لكي لا تضيعوا في معمعة المواضيع هنا Dr.h88 نجيب على اسئلة الطلاب المقبولين الى المجر

السلام عليكم ورحمه الله وبركاته
كل عام وانتم بخير وعيد اضحي سعيد على الجميع
اخوكم انقبل ببعثه للمجر بالطب وربي ما ادري وين الله حاطني.
واني مشوش ومادري اروح البعثه ولا لا بسبب الدوله اللي هي المجر
اولا نزل اسمي بالجريده وقالوا نحضر ملتقى
وعندي اسئلة كثيرة جدا : وراح يتعب اللي بيجاوبني وان شاء الله يتحملني سواء كان الدكتور اتش ولا المجري ولا بدوري
وله دعوه بظهر الغيب الله يوقفكم وسدد خطاكم
اسئلتي::::::
1)كيف دراسة الطب بالمجر هل هي قويه؟ ومعترفه فيها(((( تنصوحي اروح ولا لا))))))
2)أكمل طب بالبرنامج الموحد بجامعه الملك سعود اول سنةولا اروح المجر وانا متطمن؟

3)الجامعات الزينة بالمجر وش هي ؟؟؟ وهل هي بالعاصمة ولا لا
4)شعب المجر كيف هم؟ ((((( رجاجيل ولا ماعندك احد)))))
5) بالنسبه للقبول انا ادور عليه ولا الوزارة تجيبه لي؟؟؟؟ واذا كان انا اجيبه كيف؟
6)بالنسبة للفيزا اطلعها انا ولا الوزاره ؟ وهل الافضل اني اطلعها الحين بعد اجازة عيد الحجبدون ماتقولي الوزارة؟
7)الدولة رخصيه ولا غاليه ؟
8) بالنسبة للسكن يكون وين بسكن الجامعه؟
9)وش هي الاوراق اللي احتاج اترجمها؟ من اهم الاسئلة
10)متى نبدا الدراسة لو سمتحوا؟؟؟؟؟؟
11)جامعة سمايل وايس تدرس سنة تحضيرية بعد دورة الانجليزي وبعد كذا اذا مانجحت ارجع السعودية اذا كان الموضوع كذا فجامعة دبرستن افضل واذا ماكان كذا فهموني
12)المجر ذي برد مرة بالحيل
مشكورين واعتذر عن الاطاله لكن وربي اني متوهق ولو اني ماعديتكم مثل اخواني ماسالت
اتمنى تجاوبني على كل الاسئلة تكفون يالغاليين والله يوفقكم بدراستكم
((( ادري بتقولون مشاكل ذوله المستجدين)))) بس مشوا حالكم
بالنهاية تنصحوني اروح المجر ولا لا ترى مستقلبي بين ايديكم.تكفون
والله يجازيكم بالجنه مع هذا الوقت الفضيل. ويرزقكم شووفة وجه الله وبالتوفيق لكم في اختباركم

http://mbt3th.us/vb/showthread.php?t=34617

اتفضلوو ياجمااعه الي راحين على المجر وهما في الشرقيه الملتقى حيكون بس في الرياض وجده
ابدو احجزو من الحين

والله يووفق الجمييع ياااارب

قهر والله قهر ليش ما خلونا كلنا في مدينه وحده انا من الرياض عادي لو حطوها بجده ما تفرق معي

<--------- يا حبك لايسكريم المهند بحي السلامه والرحاب خخخخخخخخخخخخخخخ


يعني لو خلوها بجده كلنا استفدنا جو دافيء وتمشيه حلوه لمدة اسبوع

هههههههههههههههههههههه ايس كرييم المهند
ذكرتني بأيام المدرسه كنت ساكنه في السلامه ههههههههههههههههههه

ياحليلها ايام حلووه

يلا بس اهم شي تقولولنا ايش سويتو في الملتقى انتو قبلنا وياليت تسوي يا اخوي z4a تقرير كامل عن الي سار في الملتقى عشان نستفيد وايش الاسئله الي طرحت

وشكراً

عن التقرير لا تخافوووون ابشروا بالتقرير اللي يحبه قلبكم



يالله اجل نشوفكم في مطار الملك عبدالعزيز قبل رحلة المجر :d

يا شباب ابي موقع جامعة دبرسن

السلام عليكم ورحمة الله وبركاته يا شباب كيف اقدم على جامع دبرسن
أبي رابط Application للتقديم ما وجدته.