ملتــقى طــلاب وطالبات اسبــانيـــا

السلام عليكم عدنا لكم بعد انتهاء الاشتراك هع

خيوو m.k.m يسلم قلبك على المواقع وان شاء الله نستفيد منها خصوصا حق المبتدئين

سعدون لا تحزن وانا اخوك يامااااااااااااا >> ركز على ياما طالعه من قهر

يامااااااااا تعبنا وفرمتنا بس ماكو مشكله انسى مع الوقت انا ما اخسر موقع ولا صور

كنت اخسر تصاميم لي متعوب عليها >> آآآآآه فتحت علي جروح


>> نسيت وش ابي اقول ؟؟؟

ايه اخوي متعب والله انت صدمتني يوم قلت انك مدرس حطيت نفسي في موقفك

وعورني قلبي بس اذا انت واثق انك اذا رحت اسبانيا بتطلع بنتيجه صدقني راح تلقى

شي احسن من التدريس لكن اذا مو واثق انك بتدرس استخير

---------

بالنسبه لك اخت اتيكيت اعذريني العتب على الحدس >> متعوب عليها الحدس

اشكرك على تواجدك معنا اولا

ثانيا فيه موضوع لاخوي اسبانيول

http://www.mbt3th.us/vb/showthread.php?t=32081

هذا هو اتمنى تزورينه وراح يفيدك بإجراءات الدراسه

طبعا المده تعتمد على نشاطك انسانه متحركه يمكن تخلصينها بشهر

ويمكن بأكثر من شهر

العموم اذا ودك تدرسين في اسبانيا على حسابك ابدي من اليوم

جيبي قبول من جامعه من مكاتب قبول او يقال ان فيه مكتب في الوزاره يجيب قبولات

او انك تحصلين عليه بنفسك من موقع الجامعه وتجيبين كشف حساب وفحص طبي

وا غيرها مما تطلب السفاره وتقدمينها بس اهم شي تاخذين قبول من الوزاره بالجامعه

عشان تقدرين تحولين على حسابهم بعد ترم

معلوماتي سطحيه لكن اذا رحتي الوزاره راح يفيدونك اكثر

تحياتي لك

بنـدور

يا رجال وسع صدرك اهم شئ مخك ما يتفرمت
والباقي يهون

متعب كمل حماسك
لكن اذا انت مرتاح في الوظيفه وحاسس باستقرار
وخايف من البعثه انك تتوفق فيها ولا لا
هذا شئ راجع لك
لكن انت ما شاء الله عليك معك انقليزي واذا رحت اسبانيا
واخذت للغه ثانيه ان شاء الله
احس بيكون وضعك مختلف
وغيرها بتاخذ ماستر يعني بيكون فيه لك مجالات كثيره

طبعا الواحد اذا كان معه ماستر الوظيفه بتكون له احسن
يعني في الحكوميه بتكون على المرتبه الثامنه
والبكالوريوس على السادسه
واذا تبي تمشي من المرتبه السادسه الى الثامنه اتوقع
يبي لها عشرين سنه
لكن اذا اخذتها في سنتين بتكون قطعت مسافه عشرين سنه
لكن انت استخير وربك يفرجها عليك وعلينا

الله يعافيك يا بندور وان شاء الله ناخذ نتعداء مرحله المبتدائين

ههههههههههههههههههههههههههههه
عجبتني دقت البيانو بشوارع مدريد
من ناحية المعهد فالوزاره تتكفل بمصاريفه
غالبا مايكون تبع الجامعه
اما السكن على هواك تبي سكن الجامعه تبي تسكن مع عائله وهذا اللي بسويه
تبي تسكن لحالك ماتبي تسكن أبد
السكن انت اللي تدفعه والوزاره تعطيك بدل سكن يعني تقريبا بيصرفون لك
مكافئه مع البدلات بحدود خمس الاف وفراطه <<اهم شي الفراطه
وانت دبر أمورك
اما اللي بيستقبلك بالمطار فانا اذكر بالابلكيشن اللي عبيناه انا اخترت "استقبولني بالمطار وابي عائله اسكن معها"
بس يقولون ماراح تلقى احد بالمطار تجي وتلف عفشك وتدبر امورك
كم يوم تدور بين هالفنادق لين تبين الامور
اما التخصصين اللي تبيهم انا ماعرف فيهم الا اسمهم وكل واحد وميوله
وسلامتك..


