أسئلة وإستفسارات عن الدراسة فى روسيا

على العموم تشكر ويعطيك العافية على تواصلك ...

السلام عليكم ورحمة الله وبركاته ..
صباح الخير اخواني ووخياتي ..

فعلاً يالربع احنا محتاجين معلومات عن هالدوله الي بردها يطق بالعظام .. ارجوا من الاخوان الدارسين هناك مساعدتنا في هالموضوع إذا ماكلف عليهم .. انا ناوي ادرس في روسيا ومحتاااار حدي وكذالك متردد وانا للحين جالس استخير بس باقي ناس استشيرهم فرجائي الخاص من عنده شي يفيدنا لا يبخل على اخوانه وله منا خالص الدعوات ..
ولكم مني وعد ان شاءلله اذا طلعت لروسيا وكتب الله الامر اني اغرقكم بالمعلومات الممله بعد عن روسيا بيجب لكم حتى كم عدد البنايات في فيها وكيف اشكال لوحات محلاتهم وبعد لو تبون بسئل كل روسي عن نسبه واصل وفصله ( تراهم تهجين مب 100% ) واكرهكم في شي اسمه روسيا من كثر الي بقوله لكم عنها لا وبسوي لي بعد هناك وكاله خاصه في خدمة الشباب المستجدين والي ناوين يدرسون واجيب لهم القبول بس بشرط الي يجي يجيب لنا معه قدر كاتم وكم ضب علشان مرقت الضب يمدحونها بالبرد .. على العموم مالكم بالطويله .. انا عندي تساؤلات وش كبرها تملى لها صندوق تتسن غماره ..

يلاا بسم الله نبدأ ..

اول شي يالربع انا قصتي مع هالثانويه قصه <=-=- ترى للحين مااخذ شهادة الثانويه ..

قصتي فيها اني لحد الآن ماتخرجت من الثانوي حدي ثاني ثانوي والحمدلله قنوع منيب طماع

وانا سالفتي مع صالص صانوي الله يخارجنا منها سالفه .. يلاا بينا ليها

اول سنه انسحبت من اختبارات ثالث لظروف وفاة والدي الله يرحمه لان وفاته حصلت قبل الاختبارات بثلاث اسابيع تقريباً .. وعديناها قلنا ان شاءلله السنه الجايه (اشد عزم ) :117: واعديها ولكن الحين دخلنا في السنه الثاني ويوم قربت الاختبارات وتجي ظروف خاصه طارئه وتفركش الدعوه قلنا ياولد انسحب انت تبي نسبه والحين مالك امل قلنا إن لله وإنا إليه راجعون الله يكتب الي فيه الخير .. وندخل ثالث سنه وتجي الاختبارات والامور كلها الحمدلله زينه وتجي امور وتفركش دخولي الاختبار قلنا الله يكتب لنا الاجر عسى ان تحبوا شيئاً وهو شر لكم وتجي السنه الرابعه الي انا فيها الحين وانا داج هاج للحين يعني انا الحين رابع ثالث ثانوي<=-=0=0 حشا ماصارت ثالث ثانوي صارت جامعه ثانوي والله . ::105: فقلت ياولد انت مادامك طالع لروسيا بإذن الله انت كذا كذا يبي لك سنه خارج الجامعه وهي حقت اللغه ( سنه بحيث اتقن اللغه بإذن الله لان دراستي الي ناويها طب) اطلع الحين وادخل معهد لغه وادرس واذا بدت السنه الدراسيه الجديده(ثالث ثانوي) قدم على المدراس السعوديه بموسكو وااذا رفضوا ارجع قدم في مدرسة في السعوديه تدرس بنظام المنازل واجلس ادرس اللغه الروسيه في روسيا واذا جت فترة الاختبارات ارجع للسعوديه واختبروبعد كذا ارجع اكمل دراستي في اللغه لحد مااتجاوز موضوع اللغه وعلى كذا اكون استفدت من وقتي بدل الضائع وعلى بال ماتخلص دراسة لغه تكون اخذت شهادة ثالث ثانوي على كذا ارجع للسعوديه وأسلم على عجوزي(الله يخليها لنا على طاعته) وابوس رجولها واتونس معها واقدم على وزارة التعليم العالي بطلب الموافقه على الدراسه على حسابي الخاص واذا اختذتها بإذن الله اطلع لروسيا واقدم على الجامعه الي ابيها وادخل في الدراسه مباشره بدون ماادخل مسألة دراسة اللغه لانهم بيدخلوني اختبار يحددون مدى فهمني للغه ومقدرتي على الانخراط في الدراسه الجامعيه واذا دخلت الاختبار ابدددددددددددددددددع فيه( لاني دارس سنه لغه ماعندي غير هاللغه سنه كامله وانا اقرق فيها الين حفظتها ) وبكذا اكون اختصرت وقتي الي راح يضيع مني لو درستها هنا في السعوديه بنظام منتظم بتكون هذي سنه وبعد كذا اطلع روسيا وادرس سنه لغه تكون كذا سنتين من الان فتعتبر هذي شي كثير بالنسبه لسني الآن وعلى كذا ماراح البس البالطوا الابيض والسماعه الا اذا صار عندي احفاد بسم الله عليهم .. فأنا اتمنى من الي عنده معلومات يحب يقولها لي في طريقتي هذي فأرجوكم ترى انا فعلاً محتار جداً ولا ادري وش اسوي اخاف ان الامور ماتجي على كيفي فأتمنى تنزلوا اقتراحاتكم ومشاركاتكم حول كلامي ولكم مني في آخر هالليل دعوات ان الله يوفق كل طالب سواً طلع او في الانتظار وان ييسر امره ويرزقه العلم النافع ويعصمه من الدشير والداشرات :92: وان كان اي شخص في باله صياعه وهياته ان يصرف امر خروجه عنه ويعوضه خير منه ويهدي قلبنا وقلبه للخير والصلاح ويعصمنا من الضياع والدشاره .. هاه وش تبون ازين من هيك دعوه من القلب ..

