استفسار مبتعث جديد إلى بولندا

وعليكم السلام..
أنا بعد إن شاء الله أفكر في بولندا
معلوماتي سطحية تقريبًا.. و إن شاء الله أقدر أساعد بالي أعرفه

الآيلتس تختبره في سنة اللغة في بولندا
حسب معلوماتي بعض الجامعات لها اختبار خاص فيها للسنة التحضيرية إضافةً إلى اختبار الآيلتس
وبعضها تعتمد على درجة الآيلتس ودرجات الثانوية
وبعد السنة التحضيرية اختبار يحدد هل تُقبَل في الطب أو لا ..

إذا ما عديت الآيلتس أعتقد تدرس ثلاثة شهور لغة -أو يمكن أكثر- وتعيد تختبره وإن شاء الله تعدّي

مشكووور ماقصرت
وادا حصلت اي معلومه خبرني

مو لازم تجيب درجة الآيلتس قبل السفر, لكن الأفضل تختبر قبل السفر من باب التجربة. يجب عليك تحقيق درجة 5 أو 5.5 للطب أو بعض الجامعات 6 أو 6.5 - هذا على حسب الجامعة اللي إنت راح اتقدم عليها. ومن ناحية متى ؟؟؟ وقت بدأ التقديم للجامعة المختارة. مثلا بعض الجامعات تبدأ في شهى July والبعض الآخر August >>> وبالتالي من شروط التقديم هو إختبار الآيلتس- البعض لا يشترط إختبار الأيلتس


إذا إنت مبتعث للطب - بداية الدراسة راح اتكون في معهد للغة الانجليزية- وفي هذه الفترة يجب عليك تحقيق درجة الآيلتس لأنك راح أتقدم على أكثر من جامعة- بعد الإنتهاء من دراسة اللغة - قد يكون لديك قبول جامعي أو لا - الأفضل لك دراسة السنة التحضيرية تحت إشراف الجامعة - ودراسة السنة التحضيرية لا يعني قبولك في الجامعة و إنما هو مجرد برنامج لتحسين مهاراتك- تنتهي انشالله وبعدين اتقدم على الجامعات وتختبر اختباراتهم ( اختبارات قبول) فد تكون شفهية أو تحريرية وذلك يتفاوت حسب الجامعة- وبعدين انقول لك مبروك على القبول إذا الله وفقك

دراسة المعهد با طويل العمر معتمدة عليك في سنة اللغة !! ليه؟ أي لغة في العالم تحتاج حفظ المفردات عشان تقدر تقرأها وتسمعها بفهم وتتكلم بها... انزين المعهد يخليك تحفظ كلمات؟ طبعا لا - إنما يعطيك الباب و المفتاح وأنت عليك بفتح الباب أو إغلاقه- ومن ناحية القواعد راح تتعلمها بسرعة إذا كنت طالب فضول ويحب المناقشة البناءة أو الإستماع 100% إلا شرح المعلم ( أول ما تجي المعهد راح يختبرونك أختبار تحديد المستوى - يعني يحطونك في اللي يناسبك- والافضل هو الاعلى كرأي شخصي


الإختبارات المطلوبة لدخول جامعة الطب هي تحريرية ( أحياء-كيمياء-فيزياء) وبعض الجامعات لا تختبر الفيزياء- أو اختبار شفهي أي مقابلة و تكون الأسئلة متعلقة بمادتي الأحياء والكيمياء- مستوى الطالب في هذه الإختبارات يجب أن يكون ثانوي وليس جامعي يعني أسئلة عن الخلية والإنقسام والأشياء اللي انخذت في الثانوي

اللي ما عدى اختبار اللغة إما مهمل أو كسول أو لم يحالفه الحظ - إرجاعك للدولة يعني إلغاء ابتعاثك- وهذا قرار بيد الملحقية الثقافية في ألمانيا - ومن تجربة شخصية إلغاء ابتعاثك من سابع المستحيلات ...صدق أو لا تصدق
أعرف البعض الذي انهى اللغة و انهى السنة التحضيرية ولم يحقق درجة الآيلتس !!! ما رأيك؟

لا تخاف و اتوكل على الله - ولكن إعلم أنك لن تبلغ المجد حتى تلعق الصبرا

تحياتي