فازير أوتسا-دبرسن- المجر--برعاية الماس وَ وائل.

طيب يعني اذا زادت الشنطه عن 20 كيلوا ياخذون على كل كيلو زياده كم؟

أظن 96 ريال على كل كيلو , خلنا نقول 100 ريال .
بس ياشباب بلييييييييييييز أعيد وأكرر انتبهوا للننقطة هذه اوكي .

آمين يـــــــــــــــــــــــــــــــــــــــــــــــــ ــارب العالمين

الله يوفقكم ......

عساكم على القوة وجاينكم بالاسئلة المنهمره عليكم


برب

نحن مستعدين لأي سؤال حاضرين للطيبين

واحنا حاليا نجهز ملف فيه الصور عن المجر ومن تصويري ...
انتظرونا.

وعليكم السلام يا دكتور هـ 88 .:121:
لا مانسينا بس وقتها كان نايم القصير وسقط سهوا
لاتزعل لاعلينا :94:


نحياتي

الماس

ياعمري على التفاعل....................................

وتعالوا بعدين وقولوا حنا اللي مانجاوب

السلام عليكم ورحمة الله وبركاته

اخوي الماس والله انا عارف انو ما في تفاعل وانا اشوف انو انتا مشاء الله عليك متفاعل وتبي تساعد الكل وها انا الحين جيتك بكم هائل من الاسألة يلا خليك معي وجاوب ززززززين:
1- كم سنة الدراسة في المجر وهل بعد سنة التوفل ندرس سنة هلثنق ساينس وبعدها طب ولا ع طول بعد التوفل ندرس انجليزي؟

2- اش الاوراق والمستندات إلي لازم اجهزها عشان ما اتأخر عشان انا ابي اسافر بسرعه وما ابي اتمرمط؟

3- فين السكن هل في أستيودنت هوم ولا شقق انتا تستأجرها؟

4- كيف المكافأة تكفي ولا يحتاج ابوي يرسلي وكيف المعيشة هناك هل هي غالية ولا رخيصة؟


يلا حبيب قلبي جاوب وخذ راحتك في الاجابة ,,,,,,,,,,,,,,,,

محبكم:أحمد

الوو
الوو

مدري فيه صوت....؟
اها اوك

السلام عليكم والرحمه...

:119:
ابارك لكل المبتعثين الجدد وعئبال الدكتوراه<=مستعجل مره

اسف على تأخري بالمشاركه في الموضوع لظروف خارج عن الاراده<=يسمع بالفلسفه
مشكور حبيبي الماس على تفاعلك والتغطيه الجباره<=من معي..؟

الموووهم كيفكم انشالله بخير



انا قرأت بعض المواضيع الخاصه بدولة المجر ولاحظت ان الطلاب متسرعين ومتخوفين وكيف ..؟ومتى..؟
تذكرت نفسي اول ماالله اكرمني بالبعثه..وللاسف ماكنت عارف عن موضوع المنتدى (بالمناسبه....الله يقويكم اصحاب المنتدى ويعطيكم الف عافيه...من يسر على معسر يسر الله له بالدنيا والاخره)
وكنت اسوي كل اجراءاتي بجهد شخصي ولا عرفت احد من مبتعثين المجر الا يوم وصلنا بطيارة وحده هنا....بالعربي تبهدلت بهدله بس الحمدلله وصلنا للهدف







ما اطول عليكم انا ومقدمتي الثقيله على كبودكم....



الموضوع طرح على اساس مسعادتكم لانهاء اجراءاتكم بالسعوديه
والشي الثاني اللي بيعرف انه بمدينه دبرتسن يسنتر هنا وبيلقى المعلومه اللي يبغاها انشالله







فكره عن دوله المجر..
طيوبه وحبوبه وياحليلها ومره كيوت


دبرتسن....
على قولة الشاعر:قيس يغني على موال ليلى وكلن يغني على ليلاه(و)
البيت كذا صح...؟

لا اسف بس كنت اكح






انا بتكلم شوي عن دبرتسن اذا تسمحون لي اهم شي الصوت واضح.....؟


الشعب حاله بحاله يعني طيبين ولا احد يقولك وين رايح
يكثر الطلاب الاجانب بحكم ان المدينه تعتبر جامعيه هذي ميزه مره حلوه بالمدينه



