رز بلبن لـلرايحين فرنسا بس

تنبيه: هذا الموضوع قديم. تم طرحه قبل 6136 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

Lamloom
مبتعث مجتهد Senior Member

المملكة المتحدة
Lamloom , أنثى. مبتعث مجتهد Senior Member. من المملكة المتحدة , مبتعث فى المملكة المتحدة , تخصصى PhD Marketing Digital Media , بجامعة University of Portsmouth
University of Portsmouth

PhD Marketing Digital Media

أنثى
Portsmouth, South west of England

المملكة المتحدة

Jun 2007
المزيدl
April 16th, 2008, 03:23 PM
April 16th, 2008, 03:23 PM

بنات وشباب فرنسا ..

كيفكم مع زحمة الفيزة ..

كيفكم بعد الوجبات الدسمه من الازمات اللي كنّا فيها زحمة القبولات والوزارة والملحقية السعودية في فرنسا والقنصلية الفرنسية والفيزة وووووووووو ما راح أعدّ

فبما إنه في كثير منا قدّم على الفيزة وارتاح ومنتظر إلى حين صدورها...
حبيت افتح موضوع خفيف
كده زي الرز باللبن
اللي بتحلوّ به كده في العصريات
بعد وجبة غذاء دسمه وقيلوله قصيرة..

أكيد الآن بتفكروا في السفر وشنطة السفر و الاشياء اللي ناقصه علشان تأخذوها معاكم ..

أنا عارفه إنه موضوعي مكرر في ملتقيات دول ثانية بس بصراحة ما فيّياه أدوِّر على المواضيع المتعلقة بده الشيء فقلت افتح الموضوع ده في ملتقى فرنسا و بما إنه احنا مجموعة كده صغيرة مع بعض يسير نستفيد من بعضنا ونذكر بعضنا بالأشياء اللي يمكن ننساها مع الزحمة والتفكير في مليون شيء وشيء خاصةً اللي رايحين مع عائلتهم..

بالنسبة ليّا عندي بلاوي ناقصتني .. من بداية اللاب توب إلى ما لا نهاية..

بس اللي عاملي من جدّ أزمة اللاب توب مني عارفه إيش أعمل .. أيش أفضل نوع ومواصفات للاب توب يعيش معايا 5 سنوات على أقل تقدير..

فكل واحد يحطّ لستة محتويات شنطة سفره وشنطة يده هنا .. طبعاً أهم شيء ما ينسى الاشياء الرفيعة اللي ممكن الواحد ينساها من جدّ مع الزحمة زي مثلاً فرشاة الاسنان
بس اللي عاملي من جدّ أزمة اللاب توب مني عارفه إيش أعمل .. أيش أفضل نوع ومواصفات للاب توب يعيش معايا 5 سنوات على أقل تقدير..

أول شي مساء الخير كيف الحال شباب مبتعث الطيبين الشاطرين ؟؟؟
تتذكريني صح ؟؟ خخخخخخخخخخخخ
حبيت امر واجاوبك في موضوع الاب توب يعني عندي خبره الحمدلله
الاب توب اللي ارشحه لك بما انك تبغين واحد راعي طويله لاب توب ديل DELL ليشششش ؟؟؟
ديل قوي ويتحمل وانا عندي 4 لابتوبات ديل اكثر واحد كرف والان يعمل عمره حوال ال 9 سنوات
ديل اقل عرضه للماشكل الداخليه زي ايش زي الحرارة ((وهذي مشكلة التوشيبا )) والبطئ الشديد انسيه في كمبيترات ديل
اضافة الى ما ذكر ديل او الشركة اللي تبيع ديل (( الوكيل وانصح فيه )) هي العالمية للكمبيوتر هي الوكيل لكمبيوترات ديل مادري وينهها في جده لاكن في الرياض عند حراج الكمبيوتر في العليا وفيه مصري هناك صديقي الروح بالروح اسمه مدحت ويعطيني خصومات بالهبل وهدايا لما اشتري من عنده انا شريت حوالي 6 مرات لابتوبات من عنده انا عندي 4 والباقي للاصدقاء والحبايب فلذلك انصحك تشتري من الوكيل لانه راح يعطيك ضمان لمدة 3 سنوات وهذا اللي عندي من معلومات ايييييييي سؤاااال تفضلي لاملوم خخخخخ تصدقين من زمان عنك
وشكرا

