طلاب فرنسا الي لهم خبره ساعدوني الله يساعدكم

هلآبك يآ ارتيست ..

ترا دوختينا .. انتي سعوديه والا اماراتيه

شوفي ..

اذا بتدرسي على حسابك .. وتبغي الالتحاق .. لآزم تدرسي بلغه الدوله اللي انتي فيها ..

يعني الله يعينك تدرسي بالفرنسي .. او شوفي لك دوله ثانيه انجليزيه غير بريطانيا .. امريكا او كندا مثلآ ..

اذا جبتي قبول جامعي وكملتي اجراءاتك .. ان شاء الله ما تتأخر ..

اذا صرتي مبتعثه .. جيبي قبول جامعي من بريطانيا او امريكا .. وقدمي على طلب التحويل .. بس اتوقع لآزم يكون فيه سبب مقنع للتحويل ..

لآماتوصل لهذي الدرجه .. بس عندهم اعتزاز بلغتهم مثل باقي الدول الأوروبيه ..

وبالنسبه للمحرم .. ماعندي علم ..

موفقه ان شاء الله ..

طيب وش فيه الفرنسي والله لغة لها فائدة وقوة .. يمكن تساعدك اللغه لما تتوضفين بمجال الفنون خصوصا بالشركات الفرنسية او التي تتعامل معها

وبالنسبة للتعصب فلا يوجد تعصب لهذه الدرجة لاكن بعضهم يكرهونها بعض الشيئ وهي منتشرة بشكل لا بأس به بين الشباب .. لاكن انسى تتكلم مع كبار السن بالانجليزية

تسلم على معلوماتك انا سعوديه يا اخوي وش فيك

بس كيف اتعلم فرنسي وانا ما عندي انجلش اساسا وبعدين اكيدد عندهم معاهد انجليش يعلمو عيالهم هما ......

يعني البعثه ما تجيني الا لازم ادرس لغة البلد الاساسيه ؟!!!!ما راح استفيد من الفرنسي شي اذا رجعت للسعوديه

وبالشركات الاجنبيه ايش اشتغل اذا مجالي فنون ؟؟؟؟؟؟!!!!!! ترى ما اعرف الا الجهات الحكوميه الي في الرياض والمعاهد فقط لاغير ما عمري قدمت على الشركه اجنبيه ممكن تفيدوني

والله احترت يعني امريكا وكندا عيبهم انهم بعيدين المحرم ما يقدر يتردد علي وغير كذا ما عندهم سالفه بالفنون مو مثل الدول الاوربيه

فكرت في ايرلندا بس احس مستواها ضعيف بالجامعات وبالدراسه عموما ما احسها مطوره مثل فرنسا وبرطانيا

والوزاره والملحقيه في برطانيا دوخوني محد يعطيني العلم الاكيد الوزاره مره يقولون انو برطانيا مفتوحه ومره يقولون لي موقفه والملحقيه قالو لي جيبي درجة الايلس المطلوبه وقبول جامعه ونقبلك وسالت الوزاره قالو لاتعتمدين على كلام شفهي لازم توشوفي شي مكتوب قلت اااااااااااااااااااااااااااااه بنجن منكم


شكلي ما فيه الا اني اروح بنفسي هناك واشوف بنفسي وافيز لفرنسا وبرطانيا وادور قبول جامعه هنا وهناك عشان اذا ما فيه بعثات في برطانيا رحت لفرنسا ولا وش رايكم ؟؟؟؟؟؟؟


اسفه على الاطاله

طيب اذا رجعتي المملكة تعلمي انجليزي في اي معهد .. الانجليزي سهل مايبغاله شيلة الهم تتعلمينه بكم شهر بالمملكة واللهي مايبغاله شي

طيب مافكرتي تختاري استراليا " سيدني " تعتبر مدينة فنية وفيها اشهر معالم الفن الا وهو الاوبرا ..

حبيبي ما فيه معاهد كويسه بالمملكه دورت كثير وسجلت باكادمية الفيصل زي قلتهم مسوين زحمه على الفاضي الي ادرسنا من جنوب افريقيا ولكنتها غريبه ما نفهم عليها
وكذا بضيع وقتي على الفاضي اتعلم فرنسي ثم بعدها انجلش

وبعدين المحرم حقي يتردد على برطانيا كثير عشان كذا ما اقدر ابعد من هناك

مشكلة بريطانيا ياعزيزتي .. ان الألحاق فيها صعب شوي ..

يعني انتي عندك مجالين ..

اما تدرسين بفرنسا وباللغه الفرنسيه وتقدمي الحاق على البعثه .. واذا جاك ابتعاث اطلبي تحويل لبريطانيا ..

او تدرسين ببريطانيا اذا ميزانيتك تسمح ..

ولو لقيتي جامعه قويه بتخصصك في أيرلندا اواسكتلندا يكون حلووو

لاتعممين .. انا درست بمعهد wall street ممتاز جدا ..
اكاديمية الفيصل ماجربتها بس فيه ناس اعرفهم يمدحونها
وفيه المعهد حق السفارة البريطانية

ومثل ماقال الاخ عاشق اسبانيا قدامك حلين
والشكوى لله

اخواني عاشق + راكان
ان
ا فكرت ب فرنسا بس قالولي الالحاق هناك صعب

كيف اجراائته .. !؟؟ علموني تكفون يعيال


اختي artist_ksa

اللغه الفرنسية والله مره حلوة وف نفس الوقت هي تجي بعد الانقلش

ويعطيكم العافيه والله يوفقنا وأياكم