الجو تقريبا انتم راح توصلون بالسلامه انشالله بعز فصل الشتاء
يعني كل واحد يجيب الزلاجات معه يقولون الثلج هالسنه خيالي:112:

وراح يستمر لمدة ثلاث شهور تقريبا من تاريخ وصولكم وراح تلحقون فصل الربيع وبداية الصيف قبل بداية الاجازه الدراسيه


المعيشه والسكن
تعتبر المعيشه اغلى من السعوديه لكن مو ماااااره يعني شوي
نعطيكم امثله
1.سعر علبة المويه ام ريال هنا تقريبا ريالين ونص
2.يوم تروح تطلب وجبة من ماكدونالدز بالسعوديه حدها 15 سوبر سايز بعد
هنا تقريبا من 20 الى 25
3.للمدخنين فقط كح انشالله مافيكم من يدخن بس اذكرها لفرق السعر قرابة ال12ريال:101:

.........الخ

ذكر صقيقي الصقوق ان المكافأه 1300يورو يعني تقريبا 6000ريال سعودي هذا اذا كان اليورو مرتفع:120:
المكافاه تكفي الحمدلله لسكنك ومعيشتك ويبقى زياده على حسب(اذا انت قعيطي مثلا)تكفيك شهر وكم يوم:109:




بمناسبة احد الاخوه سال عن السكن كيف بالسكن الجامعي او لا
يوجد سكن جامعي واذا ماتبي سكن جامعي ممكن تستاجرلك شقه او بيت او تشتري من مره يعني اذا كنت ولد نعمه :121:



السكن الجامعي اسعاره متوسطه يعني مو غالي مره ولا رخيص مره
تبون نحسبها مع بعض....؟
1300يورو مكافاه - 320يورو سكن تقريا=980يورو مصروف شهري يعني حلو:110:

طبعا تأمين سكن قرابه 500يورو واذا طلعت تاخذه:115:


وبالمناسبه اللي بيسكن بالسكن الجامعي يعطيني خبر احجزه من الحين عشان يوصل ويلقى سكنه جاهزه يقولون عندهم زحمه هاليومين...

انتم اسالوا الملحقيه الثقافيه ممكن هم يحجزون لكم لاننا اول ماوصلنا لقيناهم حاجزين لنا الله يعطيهم العافيه ماقصروا والا كان رحنا سكنا بفنادق وغالية وتبهدلنا

السكن الخارجي يعتمد على حسب فيه الغالي وفيه المناسب

احنا اول ماوصلنا سكنا بالسكن الجامعي وعرفنا البلد زين وبعضنا نقل لسكن خارجي وبعضنا موجود بالسكن الجامعي

كننا طولنا بسالفة المعيشه والا...؟




صح نسيت شي....
يقولون التمر السكري نزل ويقولون ياحلوه هالسنه هذي صدق هالكلام والا لا...؟
يقولون انكم بتجيبون لي سطل تمر سكري معكم
لووووووووول


لا بس شفتكم تحمستوا بموضوع السكن قلنا نشتت افكاركم شوي



وش باقي بعد...



يكفي كذا صح....؟



عموما لاحد يبخل بالاسئله حنا بالخدمه
وانشالله راح نستمر بكتابة المزيد ,,,





تحياتي
عنتر بن شداد .

سلام,,,,,,,,,,,,

طيب يا وائل انا ما جاوبت ع اسألتي طيب لييييييييييييييييييييييييييييييييييييه

يلا جاوب بسرعه انا زعلان منك هع هع هع هع

محبكم: أحمد

معليش نسيت اشكر كل المتفاعلين مع الموضوع
وعلى رأسهم اداري ومطور الموقع يعطيه الف عافيه تحمست حسيت اني مهم




هلا وغلا ابودحيم
لا شدعوه مانقوى على زعلك يالغالي
اقوووول
لا تسوي شرير زين...؟
تراني مشكلجي يعني هه كيفك انتبه
خلاص
نتسامح
<==مده اصبعه الزغير:93:





بالنسبه لسؤالك
1- كم سنة الدراسة في المجر وهل بعد سنة التوفل ندرس سنة هلثنق ساينس وبعدها طب ولا ع طول بعد التوفل ندرس انجليزي؟

انا بجاوبك بنفس اللي صارلنا احنا وايش درسنا مادري اذا بيغيرون نظامكم انتو السنه هذي