ومن ناحية النوع ان شاء الله اليوم اجيبلك اخر الموديلات واحاول نختار سوا الافضل
FREED ON IM
April 16th, 2008, 04:27 PM
7 "
اااااااااااااااااخ يا لملوم لو كنت مشرف في هالمنتدى راح يتعب معاي كثير من الأعضاء يالا السخافة لما ينزل موضوع وبعده بساعة واحد يجي موضوع اخر يحاول محاكاته اوووووووووووف والله ناس تعبانه

ما أقصدك أنتي موضوعك مكرر صح لاكن ملتقى فرنسا بحاجه له وكلامي موجه الى موضوع اخر في نفس الملتفى ممكن تلاحظيه
FREED ON IM
April 16th, 2008, 05:16 PM
7 "
أخواني والله موضوع لملوم ممتاز جدا ولوكان مكرر في ملتقيات الدول الاخر مايهمنا اهم شي ان احنا نستفيد ونساعد بعض وانا شخصيا ودي اعرف عن نظام الافياش الكهربائيه هناك كيف
bomuslem_2007
April 16th, 2008, 09:06 PM
7 "
هلا لملومتي ....حبيبي انا مشتريه لاب توب قبل حوالي شهر dell والله فللي ...طبعا انا عجبني اللون والمواصفات قالولي تناسبك وتناسب استخدامك وبمااني لا افكه شيئ في الكمبيوترات فأخدت برئيهم واشتريتو اما من ناحيه ابو مسلم اخوي كل افياش الكهرباء 220
علوش المنكوش
April 17th, 2008, 12:07 AM
7 "
حبيبتي علوش انتي الويندوز اللي اخذتية فيستا
انا ودي بسوني وش رايكم
عذبة الصمت
April 17th, 2008, 12:27 AM
7 "
هلا بالجيران ، بما أن طلاب اسبانيا ماخذين اجازه لهم اسبوع تقريبا بقلقكم شوي مو مشكله ،،

بالنسبه للاب توب فيه واحد شفته مافيه أي عيب MacBook Air فعلا جهاز جبّار

ونظام التشغيل عندهم لا يعلى عليه كرهت جهازي من شفته بس عيبه الوحيد
سعره تقريبا 8000 S.R

من جد تحس انك دافن عمرك بالوندوز وانظمتهم الخايسه اللي كلها فايروسات وتهنيق ورفعة ضغط

مع ان الموضوع لطلاب فرنسا بس قلت نمون على الجيران

سي يآ
سعدووون
April 17th, 2008, 01:51 AM
7 "
يا هلا بكل الحلويييين ..

شكراً على مروركم..

ما أعرف بدءتم تقنعوني بشركةDELL للاب توب بس لسه هروح وأشوف في جرير وأكسترا .. بس ياريت لو في أحد يعرف إيش المواصفات اللي لازم تكون في الجهاز ياريت يفيدنا بها..

بس ما أشوف أحد حطّ لستة أغراضه اللي في شنطة السفر أو اللي لسه هيشتريها ..
إيش رجعتوا في كلامكم وما هتسافروا ولا إيه..

بالنسبة ليا الاغراض اللي جهزتها :
1. الملابس ( بناطيل جينز + تشرتات شتوي وصيفي + 3جاكيتات جينز + 1 جاكيت جلد+ 4 آيس كاب ) بس ما عندي الرين كوت كويس إنه علوووووووووووشه فكرتنا بي بس يمشي الحال بشمسية مؤقتاً كده عقبال مانلاقي واحد ..
2. الله يكرمكم .. الحذاء عندي شوز واحد أسود من puma والباقي كله صنادل بفكر اجيب شوز ثاني من sectcherعلشان يستحمل الكرف.
بس تقريباً هو ده اللي حالياً جاهز وفي الشنطة كمان ..

