إشاعة سهولة الإلحاق بفرنسا

الله يجزاك خير .. والملك ماقصر .. بس انا ارى ان الوزارة مفروض تلحق من يستحق الالتحاق ..
يعني مثلا بعد 5 او 4 شهور من الدراسة بالمعهد يلحقون جميع الممتازين برؤية مستواهم عبر ادارة المعهد .. يعني هذا اقل شي تسوية وزارة التعليم العالي حرام يعني واحد يدرس لغة سنة ويدفع فوق المية الف من سكن ومعهد !! اقصد بكلامي طالب الماستر والدكتوراة فقط اللي كلياتنا ضعيفه بهالمراحل .. اما طلاب الباكلوريوس ارا انهم رايحين لعب ..

ويعطيك العافية

فعلاً أخوي كلامك صحيح
للأسف كنت ناوي ألمانيا أو فرنسا
لكن للأسف جيت لأمريكا عشان أكون مجرد (هدية) من الحكومة السعودية للخزانة الأمريكية لأقوم بصرف مالدي في صالح الإقتصاد الأمريكي
تحياتي لك وشكراً لتنوير أخوانك

يا حبايبي الاشكالية هي في الطلاب اللي يطولون في المعهد ... يعني دائما اقول للشباب ادرس بمعهد بالسعودية قبل لا تروح عشان يكون عندك خلفية وما تصير تطول بالمعهد ... وفوق هذا كله لازم قبول جامعي والمكاتب التعليمية بالسعودية ما فيها احد يجيب قبول جامعي الا مكتب واحد ومثل ما قلتوا القبول الجامعي صعب وله شروط ... لكن اللي عنده لغة انجليزية وحابب يدرس بفرنسا وما يبي يخسر وقت وفلوس في معهد فالافضل له يجيب قبول في الجامعة الامريكية او مدرسة جرينوبل للادارة بحكم ان الثنتين هذولي دراستهم بالانجليزي ومقبولين من التعليم العالي والملحقية ... ولكن : رايكم في ان اللي ياخذ له ثلاث شهور في معهد ومستواه ممتاز فلازم انهم يضمونه لانه اجتهد ويدرس من قلب وناوي فعلا يتعلم

ليتهم يسمعون راينا او ياخذونه بعين الاعتبار على الاقل وما يهمشوننا كالعادة ... الله يكتب لي ولكم كل الخير

فعلا كلامك سليم وكذلك ألمانيا

عندي بس مداخلة صغيرة بالنسبة لطلاب البكالوريس ترا تفرق من طالب لطالب لأني احد طلاب البكالوريس والحمدلله خلصت اللغة في سنة وحالياً في الجامعة ....
لا تحكم على كل الطلاب من منظور واحد يا اخوي ترا مو كلهم متغربين وسايبين أهاليهم عشان لعب ..

اشكركم على التفاعل

تحياتي

اخي ذكرت انه في مكتب واحد يجيب قبول .. ممكن تعطيني معلومات عنه؟

كلامك سليم وأنا ما حكمت على أحد حبيبي ... بس اللي حبيت أقوله انو مثل ما قلت انت انو الشباب والبنات يدرسوا معهد شهرين وثلاثة ويرجعون للسعودية لان مادتهم ما تساعدهم والملحقية ماضمتهم .. واللغة الفرنسية بالذات يبيلها وقت واللي أقوله أن اللي يبي يختصر على عمره وقت فلازم يكون عنده خلفية قوية في الفرنسي عشان يخلصها بثلاث شهور وينضم للبعثة بمجرد انضمامه للجامعة وبدء دراسته الاكاديمية ... أو لا يضيع وقته وفلوسه على مقولة ::: فيه أمل :::

تقبلوا مروووووووووووووووووووووووووووووري