استفسار طلاب و طالبات فرنسا - صيف ٢٠١٥

انت مغامر مغامرة كبيرة, الوزير اوقف الانضمام للبعثة! بما فيها دفع رسوم المعهد.
اتوقع معظم اللغات اللاتينية يكون مستوى التعامل الحياة اليومية فيها يوم ماتنتهي مستوى A2, بعض الناس يوصلوه بشهرين و البعض الاخر 4 شهور.
اما المطاعم العربية كله نصب بنصب ولحم مدري من وين جايبينه و مستوى ردئ و القايمين عليها ناس واطية, انت ففرنسا عز فن المأكولات و المطبخ الفرنسي مشهور بغناه, فن الطبخ اتولد ففرنسا يارجل! و انت تتدور شاورما و كباب.

الله يوفقك

شكرا لإطرائك أخي.

فكرتك بالنسبه للبحث في المطبخ الفرنسي جيده، و حأدخل في الموضوع.

بالنسبه للإنضمام للبعثات للدارسين على حسابهم الخاص فحسب المعلن هو مستمر حسب النظام الصادر بأمر سامي من الملك و لا يستطيع وزير إلغاءه إلا بأمر سامي. اللي توقف هي الإستثناءات اللي كانت في عهد الملك عبدالله. و قد أشار معالي وزير التعليم في شهر مايو هذا العام إن من بين ال ١٥ ألف الطالبين الإلحاق بالبعثه ٣٨٦ طالب و طالبه ينطبق عليهم النظام و سيتم إلحاقهم.

الإلحاق شروطه بالنسبه لطالب الماجستير إنه يكمل ٩ ساعات أكاديميه.

ممتاز انك على علم بصعوبة و آلية الالتحاق بالبعثة الان, لأني شايف الناس بهاشتاقات تويتر جايبين العيد.

انا حاليا عايش باسبانيا و جدول مصروفاتي الشهري يحتاج 2500 يورو بالشهر, مثل جنوب فرنسا ان كان في فرق بسيط زيادة او اقل
ايجار 600 يورو
فاتورة الكهربة مابين 150 الى 300 كل شهرين (بالصيف 150 بالشهر لأنه استخدم مكيف)
فاتورة الماء 30 يورو بالشهر
كرت ميترو 53 يورو بالشهر استخدام مفتوح
تلفون مابين 42 يورو الى 83 يورو يعتمد على باقة النت
غاز ماعندي لكن ان كان موجود 40 يورو بالشهر
مصروف صرف يومي 20 يورو باليوم اقل تقدير (حاولت انزل ل15 و كنسلت الموضوع بعد شهر لانه جدا صعب) يعني 600 بالشهر
انا اشوف تنمية المهارات شي مهم و فرصة لاتفوت ان كنت عايش بالخارج, استخدم نفسي كمثال:
دروس بيانو جاز خاصة 80 بالشهر
تكلفة hiking trip مرة كل ويك اند 25 يورو, 100 بالشهر
يوجا 50 يورو بالشهر
ومنها تعبي جدولك اليومي بدل الروتين الخانق (معهد بيت بيت معهد) اللي كثير طلبة يوقعون فيه (مو بس سعوديين, حتى الصينيين و اليابانيين)
مقاضي 400 يورو بالشهر
و الباقي اما يتخزن للشهر الجاي او يتنثر بخبطة وحدة خلال الشهر (ملابس, جاكيت في الشتا, ايكيا.. الخ)
اوروبا اغلى من امريكا بالمعيشة فحط هالشي في بالك

و احب انوه ان سكنت مع زملاء في الشقة, مصاريف الكهرب, ماء, نت و ايجار ما تتعدى 550 يورو كلها على بعض و تسكن بشي نظيف جدا, الغلطة اللي وقعت فيها اني ماعملت هالشي

سلام،،

وصلت فرنسا، عديت عالملحقيه و كل شي تمام.

و شكرا لنصيحتك بخصوص الأكل، جالس أتذوق أكلهم و ماشالله فنانين زي ما قلت.

زورنا في بيزانصون، أنا بادرس لغه هنا. و انشالله سبتمبر أنقل ليون.

طارق

الله يسعدكم...هل يوجد بباريس جامعات معترف بها من من وزارة التعليم لدراسة الدكتوراه (باللغة الإنجليزية)؟

نعم يوجد.

ممكن تفيدك الأخت حنين أبو عزه لأنها بحثت عن قبول دكتوراه في فرنسا بالإنجليزي، كلميني عالخاص أرسل لك رقمها.

السلام عليكم اخ طارق افتكر انت قلت اول انه لازم بعد ما نخلص ال9 ساعات و نرفع اوراقنا للملحقيه لطلب الانضمام نسنتى كم شهر من شهرين لثلاثه عبال ما يجي ردهم و تسير الامور طيب كيف الجامعه هناك مو حيبداو تسجيل للترم الي بعده ؟
انا جامعتي حتبدا دراسه بداية سبتمبر ان شاءالله و حننتهي في ديسبمر بداية جانوري حيطلبو رسوم السمستر الي بعده طوالي و الرسوم حقت الترم الثاني كتيره ايش الواحد يسوي في دي اللحظه ؟ لو نسنتنى رد الملحقيه حيكون انتهى ترم التاني كامل و احنا نستنى غير في فرنسا اغلب الحامعات للطلاب الانترناشنال تفتح سنويا للتسجيل مو كل سمستر جامعتي زي كدا نظامهم فكيف ادبر اموري ؟ عندك فكره ازا يخلو الترم التاني مرتين يعني ان فاتني سمستر شهر جانوري اخده تاني مره في شهر ماي علما الطلاب الي كانو معايا ف السمستر الاول حيكونو خلصو التاني و مسجلين ف التالت ... الشي دا شاغل تفكيري صراحه انت ايش ناوي تسوي في دي اللحظه ؟

و عليكي السلام لارا،

نعم صحيح كلامك، جدول الدفعات يحتاج ترتيب. اللي أقترحه إنك تتناقشي مع الجامعه بخصوص جدول الدفعات بعد ما تشرحي لهم نظام الإبتعاث حقنا. ثم بعد كدا ممكن تقترضي المبلغ لو ما توفرت عندك السيوله المناسبه لجدول الدفعات المتفق عليه.

أنا شخصيا سويت كدا من قبل لا أسافر، و الحمدلله ما جيت إلا كل شي مترتب.

ممممم كيف من قبل لا تسافر عادي اشرحلهم من دحين ؟ حيجي ببالهم ازا ما اخدت الابتعاث لا اروح اسحب عليهم هههه و تقصد بجدول الدفعات انه الدفع يكون بدفعات طوال السمستر مو مره وحده ؟