيه هي الحالات الي تحتاجي تروحي فيها للدكتوراصلا ... بمعنى لو تبغى تروحي لدكتور عشان يعمل كشف عام (تشيك اب) اكيد هذا ما راح تدفعه الملحقية ..
الملحقية في كندا مثلا كانت تغطي حتى الاسنان اذا كانت ضرورية مع العلم انه في كندا جميع الطلاب الكنديين و من كل دول العالم مؤمنياً من قبل الحكومة الكندية عن طريق برنامج اسمه (اوهب) واذا ما حبيت تامن في الاوهب الي قيمته 600 دولار سنويا وتعوضك الملحقية عن قيمته ؟؟ الملحقية تغطيك كاملا...وبعض الطلاب ركبو تقويم على حساب الملحقية لأن الدكتور ذكر لأحدهم ان التوقيم ضروري لتكلمة علاج الاسنان ؟؟!!
انا يا اختي ما ادري فين رحتي بالزبط ؟؟!! قد يكون فيه سوء فهم مني أو منك... الشي الي اقترحته انك تروحي لشركة تامين مش ضمان اجتماعي... وااكد الملحقية تعوض عن تجربه .
للمعلومية الضمان الاجتماعي الذي ذكرتيه يا اختي (هو جهة حكومية تساعد الناس على مصاريفهم الحياتيه من سكن وعلاج ومصاريف يوميه الخ ... ) يعني الضمان الاجتماعي هو جهة تقدم معونة ...
يعني الشخص يقدم للضمان الاجتماعي بخصوص العلاج مثلاً وتقوم بعد كذا هذه الجهة بتحديد قيمة المعونة للشخص على سبيل المثال التامين الطبي يكلف 400 يورو في الشهر .. يقوم الضمان الاجتماعي بدفع هذا المبلغ كاملاً و على حسب كل حاله يتم تحديد النسبة التي يدفعها الشخص المتقدم لهم يعني ممكن الشخص يدفع 300 يورو والضمان يدفع 100 وممكن الشخص ما يدفع شي ابدا والضمان يدفع المبلغ كامل (يعني حسب النسبة التي يتم تقديرها وفقا لملف المتقدم بعد دراسته وه\ا هو سبب ان الموظفة طلبت منك الورقة الموقعه من والدك لأن هذه راح تاثر على قيمة نسبة المشاركة الى راح تدفعيها .... وطبعا اكيد الموظفة زعلانه ومتعنصرة بسبب انك شخص اجنبي وراح تستفيدي من خدمات الضمان الاجتماعي الذي يتم تغذيته اصلا عن طريق الضرائب الي يدفعوها !!!
اتمنى لكي التوفيق

أخلاق ما شاء الله ...

بس على فكره لو كلمتي الملحقية وسألتيهم عن حقوقك ما راح يفيدوكي بكل شيء لأنه للأسف موظفين الملحقية ما قالولي عن تعويضات كثير كنت أستحقها خلال الفترة الماضية وعرفتها من أخواني المبتعثين في المراحل السابقة ..

لازم نستفيد من بعض ونتساعد حتى عالمعلومه ..


موفقين جميعاً

مشكور على الإيضاح لأنه أول مره أعرف هالمعلومات المهمة بالنسبة للتأمين ..

جزاك الله ألف خير

أخي ما لاداعي ندخل في موضوع الاخلاق والأشياء هذي فأنا لا اعرفك وانت ما تعرفين ولو انت ما كتبت بطريقة امر ما رديت عليك بهذي الطريقة
بعدين الملحقية هي المصدر الرئيسي لأعطائي المعلومات يعني لو ما سألتهم وقعدت اسأل المبتعثين وعطوني معلومات خطأ الوم مين الملحقية وله نقسي اني ما سألتهم!!!!
قد يعطي بعض المبتعثين المعلومات الصحيحة لنا والبعض الاخر لا ( لا تسألني عن السبب لكن انا عشة التجربة )
في النهاية الموضوع عبارة عن وجهات نظر ذاتية قد لا تعجبك وجهة نظر وانا لا تعجبني وجهة نظرك

اخي الكريم كما هو موضح في دوله الابتعاث انت في سويسرا وانا في فرنسا وحتى وان الملحقية واحدة لكن القرارات الصادرة لكل دوله مختلفة فالمسؤول مختلف والمعيشة في كل دولة مختلفة.
صح الضمان الاجتماعي هو عبارة عن جهة حكومية لكن ما تقدم لي معونه ابدا لا للسكن ولا لمصاريف اخرى ( بحكم اني أجنبية و ماطلبت ) اضافة الى ان هناك جهة في الضمان الاجتماعي يسمى التأمين الصحي اشترك فيه بمقابل شهري ويغطى لي نسبة 70 % من المصاريف الطبية مو يدفع لي مجانا ولا يدفع لشركة ثانية تعطيني ضمان "هذا اللي انا اتكلم عنه" هو تماما كشركة تامين مستقلة وهو الجهة الرسمية اللي اجبر في التأمين عندها عند التسجيل في الجامعات ( اظن النظام يختلف بين سويسرا وفرنسا فرجاء لا تسألني عن هذا الموضوع فانا متاكده من الكلام اللي كتبته ولا جيت عند النظام السويسري )
ثانيا اكرر يا اخي الكريم انت في سويسرا وانا في فرنسا فتعامل الملحقية مع الطالب يختلف انا رحت للدكتور مرتين طبعا لحاله طارئة لكن الملحقية رفضت تعوضني لأن الدكتور مو كاتب في ورقة الكشفية انها حاله طارئة ( يعني بإختصار لازم اروح للدكتور و اقنعه انه يكتب" حاله طارئة" عشان اخذ تعويض من الملحقية )الملحقية ترى ان الحاله الطارئه هي الحالة اللي ادخل فيها للمستشفى من الطوارئ او عن طريق الاسعاف <<هذا الشيء اللي شرحوا لي ايها في الملحقية.
وبالنسبة للنساء الحوامل فالملحقية متكفلة 100% بالمصاريف الى الولادة >>> بس مين جاب السيرة هذي انا حتى ما ذكرتها!!!!!


اضافة الى ان تقريبا كل السعوديين الموجودين في فرنسا عارفين بهذا النظام في الضمان الاجتماعي (التأمين من الضمان الاجتماعي زي ما شرحته في البداية مو معونة تعطى للطالب شهريا ياريت تلاحظ الفرق) ويسوه وينصحوا فيه والملحقية عارفه بالموضوع وشايفته امر طبيعي نظر الى غلاء المعيشة في فرنسا بالمقارنة مع دول اوروبا الاخرى

أخيرا اخي الكريم انا احترم ردك والطريقة اللي رديت فيها كانت بصراحة محترمه فشكرا لك لكن الموضوع عبارة عن اراء قد نتقبلها او لا