اللي عندنه استفسار لي ايطاليا ...

بالنسبة للدراسه يختلف شنو نوع التخصص اللي راح تدرسه . طبعاً في هالدنيا ما في شي صعب اذا كان عندك هدف .

السكن متوفر في اي منطقه في ايطاليا واذا حاب تختصر على نفسك الجامعه تقدر توفر لك سكن لطلاب .

المكافئه تكفي والحمد الله . بس يبلك تحدد مصاريفك عشان تمشي امورك .

طبعاً اغلب الجامعات بالايطالي بس موجود بالانجليزي .

وان شاء الله تكون اجابتي مفيدة لك تحياتي لك وبالتوفيق

الله يعافيك .

والله حالياً الملحق الثقافي راح يشوف هل الامر بس يفضل انك تدرس بالايطالي عشان تتعايش مع الايطاليين .

انا عندي علم بجامعة بكوني في ميلانو هذي معترف فيها وفي منطقه قريبه من ميلانو اسمها بافيا واسم الجامعه بافيا

اما روما في عندك جامعة لاسبنزا وجامعة تورفيرجاتا بس ان شاء الله التخصص اللي تبغى موجود.

انت ادخل على موقع الجامعات وابحث عن التخصص اللي تبغى وان شاء الله تحصله

وان شاء الله تكون اجابتي مفيدة لك تحياتي لك وبالتوفيق .

في كثير معاهد تدرس اللغه الايطاليه وأفضلها بيروجيا في تدريس اللغه الايطاليه . جامعة سيينا للاجانب تدرس اللغه الايطاليه .

بخصوص انضمام ايش..؟؟؟ .. يكفي قبول المعهد اذا كانت عندك فيزا دراسيه وبعدها اول ما توصل البلد تقدم على اقامة ايطاليه . وبعدها تختار الجامعة اللي راح تدرس فيها بعد انتهاء كورس اللغه الايطاليه أو الانجليزيه وتجدد الاقامة بشكل سنوي والامور سهله ماهي صعبه .

مثل ماقلت جنوة أو تورينو أو ميلانو انت ادخل على مواقع الجامعات وشوف التخصص وانت استفسر من الملحق هل هي معترف بها أو لا .

اما من ناحية السكن يختلف على حسب السكن اللي انت تحتاج سواء كان نظام استيديو او شقه وعلى كم عدد الغرف اللي انت تحتاجه . ويختلف من منطقة الى منطقة يعني مثلاً السياحية مثل روما او فنيسيا او ميلانو شوي تكون اغلى . اما المناطق الثانيه تكون رخيصه .. يعني عندك السكن من 500 يورو الى 1000 يورو على حسب الخدمات الموجوده .

وان شاء الله تكون اجابتي مفيدة .. تحياتي لك وبالتوفيق