LinkBack URL
About LinkBacks
هل ممكن السكن المزدوج( انا وصديقي )مع عائلة
7 " 
تقرير تجربتي مع معهد اللفه الاسبانيه في مدريد أسبانيا
تقرير تجربتي مع معهد اللفه الاسبانيه في مدريد أسبانيا
تنبيه: هذا الموضوع قديم. تم طرحه قبل 2439 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- أيه ممكن المعهد يضبط لك كل شيء السكن مع عائله او في السكن التابع للمعهد. وبعض العائلات توفر أكثر من غرفه وممكن تكون الغرفه الواحدة مشتركه بحيث يكون فيها سريرين وهنا طبعا راح توفر أكثر من أذا كان لك غرفه خاصه.7 "
- غالي جدا جدا جدا جدا7 "
في معاهد تانية افضل وارخص - ممكن تزودنا باسماء المعاهد الافضل وارخص7 "
- السلام عليكم ورحمة الله .. اشكركم على التكرم علينا بهذه المعلومات والله يجعلها في موازين حسناتكم7 "
كنت حاب استفسر عن موضوع .. انا محاضر في جامعة سعودية وسبق ان درست الماجستير في جامعة بريطانية مرموقة ولغتي الانجليزية ممتازة ولله الحمد .. وافكر في دراسة الدكتوراة في اسبانيا وعقدت النية .. ولكن باقي الصورة ما هي واضحة ..
تنصحوني بالدراسة في اسبانيا وهل ممكن ادرس باللغة الانجليزية ؟
الف شكر مقدما وحفظكم الله - وعليكم السلام7 "
أنا خريجه ماجستير جامعه نيويورك والحمدلله أني وصلت علي أسبانيا وبديت الدراسه الكل متعاونين والجامعه جامعه كومبلوتنسي والوضع زي الفل ومرتاحه مع الناس والبيئه والجامعه وبامكان تدرس باللغه الانجليزيه بالدكتوراة لان اللغه الانجليزيه متطلب لكل طلاب الدراسات العليا والتقديم يبدأ كل سنه وينتهي في سبتمبر تقريبا كل سنه تختلف وكل جامعه تختلف بس تقريبا حول هذه الشهور اذا راغب تجي بدري ضبط اوراقك لانهم يطلبون اوراق التخرج والشهادات مختومه من السفارات الاسبانيه واذا من أمريكا او من الاتحاد الاوربي لازم تسوي لها تصديق او بوستيل وبعدها تترجمها من مكاتب الترجمه المختصه للغه االاسبانيه. قبل ما تسجل بالجامعه اون لاين تبحث عن الدكتور أو البرفسور اللي حاب يكون مشرفك الدراسيه لان قبوله مهم لك وبعدها راح يدعمك بكل شي والملحقيه بعد ماراح تقصر. اذا عندك وقت قبل ما تبدأ الدراسه تقدر تجي هنا وتدرس لغه افضل لك باالتواصل لان طاقم الجامعه ومكتب التسجيل يتعاملون باللغه الاسبانيه. ولكن الدراسه والثيسس ممكن تشتغل عليه وتكتبه بالانجليزي. واسفه على الرد المتاخر وبالتوفيق ...
السلام عليكم ورحمة الله .. اشكركم على التكرم علينا بهذه المعلومات والله يجعلها في موازين حسناتكم
كنت حاب استفسر عن موضوع .. انا محاضر في جامعة سعودية وسبق ان درست الماجستير في جامعة بريطانية مرموقة ولغتي الانجليزية ممتازة ولله الحمد .. وافكر في دراسة الدكتوراة في اسبانيا وعقدت النية .. ولكن باقي الصورة ما هي واضحة ..
تنصحوني بالدراسة في اسبانيا وهل ممكن ادرس باللغة الانجليزية ؟
الف شكر مقدما وحفظكم الله - 7 "
صحيح المعهد غالي.... ولكن أذا تدريسهم تمام وتتعلم معهم بسرعه ومرتاح معهم خلاص والملحقيه معتمده هالمعهد وتدفع الرسوم. ولكن اذا انت على حسابك انصحك بمعهد أخر. - رجو الرد هل اسبانيا أفضل من التشيك في الدراسة والمعيشية وكل شيء انا محتاره بينهما؟؟؟؟7 "
- السلام عليكم ورحمة الله وبركاته7 "
شكرا على موضوعك من زمان وانا ادور جواب على سؤالي.. انا مثلك محتارة وبحثت كثير عن معاهد لغة وتواصلت مع الملحقية لكن مالقيت رد.. بالنسبة لمعهد اي اف فين موقعه بالضبط وهل انتي في مدريد؟ هل هو في منتصف مدريد ام ضواحيها؟ انا عندي ضمان لكن زوجي ماعنده فكيف إجراءات التسجيل في المعهد؟ ولو ابغى اغير المعهد بعد فترة اقدر ولا ما ترضى الملحقية؟ بإذن الله طالعه قريب وياريت تفيديني..
شكراا الله يسعدك يارب
March 15th, 2018, 11:33 PM
حبيت أسلم عليكم وأنقل لكم تجربتي عن المعهد االي حاليا أدرس فيه اللغه الأسبانيه وهو معهد (EF (Education First لان هالقسم في دوله أسبانيا ناقص يتكلمون عن المعاهد بالتفصيل في أسبانيا في خلال هالسنتين وقليل من نقل تجربته او عنده فكرة عن هذا الموضوع من خلال سؤالي لطلاب أسبانيا.
