افضل معاهد اللغه في فرنسا

أول شي الله يرحم والدك ويدخله فسيح جناته ..
ثاني شي فيه معاهد معينه تتعامل معاها الوزارة وتعتبر هيه أقواها
1- مدينة تور : معهد كلي أو معهد تورين
2- بوردو : ما أذكر إسم المعهد
3- فيشي : معهد كافيلام
4- رويان : معهد كاريل
5- بيزانسون
6- نيس : معهد أليانس
بالنسبة لمدينة تور أنا متواجد فيها وعيبها كثرت العرب بشكل مو طبيعي وبالنسبة لرويان المعهد كان قوي لأني درست فيه مدة سنه بس لو راح تجي فترة الصيف ما راح تلاقي سكن لأنها مدينه سياحيه على البحر ..
من وجهة نظري معهد كافيلام حلو بس المشكله المدينه صغيره ..
يعني كل معهد يكون فيه عيب معين بس تقريباً أكثر الطلبه اللي بنشوفهم بيجوا على تور على طول بس زي ما قلتلك المدينه مليانه عرب وخليجين يعني تطبيق اللغه بيكون بسيط بعكس المدن الثانيه ..
أنا قعدت في رويان سنه وبعد كذا حولت على تور والحمدلله التأسيس في اللغه كان ممتاز وعرفت هذا الشي لما جيت تور وقارنت نفسي بالطلاب اللي بدأو قبلي ..

جزاك الله الف خير ما قصرت

بس اذا ممكن تكلمني عن مدينه رويان من حيث السكن و المصروفات و هل بتكفيك المكافاه ؟

طيب ايش رايك بمرسيليا مدينة حلوة ودافيه
انشالله اجيب لك معلومات عن معاهدها قريب

واللهي انا ابغ مدينه تكون اسعارها كويسه و يكون المعهد فيها قوي
بس مني عارفه ايش اختار معهد و الملحقيه مستنيا مني رد علي الاسبوع الجاي
ياريت تفدني باي معلومات عندك ز شكراااااااااااااا

رويان مدينة صغيره جدأ وتعتبر مصيف مطل عالبحر هاديه أو تكاد تكون ميته في أيام البرد أما في الصيف تنقلب الدنيا رأساً على عقب لدرجة إنه أسعار السكن في الصيف توصل لـ 1000 يورو في الأسبوع أما لو إنتي مسويه عقد من أيام الشتاء ممكن السكن يوصل لـ 750 للشقه في الشهر كحد أعلى ويوجد إستديوهات خاصه لطلاب المعهد إجارها 380 يورو بالشهر بس إنها صغيره جداً وغير مريحه أما المصروفات لا تشيلي همها المكافأه تكفي بالراحه يعني الوجبه ما يوصل قيمتها 10 يورو في أغلب الأحوال أما مشكلة هالمدينه إنه ما فيها وسائل مواصلات غير الباص والتاكسي أو إنك تشتري سياره وهاذي بتكون أوفر لكي كثير وأريح وفي هذه الحاله أنصحك بأن المرافق يجيب رخصته السعوديه ويترجمها من السفاره في باريس ....
لو أخترتي مدينة رويان أرسليلي رساله عالخاص وبعطيكي رقم صديق لي مغربي وهوه عنده شقق هناك ويساعدكم كثير وهوه من الأشخاص اللي ساعدني كثير وخدمني من يوم وصولي ألين نقلت من المدينه وقالي لو فيه طلاب جدد عطهم أرقامي ..

تحياتي