استفسار طلاب المجر وبولندا وسلفاكيا ... والجميع مسااعده عااجله الله يوفقك

ولا جتى رد واااحد ... الله يساامحكم زعلتوني

حرااام عليكم .. والله اني تفائلت فيكم خييييير .. لا تردووني

هلا اختي بالنسبه للدراسه في الخارج اذا كنتي ناوي تطلعي على حسابك أول شيئ لازم يكون عندك لغه اذا ناويه انك تلتحقي في الجامعه مباشره لأنه الجامعه في المجر وخاصه في مدينة دبرسن السنه التحظيريه ما فيها مادة انجليزي وزارة التعليم العالي متعاقده مع معهد انجليزي في دبرسن ندرس كذا 5 شهور ونخضع لي اختبار اسمه First cerificate english من جامعة كامبرج والنجاح من 70 وفوق والتسجيل يكون عن طريق موقع الجامعه ما عندي معلومات وافيه عن التسجيل ورسوم الدراسه لكن الدراسه تبتدي في سبتمبر والأن شهر يوليو وبعده اغسطس ومن ثم سبتمبر يعني الوقت مره ضيق عليك عموماً اذا لغتك ممتازه ما يحتاج معهد والجامعه ما تشترط ايلتس او غيره وإذا حابه تدخلي سنه اولى طب مباشره دون دراسة السنه التحظيريه في هالجامعه تقدري في اختبار يقام قبل الدراسه بأسبوعين كذا يصادف شهر رمضان الاختبار قسمين شفوي وتحريري التحريري يشمل الكيمياء والفيزياء والاحياء والشفوي الاحياء اجباري وعندك حرية الاختيار بين الفيزياء والكيمياء الاختبار الشفوي فقط في مادتين وبالنسبه لي الإلحاق بالبعثه لي زميل درس 7 شهور وإلحق بالإبتعاث وزوجك لما تلتحقي بالبعثه ممكن يدرس اي تخصص وبالنسبه للتكاليف المعيشه 2500يورو كل شهر تكفيكم للأكل والسكن والنقل وغيره وممكن اقل انا استلم 1800 يورو اوفر احيانن ما بين 700 الى 1000 يورو شهرياً
1800 يورو =9500 ريال سعودي

والدراسه في الخارج ممتازه ولا سيما انك انتي وزوجك بتطلعون مع بعض فالأمور ان شاء الله اسهل يعني تساعدون بعضكم البعض ولا تحسون بالغربه والدوله أمان
وممكن كل الي بتصرفون قبل الإلتحاق بالبعثه فقط 200 الف ريال وممكن اقل او اكثر هذا انا مقدره لكن مش بعيد عن هالمبلغ
بالتوفيق

بس لغتي في الأنجليزي عااديه ... كأي احد يتخرج من مدارس السعوووديه ...

يعني لغتي مش ممتازه ابدااا ... صحيح اني درست سنه تحضيريه في السعوديه ولاكن لغتي مش ولا بد ...

يعني ارووح معهد هناك وادرس فيه سته شهور... وبعدين اخضع الى هالاختبار .. وبناء عليه ادخل الجامعه كان كويس ذخلت كان سيء طردووني ...

طيب لو قبلوني على طول انضم الى البعثه ....

كـأأأأن مبلغ 200 الف كثييير ..و لا عاادي

معقووله نصرف 2500 يورو في الشهر ... اذا 1800 تعادل 9500 سعودي ... ماتوقع نصرف هالمبلغ خلال شهر

طيب وكيف انضم للبعثه ... وبعد كم ..؟؟؟
معليش اختكم في الله متلخبطه امورها وماعاد ادري وش اسوي

وش في المنتدى كذا نااااايم هذا وانا جيت بعد مانصحووني فيكم ...

وووينكم ياااااااااااااااجماااعة الخييير

انا سبق وقلت لك ممكن تصرفين في شهر اقل من 2500 يورو لكن لازم يكون عندك مبلغ احتياط وبالنسبه للغه خلاص اذا تشوفي نفسك مره تعبانه انضمي للمعهد
وبالنسبه كيف تلتحقي بالبعثه اول ما توصلين الدوله الي ناويه تدرسين فيها تفتحي ملف لك في الملحقيه الثقافيه وممكن تسئلي الي ادرسوا على حسابهم كيف قدموا هل عن طريق النت او ذهبوا الى الملحقيه شخصياً
وبالنسبه للمد حتى تلتحقي سبق وقلت انه زميل لي درس 7 شهور 4 شهور لغه و3 شهور مدة السمستر الأول وتم إلحاقه ومبلغ 200 الف ريال انا ذكرتها لأنه عليك تدفعي رسوم المعهد ورسوم الجامعه لك ولي زوجك وايضاً تأمين طبي لك ولي زوجك
والشقه لازم تدفعي مبلغ للشهرين اول ما تسكنين الي هو deposit حتى لما تنوين تطلعين من الشقه وفيها حاجه تم كسره او اي شيئ من هذا القيل ينقص من هالمبلغ واذا الشقه سلمتيها مثل ما اخذتيها تاخذين فلوسك كامله و تذاكر السفر
والاشياء الي ذكرتها اكل ومواصلات و وايضاً فواتير الماء الكهرباء الغاز تدفيعن كل شهر و النت واشياء كثيره رايح تعرفينها لما توصلين يعني هناك حتى مواقف السيارات تدفعي فلوس صادفني حاجه غريبه من طريقنا العاصمه بودابست الى دبرسن اول ما استقبلتنا الملحقيه حتى تودينا مدينة الدراسه وقفنا في محطة ذهبت للدورة المياه اعزكم الله ودخوله بفلوس

شيئ اخر اوضحه لك الجامعه ما تعمل اختبار لقياس اللغه الانجليزيه للطلاب الي يسجلون فيها اهم شي يدفعون الرسوم ولما يخشون الجامعه ولغتهم سيئه ما رايح يمشون فيها وصادفت اكثر من طالب من ايران او تركيا انجليزيته مره ضعيفه في السنه التحظيريه لكن رايح يفشل قدام لأنه السنوات القادمه في اختبار شفوي التحظيريه ما فيها

اخوووي صراااحه ماااقصرت والله يعطيك العااافيه .. تعبتك معاي ...

والله يجعله في موازين حسنااتك يااااارب

بس انا برووح وبدرس في المعهد لوحدي ولما تجيني المنحه زووجي بيدرس على حساب البعثه ووالله والله ماقصرت

بس سمعت اني لازم اخد موافقة موقع البعثات في الرياض واخد قبولهم وبعدها ارووح عشان يسهل علي احصل على المنحه

على العموم انا احتمال ارووح في شهر صفر او ربيع الاول .. وحاسبه اني ادرس في المعهد سته شهور بهدها اخد قبول الجامعه ولو في مكاتب تضمن لي القبول يكون افضل