الى الطلاب القادمين

ما فهمت إيش يعني عصفور في اليد أحسن من 10 على الشجرة ..
ما جاوبت على أهم سؤال عندي.. لمّا بدأت دراسة اللغة في المعهد إيش كانت نوع الكورسات ؟؟ كورسات فرينش عادية ولا كورسات خاصة بالتحضير للجامعة؟؟
وبعدين مدة دراسة اللغة .. الوزارة أعطتك سنتين للغة من عندها ولا سنة فقط وبعدين إنت مددّت فترة اللغة؟؟
أول ما وصلت فرنسا هل كان في استقبال في المطار ولا لا ؟؟
الجامعة إنت اخترتها ولا الوزارة اللي اخترتها لك؟
هل كان المعهد في مدينة والجامعة في مدينة آخرى ؟ في أي مدينة المعهد والجامعة؟

أعذرني من كثرة أسئلتي بس أنا بحاول أجمع معلومات عسى إني أتكهن فين الوزارة راح ترميني ..أو إيش هيكون مصيري...


بلييييييييييييز لا تنسى تجاوب على الاسئلة..

يا ادشر طالب حبذا لو تعطيني ايميلك وراح نتناقش
وبالنسبة للسوال الاخر فالكورسات في البداية تكون عامه من الصفر من الحروف بعد
والوزارة تعطي الحين سنتين لغه بعد ان ثبت من طلاب الدفعه الاولى ان سنة ليست كافيه ولا مؤهلة
ولما وصلنا فرنسا كنا قروب كامل لذلك استقبلتنا الملحقيه واذا كان هذي المرة راح يجي كل واحد لوحده نسقو كم واحد تجون مع بعض وانا مستعد استقبلكم في المطار
والملحقية قد تتيح للطالب اختيار الجامعه التي يريدها لكن قد تكون هي التي تختار في بعض الاحيان
وبالنسبة لي كان معهد اللغه في مدينة والجامعه في مدينة اخرى لكن هناك البعض بقو في نفس مدينة اللغه

وانت يا lamlom عندك قبول في السعوديه والا بس فرنسا حبذا لو تقولي وترسلي ايميلك برظه عشااااااااااااااااان افهمك الهرجه

أخويا العزيز أنا وضعي قريب جدا من وضع أخويا " أدشر طالب "
وياريت تساعدني على استيعاب الموضوع وأكون شاكر لك
وهذا ايميلي :
(تم حذف الإيميل لأن عرضه مخالف لشروط الملتقى)

زي مايقولو وضع الايميل مخالفة للنظام
فإذا تقدر ترسله رساله خاصة برسايل المنتدى

أخوي انا كمان وضعي زي ادشر طالب وزي اسعد رزق فانبغى نفهم كيف الوضع
إيميلي
coool_boooy2008 at hotmail dot com
واحب اشكرك كثير ولانه بتفيدنا في امور كثيره

عزيزي LE SEULاود ان اعرف منك او ان تسأل لي عن نظام دراسة المجاستير حسب نظام الجامعات في فرنسا ولكم مني جزيل الشكر فنحن المبتعثين للدراسات العليا نود ان نعرف ماهو نظام دراسة المجاستير في فرنسا

هلا اخوي LE SUEL والله كل لما اشوف واحد طب افرح و ماشاء الله متفائل عكس الكثيرين والله من كلامك باين انوا امورك حمدالله ماشية أنا بعد طب و انقبلت في فرنسا أول و الحين ما ادري ايش وضعي بين فرنسا و استراليا ساعة يقولولي سهلة و ساعة يقلب الموضوع عموما اللي ربي كاتبه بصير و انشالله حتى لو جيت فرنسا مو زعلانة لانو كثير ناس يتمنوها ولو انو في نسبة رسوب كبيرة مثل ما سمعت و لغة جديدة بس يلا ايش انسوي كله خير المهم اخوي قلي ايش وضع طلاب الطب هناك؟ في لهم معاملة خاصة؟ و كيف اللغة معاك صعبة ولا لأ؟؟ المعهد هو يساعدك بالسكن؟
بالتوفيق اخوي وشكرا على اهتمامك فينا

هلا شباب
بالنسبة للشباب اللي ارسلو ايميلاتهم برايفت نفس المشكلة ما تطلع
لكن راح اسوي زي ice man واحط ايميلي كتابه كذا نختصر
leseul2005 at hotmail dot com
وبالنسبة للاخت lammom ان شاء الله راح اسال وارد عليك
وبالنسبة للاخت danya الله يعينك على الصراع اللي انتي فيه وطبيعي يحصل وبالنسبة لمعاملة السعوديين ما اختلفنا ان هناك معامله ثانية وبسيطه واظن انك قريتي موضوع الاخ اللي وضح كل شي
وبالنسبة للغه معي شخصيا الحين عادية ليست صعبه وليست سهلة لا زلت احتاج للترجمه
وطبيعي ان المعهد يساعد في الحصول على عائلة واظن ان الملحقية راح تنسق مع المعهد لحجز عوائل قبل وصولكم
تمنياتي للجميع بالتوفيق