اللي لسه ما اشتراته:
1. اللاب توب
2. mp3
3. هارد ديسك أو USPبس يكون سعته معقوله شوي
4. C.D
5. قاموس عربي _ فرنسي .. بس ما أعرف اجيب قاموس إلكتروني ولا قاموس كتاب عادي
6. ساعة يد محترمة
7. دفاتر وأقلام
بس هو ده اللي حالياً على بالي ..

فيه عندي سؤال هل ممكن نأخذ معانا معلبات زي تونه ، فول ، كرفت ..
لانه بصراحة ما أعرف إيش هأعمل أول الايام .. خصوصاً إني أول مرة بصراحة أسافر بلد أوروبي ومعايا ماما وأخويا فما أعرف كيف هتصرف من ناحية الاكل والمطاعم في أول يومين .. هل عندهم مثلاً مطاعم زي اللي عندنا كده زي كنتاكي وماكدونالذ و بيتزاهت ولا ما عندهم ..
سؤال ثاني لو عندي weights للتمارين 1 ك.غ وأبغى أخذوا معايا هل في أحد جرب وأخذ معه ده الشيء..

يلا كل واحد يطلِّع لستته .. ويكتبها ..
Lamloom
April 17th, 2008, 03:22 PM
7 "
بالنسبة للاب تب أنا عندي توشيبا وايسر لها تقريبا خمس سنوات أو أكثر عملية ومناسبة ليه وشركة ايسر عملت مميزات لأجهزتها الجديده واسعارها مناسبة وصارت تنافس غيرها من الشركات وقطع الغيار متوفرة بخلاف غيرها ، أدخلوا على موقع مكتبة جرير واتعرفوا على العروض طبعا موجود فيها أجهزة توشيبا وايسر وديل واتش بي وغيرها ولا تنسون إنه لكل شيء محاسن وعيوب مثال بسيط ممكن أفضل جهاز يسخن ويصلب وهذا الشيء حاصل وممكن أسوأ جهاز مايصلب إذا سخن وهذا حاصل .

وأما القاموس الكتابي فأقترح عليكم زملائي لفرنسا كتاب أسمه ( لاروس ) فرنسي عربي والعكس موجود بمكتبة جرير بقيمة 60ريال فقط .

والمعلبات سألت عنها أكثر من شخص بفرنسا فقالوا لي لا تجيب معاك ولا حاجة غير القهوة والبهارات والتمر كل شيء موجود بهذه الصيغة .. ويكفي ياأخت لملوم جبنة كيري المشهورة صناعتها بفرنسا >> ساندويتش جبنة كيري مع طماطم << كثر شطه .

وأما المطاعم الموجوده بفرنسا أذكر أخونا أسعد تكلم عنها وموجوده بهذا الرابط

http://www.mbt3th.us/vb/showthread.php?t=38092

وبالنسبة لأغراض التمارين تقدري تاخذيها معاك وتقدري تاخذي غرفة كاملة مجهزه ، لأنك طالبه وهذا مسموح للطلاب والطالبات فقط .

أتمنى أفدتك ياأخت لملوم وأخواننا وأخواتنا الغالين طلاب وطالبات فرنسا وأتمنى لكم التوفيق والنجاح .
hgvfdud
April 17th, 2008, 04:11 PM
7 "
حبيبي عذبة الصمت ياليت اقدر افيدك بس قلتلك انا للاسف مالي خبره في المواصفات فعشان كده اسألي احد يعرف احسنلملومتي القمر انا كمان مااشتريت رين كوت لاني مالقيت شي عدل ,,, وبالنسبه للمطاعم الفاست فود الي في فيشي بالذات (بما اننا راح ندرس سنه هناك)فمافي غير ماكدنالدز فقط وفي شاورما وبيتزا ومعجنات طبعا زي الكورواسو وزي كدهاما المعلبات انصحك بلاش تاخدي لانو راح تلاقي كل الي تبغيه هناك بالذات التونه والساردين انواع واشكال وكوالتي احسن مليون مره من عندنا....طبعا لمن نروح انشالله راح اوريكي كل الاماكن والاماكن الرخيصه قبل الغاليه .... دحنا حنبئي بلالين من الاكل هناك
علوش المنكوش
April 17th, 2008, 10:59 PM
7 "