أرجو المساعدة

العفو ياخوي وماسوينا الا الواجب

الا على طاري الشانز والمطاعم ,,, انتبه من المطاعم بـ فرنسا لان 95% اكلهم موب حلال يعني ماتقدر تاخذ منهم لحم ولا دجاج لان النظام الفيدرالي في فرنسا موب الذبح ,,, فـ دايم اسأل راعي المطعم قبل ما تطلب (ولا تستحي لان الشي ذا عندهم عادي خصوصا ان نسبة المسلمين حدود 15% في فرنسا والسواد الاعظم منهم حريصين جدا على الاكل الحلال)

بالتوفيق اخوي وأي سؤال انا في الخدمة

السلام عليكم ورحمة الله وبركاته
الأخ مباري كفى ووفى ما شاء الله .. بس حبيت أضيف ان في كويتيين كثير يروحون لمدينة ستراسبور عشان يحضرون الماجستر والدكتوراه هناك(حسب نقاش صاربيني وبين وحده كويتيه تبي تحضر الماجستر والدكتوراه في القانون بمدينه ستراسبور ) وهالمدينه معروفه بقوة دراستها وصعوبتها ... وأما راتب المتزوج فهي 2759 يورو (للتصحيح فقط)... واللغه بسنتين كافيه انك تلم بالقواعد وحتى لغتك تكون زينه بس اهم شي أنك تمارسها وبما ان عندك اللغه الإنجليزيه فراح يكون عليك سهل أخذها لأن 60 % من كلمات الإنجليزيه أصلها فرنسي (حسب معرفتي ) ... بالتوفيق

8 8

60% ؟!!!!!!! اسمحي لي اختي بس الكلام هذا مبالغ فيه الى ابعد الحدود ,,, واتوقع انه مايوصل ولا حتى نصف هذا الرقم ولا حتى ربعه

اللغة الفرنسية تتشابه كثير في جذور الكلمات وطريقة استخراج الكلام (ماعرفها بالعربي ) مع الاسبانية والايطالية بـ حكم انها لغات من اصل اغريقي ,,, اما الانجليزي فـ هي اقرب للالمانية اللي اصلها جرماني (على ما اظن) ولا ترجع لـ نفس الاصل لكن هناك تشابه في عدد من الكلمات وبينت بعض منها سابقا

تحياتي

الأخوين: مباري و بحر الشعر
أشكركم لتواضعكم و مروركم ..

بالنسبة للغة الإنجليزية .. أصولها مأخوذة من ثلاث لغات : من اللغة الألمانية 60% نظراً للهجرة الساكسونية لبريطانيا قبل عام 1304م
و من اللغة الفرنسية 35% نظراً لكونها أقرب الدول لبريطانيا و لللعلاقات الملكية بين الدولتين منذ عام 1380م
و من اللغة الاتينية 5% نظراً لاشتقاق اللغة اللغات الأوروبية منها

و أذكر إن بعض الطلاب الفرنسيين الذين كانوا يدرسون معنا .. إذا ما عرفوا أي كلمة بالإنجليزي يقولونها باللغة الفرنسية و تطلع صح مع إختلاف بسيط في الكلمة و النطق .

الأخ مباري .. خلاص غنت حدّد المطعم و أنا أدفع (وش رايك بمطعم العجمي ؟؟)
الأخ بحر الشعر .. سأكون ممتن و شاكر لك إذا جبت لي معلومات من الأخت الكويتية .. وإذا ما عندها مانع أرجو أن ترسل معلومات على إيميلي: (تم حذف الإيميل لأن عرضه مخالف لشروط المنتدى)

و تراك معزوم مع الأخ مباري ..

و الله يوفقنا و إياكم ..

هذا إيميلي : uk_cambridge at yahoo.com

الأخوة الأعزاء:

بعد دراسة اللغة لمدة سنتين مثلاً .. هل الجامعات الفرنسية تشترط على طالب الدكتوراة مستوى معيّن في اللغة .. أو تطلب درجة معينة في الإختبار (مثل اختبار التوفل أو الآيلس) .. أو بمجرد دراسة اللغة في الجامعة لسنتين يلتحق الطالب مباشرة على البرنامج.

أرجو التفاعل و المشاركة في الإجابة كعادتكم يا أهل فرنسا .

اكرمك الله ياخوي kalee ومشكور على الدعوة

حنا يا طلاب البكالوريوس يطلبون منا سنتين لغة همن ندرعم لـ الجامعة والاطباء يشوفك بروفيسورك ويجيزك ولا يرجعك لـ المعهد
اما انتم يـ القانون وضعكم غير ,,, اللي اعرفه ان الطلب الطبيعي هو مستوى B2 بس انا اعرف واحد يحضر دكتوراه ادب في السوربون طلبوا منه C1 وهذا المستوى يقولون انه صعب حتى على الفرنسيين (انا دخلت الجامعة وما وصلت له)

طبعا الاختبارات اسمها
اختبار delf وهذا فيه مستويين A1 و A2
وبعدين dalf وهذي فيه 4 مستويات B1 و B2 و C1 و C2
والـ C2 هذا اعلى مستوى في اللغة الفرنسية (وحتى الفرنسيين مستحيل ينجحون فيه ويقولون انهم يطلبونه لـ الكتاب الصحفيين الاجانب بس)

الله يوفقك ياخوي

تحياتي

سؤال أخير .. ( بس ما هو وعد يكون الأخير ) ..
كم يبي لي حتى أجيب B1 و B2

مثلاً:
اللغة الإنجليزية فيها 7 مستويات : من Biggener إلى Advance
و تقريباً تحتاج إلى 3 أشهر لكل مستوى .. يعنى سنتين و لغتك ممتازة إذا كنت مجتهد.
لكن كيف الوضع في فرنسا ؟

و إذا تعرفون أحد يدرس قانون .. تكفوووووووووووووووون .

وينك يا بحر الشعر :
تكفى ترى تكفى تهز الرجاجيل ... و لولا ظروف الوقت ما قلت تكفى

اخوي عندي سؤال مهم

كيف طلبت تحويل بعثتك لفرنسا ووافقو ماشاء الله ؟ بدون ماتجيب قبول دكتوارة ؟

لاني انا لما قلت لهم هالكلام بالملحقية ببريطانيا
قالو لازم تجيييين قبول دكتوارة ؟
وهل اقدر احول الدولة وبعدين اجيب القبول ؟

الله يرضى عليك التفاصيل لترقية البعثه لأن وضعي زي وضعك
ابي اغير الدوله للدكتوارة وحاليا ادرس ماستر ببريطانيا


مشكور وبالتوفيق

أكرّر طلبي ...

سؤال أخير .. ( بس ما هو وعد يكون الأخير ) ..
كم يبي لي حتى أجيب B1 و B2

مثلاً:
اللغة الإنجليزية فيها 7 مستويات : من Biggener إلى Advance
و تقريباً تحتاج إلى 3 أشهر لكل مستوى .. يعنى سنتين و لغتك ممتازة إذا كنت مجتهد.
لكن كيف الوضع في فرنسا ؟

و إذا تعرفون أحد يدرس قانون .. تكفوووووووووووووووون .

وينك يا بحر الشعر :
تكفى ترى تكفى تهز الرجاجيل ... و لولا ظروف الوقت ما قلت تكفى