مبتعث إلى فرنسا.!؟ أخبرنا عن موعد دراستك وعن رأيك في المعهد

شوف هالرابط لواحد من الاخوان في المنتدي جزاه الله خير ممكن يفيدك ولو انه قديم شوي

http://www.mbt3th.us/vb/forum67/thread174134.html

ماشاء الله

اولا كل عام وانتم بخير

والله يجعلها سنه بدايه خير و توفيق للجميع


تور مدينه حلوه انا بازودكم بكافه المعلومات بعد الاجازه

كل عام وانتم الاحلى

مشكورين وماقصرتو ..
والله يعطيكم العافيه ..

السنة الميلادية تلفظ أنفاسها الأخيرة وأنا بدون قبول

من استلم قبوله ومن لم يستلم .؟

كل أصدقائي استلموا قبولاتهم حتى الذين ابتعثوا إلى دول أخرى مثل إيرلندا وأمريكا مالحل.؟

والله يا من زمان عن المنتدى ههههه
المهم انا حبيت اقول كم نقطة :
* بالنسبة للاخوان المستعجلين احب اقلهم القبول في المعاهد يتأخر شوي خصوصا ان فيه بعض المشاكل الحين مع بعض المعاهد وكل تأخيرة وفيها خيرة !! انا اشوف ابريل شهر مناسب على اساس يدفى الجو والدراسة ملحوق عليها وانا اخوكم
*بالنسبة للاخوان اللي مايبون سعوديين معهم !! لاتتوقع عزيزي انك بتمشي امورك بدون عيال بلدك !! اصلا من مصلحتكم تحصلون سعوديين عشان يضبطون اموركم ويعلمونكم الاجراءات وين تروحون وايش بتسوون خصوصا ان الفرنسيين ماعندهم القدرة يعلمون شخص مايتكلم فرنسي ههه فالله يرضى عليكم اللي ابيه منكم تشيلون فكرة مانبي من دماغكم عشان تضبط اموركم
*بالنسبة للمعاهد انا درست في فيشي وفي تور !! كل المعهدين ممتازين !! فيشي كمدينة صغيرة وحلوة وتساعدك تتعلم اسرع لان المدن الكبار دايم يجيك ناسها بارديين شوي ماعندهم رغبة يعلمون احد او يحتكون مع اجنبي !! المعهد كويس جدا والمدينة رخيصة ومناسبة انك تدرس فيه مبدئيا.
اما معهد تور فهو قوي من ناحية الكتابة !! على مااعتقد كل شهر في اختبارات مكثفة !! في البداية بتلعنهم بس مع الوقت الفايدة بتكون لك اكيد
تقولولي وش تفضل اقلكم والله كلن وعقله بس تور حلو وميزته قريب من باريس !! لكن على حسب علمي الملحقية والمعهد علاقتهم مب زينة الحين واعتقد بدت الملحقية ترسل الطلاب على معهد اعتقد اسمه كليه او شي زي كذا وانا ماانصح فيهم !!! ان دقيتم على الملحقية اصروا على معهد تورين هو القوي
* اللي يبي يروح تور اعرف كم شخص هناك وان شالله يساعدكم !! لاتتوقع عزيزي ان الملحقية بتساعدك كثير !!

اهم شي شيلو فكرة مانبي سعوديين معنا !! ماصديقنا الا انا هههه

الله يوفقكم ان شالله

اول شي الله يعطيك العافيه على معلوماتك ... وبنزعجك معانا شوي
اخوي انا بعثتي بتكون على تور وابي اسالك عن خبرتك بالعوايل اللي تابعه للمعهد لو تعرف احد جرب عيله تقدر توفر اسمها عشان لانوقع ... وبالنسبه لما نبي سعوديين شوف اخوي انا لما كنت اقول مابي سعوديين او سعوديات كنت اقصد بالكلاس يعني لما يكون معاي سعوديه او سعودي او ثلاث ماعندي مشكله بس المشكله لما يكونوا اكثر ضروري بتتكلم عربي لكن بره انا معاك لازم وجودهم بالذات احنا البنات نحن للبنات اللي مننا وفينا بحكم فرق الافكار ....

بلييييز انتظر افادتك لان موقع المعهد منزل اسعار بس طيب كيف اعرف الناس كيف اعرف مستوى النظافه للغرف ومن هالكلام ... واسمحلي اسالك عن دراستك الجامعيه باي جامعه وايش كانت متطلبات الجامعه لاني لاحظت انك قانون وهذا التخصص اللي انا طالعه احذ الماستر فيه ان شاء الله ... انا حلمي السوربون بس احس العالم تحطم انها كثير صعب القبول ومن هالكلام ... وبعد في الملتقى اتكلموا على ان الماستر المهني مو معترف فيه انا كنت مخططه عليه قبل .............١!!!

أنا فقط متخوف وقلق لأن مدام جميلة لم ترد على أي رسالة من رسائلي وعلى أي استفسار

فهل هذا أمر طبيعي ووارد.؟

ومتى سيأتيني القبول لكي أستخرج باقي الأمور

ضمان مالي
فيزا
قرار الابتعاث
أمر الإركاب

أما المدينة فأنا اخترت رويان وقنوع باختياري

ايوة وش كنا نقول هههههه
المهم بالنسبة للاخت اللي سألت : بالنسبة للعوايل تراها حظوظ يعني ممكن تطبين على عايلة وش حلاتها وممكن العكس !! لكن بصفة عامة تراهم حليلين !! وبالنسبة لدراستي انا ادرس ماستر وان شالله قريب اخلص !! لاتشيلين هم الجامعة الحين اهم شي اللغة وان ضبطت لغتك وجبتي مستوى كويس كل الجامعات تقبلك !! لذلك التركيز اول على اللغة الله يرضى عليك!!

بالنسبة للاخ شانزلزيه : اذكر اني انتظرت سنة كاملة لين جيت فرنسا !! لذلك الصبر زين وصدقني مو زين لك تجي في الفترة ذي !!! اصبر وانا اخوك وجهز امورك او ادخل معهد طالما انت في السعودية الحين والله يوفقكم

وان بغيم شي انا في الخدمة

ياشباب انا الحين في باريس امس واصل ..

وبكره انشالله رايح مدينة تور ..

وترا بررد ومطر في باريس ..

الله يوفقك اخوي ننتظر تجربتك