تبي اجاوبك على شكل قصه والا قصيده والا فلم رعب ترا جاهز بس اهم شي ماتزعل:108:



عموما احنا اول ماجينا قالوا يالله تدرسون سنه تحضيريه
ياهوه ياعالم مامعنا لغه كيف مايصير
سوينا اتصالتنا مع الملحقيه<=مسوي مهم الاخ
قالوا خلاص نسويلكم اختبار تحديد مستوى واللي بينجح يدخل سنه تحضيريه واللي ماينجح يدرس انقليزي لمدة 6شهور وبعدين يدخل سنه تحضيري
قلنا مافي مشكله
اللي دخل سنه تحضيري واللي درس انقليزي
اللي درسوا سنه تحضيري الحمدلله نجحوا والحين سنه اولى طب
واللي درس انقليزي
الحين يدرس سنه تحضيريه وانشالله ربي يوفقنا وننجح وندخل سنه اولى طب
طيب تبغى نحسب مع بعض كم سنه ندرس...؟
<===مادري وش سالفته مع الحسابات(لا بس جالس اذاكر فيزياء وفيه مساءله بقانون فيثاغورس ومسكت معي حسابات)
يالله نحسب مع بعض
6 شهور انقليزي
+
سنه تحضيري
+
6سنوات طب
-
سنه امتياز بالسعوديه
=
6سنوات وست شهور دراستك انشالله
:89:
شوووو هيك حلوو والا مش حيلوو..؟

على فكره لاحد ينسى يجيب معه كتاب الكيمياء حق ثالث ثانوي والفيزياء ترا تستفيدون منه بشكل مو طبيعي لان بالسنه التحضيريه بتدرسون اغلب اللي درستوه بس بالانقليزي يعني ومانيل المطالب بالتمني اذا كان رفيق عسل لاتلحسه كله وسلامتكم



عموما اكرر واقول انا اتكلم عن طلاب جامعة دبرتسن
بودابست وسجد ماعندي فكره واضحه عنهم بس يقولون درسوا انقليزي واللي معه لغه دخل سنه تحضيري بدال مايضيع وقت يتعلم انقليزي ثاني مره


اتمنى الاجابه شافيه ومفهومه مااااااااااااره




2- اش الاوراق والمستندات إلي لازم اجهزها عشان ما اتأخر عشان انا ابي اسافر بسرعه وما ابي اتمرمط؟

حاول تراجع الوزاره تعرف منهم ايش الاجراءات اول بأول
وهل تقدر تروح تخلص الفيزا حقتك من الحين او لا
اذا قالوا روح السفاره
بوجهك لا يردك الا العسكري اللي نايم قدام باب سفارتهم وخلص امورك هم بيقولون لك وش الاوراق المطلوبه عشان تخلص الفيزا
وبالنسبه لاوراق الوزاره يعني حبذا انك تترجم شهادة الثانويه حاليا
وفيه فحص طبي وفيه شهادة البصمه الامنيه هذي تخلصها من الادله الجنائيه بالرياض
بس ماتقدر تسوي فحص طبي ولا بصمة امنيه الا بخطاب من الوزارة
عشان كذا اقولك راجع الوزارة شوف وضعك وبلغ زملاءك





نداء:: اللي ساكن بالرياض يروح للوزارة يتلحلح شوي يسألهم ويرد لازملاءه المبتعثين معاه
يسهل لهم لان اكثرهم اكيد مو بالرياض







بالنسبه للسؤالين الباقيات اعتقد اني اجبت عليهم بالرد السابق
بس اضيف لا انشالله ماتحتاج تتصل على الوالد تطلبه دعم شهري بس انشالله تجي هنا وتعرف كيف وضع المعيشه وتضبط نفسك وتعرف كم تصرف شهري والخ
اقول معك سلف....؟ لوووووول






حالة الطقس حاليا في مدينة دبرتسن ظلام ومطر وبرد شويه يعني جو رومنسي وناسه بس كل واحد لابدن ببيته ويذاكر







جايبلكم ملف رفعته فيه كم صورة لمدينة دبرتسن مدري يضبط او لا
الصور الموجوده
وسط المدينه(السنتر)+سكن طلاب الجامعه

http://up1.m5zn.com/aec51605c0.zip.htm

يالله بروح اسوي شي اتعشى




نشوفكم على خير





تحياتي