وقبل لا أجي مدريد مريت بوقت صعب وهو أختيار المعهد المناسب للغه الأسبانيه وصراحه مستوأي باللغه الاسبانيه كان تقريبا صفر. و بما أن أغلب المعاهد التابعه للجامعات الاسبانيه ما تقبل طلاب الا لازم يكون عنده مستوى باللغه الاسبانيه.
كان التواصل من السعوديه لاسبانيا ومع الملحقيه صعب من خلال الايميل حتى مع أغلب المعاهد هنا بأسبانيا. فوصلني أيميل عن مكتب كرياتكس للإستشارات التعليميه والتدريب أنهم ممكن يساعدون الطلاب المبتعثين مجانا بجلب القبول الجامعي واللغه واجراءات الفيزا والسفر وما قصروا كانوا متعاونين وخلال يومين وصلني قبول معهد اي في ونصحوني فيه بدون ما اعطيهم مقابل للحين.
صراحه كنت متخوفه من المعهد لان سالت الطلاب السعوديين في أسبانيا بتويتر وما عرفوه وما درسوا فيه وماكان عندي وقت أن أدور على معهد ثاني للمبتدئين باللغه.
والحمدلله وصلت هنا وعرفت المعهد وكانت تجربه جدا ممتازه تقريبا الحين لي شهرين وقدرت أفهم الاسبانيين وأكتب وأقرأ يعني تقريبا مشيت باللغه الحمدلله. اللي يساعد أن عندي لغه أنجليزيه وأغلب المدرسين والمدرسات متعاونين وكلهم يعرفون أنجليزي حتى لو ما فهمتوا بالاسباني ممكن يشرحون لك المعنى بالانجليزي لما تفهم.
حتى الموظفين اللي بالمعهد جدا يساعدون بإجراءات البنك والمواصلات وشريحه الجوال والإقامه والمستشفى والسكن. يعني بس أطلع من المطار وروح لعندهم حتى لو ما تعرف أسباني تمشي أمورك.
وقت الكورسات أو الاترام كل أسبوع أشوف طلاب جديدين بس حسب ما قالوا لي عندهم نوعين من الكورسات اللي هي طويله المدى وقصير المدى. فمثلا الكورسات قصيره المدى أقل مده أسبوعين وممكن تبدأ في نصف الكورس يعني وين ما الناس بدأت بالكتاب تبدأ ،ما تبدأ من أول.
أما الكورسات طويله المدى مثلا حقت سته شهور , سنه , سنتين.. فتبدأ كل شهر بحيث تبدأ كل كورس من بدايته يعني من بدايه الكتاب بحيث كل شهر يخلصون الكتاب. وعندهم خيار متى ما تبغى تروح للمستوى اللي بعده باللغه يسون لك أختبار وتطلع للمستوى اللي بعده أو تنتظر لنهايه الترم ويعطونك أختبار المستوى.
وقت الدوام غالبا من الصباح الساعه ٩ الى ال ١ ونصف أو بعض الايام يكون الدوام مسائي من الساعه ١٢ الى الساعه ٤ ونص تقريبا.
والكورسات تشمل الكتابه والقراءه والكلمات والمحادثه والقواعد والاستماع وثقافه المجتمع الاسباني بحيث يدمجون المهارات مع بعض وبأسلوب حلو. يعني طريقه التدريس أبهرتني فيها ألعاب وأنشطة وبنفس الوقت يقيمونك بدون درجات وقلق. وفيه أنشطه ورحلات بعد الدوام بعضها برسوم وبعضها بدون.
وممكن يرتبون لك السكن لان عندهم خيارات سكن المعهد أو هوتيل أو مع عائله أو أذا مع عائلتك ممكن تكون بسكن مستقل.
بخصوص قبول المعهد اللي استلمته عن طريق الايميل لاني مع مرافقي طلبت يكتبوا لي سكن مستقل ومشت اموري بالفيزا بدون حجز سكن من قبل.
وأشوف بعد أغلب الطلاب الاوربيين يجون كم أسبوع ويتعلمون اللغه الاسبانيه وسياحه بنفس الوقت في مدريد أو أسبانيا وصراحه يساعدون على السياحه عندهم خيارات كثيرة للطلاب.
وبالاخير أذكر نقطه الدفع للطلاب السعوديين للمعهد فذكر لي المعهد أن الطلاب السعوديين سعر الدفع لهم ارخص من غيرهم من الطلاب لان فيه اتفاقيه بينهم وبين الملحقيه يعني يزودوني بفاتوره الرسوم الدراسيه لثلاث شهور وازودها للملحقيه حتى تزودني بالضمان المالي للدفع والمعهد يضمن الطالب والدفع من الحكومه. فقيمه الدفع لثلاث شهور للطلاب السعوديين تقريبا ٣٨٠٠ يورو غير شامل السكن والمواصلات. والكتب والوسائل التعليميه من عندهم. أما بالنسبه لفتره قصيره فساءلت طلاب أجانب عن كم دفعوا للمده أسبوعين مثلا تقريبا قيمه الكورسات ١٣٥٠ بدون السكن. ما عندي فكره عن مجموع قيمه الكورسات مع السكن لانه يعتمد على نوع السكن بعد.
وبالنسبه لموقع المعهد في حي سالامنكا بمدريد ويعتبر من أرقي أحياء مدريد وقريب من محطه أفينو دي أمريكا واللي هي من المحطات الرئيسيه بمدريد.
أتمنى أني أفدتكم عن هالموضوع وأي أسئله عن هالموضوع أو الحياه بمدريد أو الإجراءات أنتظرها بالتعليقات.
والسلام عليكم ورحمه الله وبركاته