متعب الحال من بعضه
بس الفرق بيني وبينك اني نزل تعييني مدرس وانا كاره شي اسمه تدريس
عشان كذا مارحت وقلت اجلس بالبيت اصرف لي
والحمد لله فرجها ربك وجت البعثه
بعدين فيه تعميم نزل على كل المدارس بخصوص الابتعاث
وهو مخصص لمدرسين الانجليزي والبلدان المتاحه امريكا بس
يعطونك تفريغ وراتبك يمشي وامورك اوكي غريبه مامر عليك؟
على فكره آخر موعد يوم السبت لتقديم الاوراق << نقلا عن مدرس انجليزي داج اعرفه

حسيت اني طولت السالفه بس ماعليه
نشوفكم سون..

الحين الجامعه فيها معهد
طيب المعهد ما يبي له فلوس
طيب الملحقيه بتدفع الفلوس ولا وش السالفه

على حسب . . الوزارة بتجيبلك قبول من جامعه والمعهد فيها لكن تقدر تجيب قبول من معهد مستقل والجامعه بعدين انت تجيب القول يعني بعد سنه وانا افضل هالشي
واكيد الملحقية تدفع الفلوس

خبر سمعته وقلت اقوله لكم شفته في احدى المنتديات
انه الملك عبدالله وافق على زياده 30% للرواتب

يقول المثل البعيد عن العين بعيد عن الميزانيه

اتوقع ما يشملنا .. يجيب الله رزق

متعب الحال من بعضه
بس الفرق بيني وبينك اني نزل تعييني مدرس وانا كاره شي اسمه تدريس
عشان كذا مارحت وقلت اجلس بالبيت اصرف لي
والحمد لله فرجها ربك وجت البعثه
بعدين فيه تعميم نزل على كل المدارس بخصوص الابتعاث
وهو مخصص لمدرسين الانجليزي والبلدان المتاحه امريكا بس
يعطونك تفريغ وراتبك يمشي وامورك اوكي غريبه مامر عليك؟
على فكره آخر موعد يوم السبت لتقديم الاوراق << نقلا عن مدرس انجليزي داج اعرفه

حسيت اني طولت السالفه بس ماعليه
نشوفكم سون..

انا احب التدريس يعني
بالنسبة للتعميم عندي خبر لكن الشروط ما تنطبق علي لأني اول سنه

اخوي SOFATEN اولا يا هلا فيك بينا وان شاء الله نفيدك

بالنسبه لقبول الجامعات اعتقد ما فيه صعوبه لان اسبانيا ما عليها اقبال من الطلاب مثل كندا

وبريطانيا وفيه بعض الجامعات تعطي قبول مشروط بغلة البلد وفيه جامعة سانت لويس الامريكيه

في مدرير بالانجليزي تدرس عادي

بالنسبه للمعيشه في اسبانيا انا متأكد انها ارخص من كندا وبريطانيا

انا سبق وزرت كندا غاليه وبريطانيا اغلى منها طبعا تختلف الاسعار من مدينه الى اخرى

لكن اذا سالت اي شخص انننا عن اسبانيا قالي ارخص دوله اوروبيه و 1321 يورو تكفيك وزياده

وبالنسبه للاصحاب العوائل انا زرت كذا موقع ووجدت ناس يكتبون عن تجاربهم في اسبانيا

مع عوائلهم ولم يذكروا شي غير انهم قضوا اجمل اقواتهم في اسبانيا

هذا اللي قدرت اقطفه لك من جعبتي المتواضعه ومعلوماتي السطحيه

تحياتي لك

بنــــدوررر