على فكره حبيت اعطيكم معلومه الي يشوفني بيقول وش ذا الداشر الي ماعنده بالدراسه شي .. ترى انا الحمدلله من بداية تعليمي الابتدائي وانا متفوق إلى حد ثاني ثانوي وانا ترتيبي من الثلاث الاوئل ..(لاتنسون ان الثلاث الاوئل اجانب وانا مدخل نفسي بينهم) بس هذا الي كتبه الله والحمدلله على كل حال ..

ووالله العظيم اني خايف ان حماسي وموهبتي للدراسه تروح وتتعرقل اموري ..
<=-=-=- ترى مخترع نظام في nlp وهو في ثاني متوسط والاستخبارات البريطانيه مجمعه خبرائها علشان يسوون برنامج ولا طلعوه الا في اوئل الالفيه وحطوا عليه برأة إختراع مادروا اني ماشاءلله سابقهم عليه وانا في ثاني متوسط يعني قبل مايطلعونه تقريباً بسنتين خخخخ قولوا ماشاءلله لا تطقوني بعين .

على العموم آسف فعلاً على الا طالعه ولكن تحمول اخوكم الصغير شوي .. وياريت تسألون لنا عن دراسة طب وهندسة الكترونيه في نفس الوقت هل يقبل فيه التعليم الروسي ولالا يعني يوافقون لي على هالشي ولالا ...

آسف والله اني مصختها من جد بس فعلاً sorry

اخوكمــ ومحبكمــ التختور فيصل :32: ( على فكره ترى نسيت اقول لكم ترى اعرف اطق الظهر عن الابهر(احط كوعي على العرق وافعصه بقوه وهو يطق) وبرضوا الي معه حرقان بماعدته ( اصرف له سويدا وعسل مع حليب نياق يشربها على الريق)والي عنده قرحه( اعطيه حلبه )و اذا عندك فقر دم ترى اصرف لك دواء ممتاز( علاجه عصير طماط السعوديه).. هذي الاشياء حالياً بس ان شاءلله اذا اخذت شهادة التختور اطور ادويتي وازين اموركم .. <=-=- غشمره

مصلامه .. :90:

كح كح !!
خمس أيام ولا صار تفاعل ولا شي ..
اقل شي كلمه ولو جبر خويطر .. مب خاطر ..

مصلامه

الله يعطيك العافيه ويوفقك

في حالة ذهبت للدراسة في روسيا هل ممكن الحاقي بالبعثه وانا لاازال ادرس بمعهد اللغه؟؟؟ يعني قبل البدء بدراسة الطب في الجامعه؟؟

وش القصه ..

واحد يقول السنه التحضيرية بـ 1000 دولار + 250 ..

والثاني يقول 2000 دولار ..

أيها الصحيح ...؟؟؟؟؟؟؟؟؟

هل بالامكان ان اخذ السنة التحجضيرية في اوكرانيا ؟؟؟
وكيف الانتقال الى روسيا

السؤال الثاني ماهي افضل جامعة لطب الاسنان من ناحية الاسعار

لمتحكم او الكنترولر ما شفنا حتى بعد ارسال رساله خاصة له
الغايب عذره معه عساه بس يكون بخير

معلومات قيمة ياليت لو تتواصلون

موضووع مميز مشكوررررين