بخصوص التأمين الصحي المعطى من الملحقية

January 12th, 2013, 04:40 PM

السلام عليكم ورحمة الله وبركاته ..

رحت قبل يومين على السيكيوريتي سوسيال الخاص بطلاب الجامعه وعرضت عليهم الكرت اللي أعطونا هوه الملحقيه للتأمين وقالولي إنه الشركة معترف فيها بس إنه لازم أرسل الـ Attestation de droits اللي يعطينا هوه السيكيوريتي سوسيال الخاص بطلاب الجامعه على شركة التأمين عشان يتواصل معاهم علشان توصل التعويضات 100% لأن تأمين الملحقيه عبارة عن ميتول والميتول معناه مكمل للتأمين حق السيكيوريتي سوسيال يعني مثلاً لو نزل تعويض من السيكوريتي بمعدل 20% يقوم التأمين بالتعويض عن الـ 80% الباقيه ..
وبعدها أتصلت على شركة التأمين وكلمتهم وقالولي أرسل الأتيتاسيون مع كرت التأمين عشان نتواصل معاهم وقد قمت بإرسالها علشان أستفيد من مميزات التأمين واللتي تشمل الكشوف الطبيه وعيادات الأسنان وعيادات العيون والأدويه ..


نزلت هذا الموضوع لأنه في طلبه كثير سألوني عن التأمين وشككت في مصداقيته بس لما عرفت الحقيقه قلت لازم أنزلها عشان تستفيدوا من موضوع التأمين ..


بالنسبة لطلاب المعاهد اللي ما عندهم سيكيوريتي سوسيال ما أدري التأمين في إيش راح يفيدهم أو طريقة التعويضات وهذا الكلام اللي أنا كاتبه يشمل الطلاب اللي عندهم سيكيوريتي سوسيال واللي مسجلين في الجامعات فقط ..

أتمنى اللي يعرف طريقة التعويض لطلاب المعاهد إنه يكتبها في الردود علشان يستفيد منها باقي الطلاب ..

دعواتكم لي بالتوفيق ..

تحياتي

• نشر عبر تويتر
• نشر عبر فيسبوك
• نشر عبر جوجل