سؤال وتكفون ابي اجابه عن اختبار الدخول

شباب٧٩ مشاهده و ولا رد انفعونا جزاكم الله خير

للرفع ممكن احد يجاوب

نعم اخوي تدرس سنة تحضيرية مع العلم ان الدراسة تبدا في اكتوبر واختبار القبول لاغلب الجامعات في الصيف يعني ابتداء من ماي الى اوغسطس...
اي خدمة حاضر ي الغالي ...

ايه تكفى
ابيك تعلمني كم النسبه الي يقبلونها اقصد بالثانوي وايش بالمواد الي ادرسها بالتحضيري الله لايهينك
وياليت تعطيني اسم كم جامعه عشين اقدم عليها لان في بعض الجامعات قالولي بدون سنه تحضيريه
وانا اختبرت ايلتس وجبت ٥،٥ يقبلونها ولا لازم ادرس انجليزي كمان
ومشكوور

قدم في جامعة قدانسك تحضيري بدون اختبار قبول

هلاا اخوي..
على حسب الجامعة اخوي مثلاً جامعة وارسو م تطلب نسبة عالية تقريباً بحدود 90 , بالنسبة لجامعات اخرى مثل غدانسك يقبلون الطلاب بالمفاضلة يعني غالباً م ينقبل الا 95 وفوق .
الجامعات المعترف فيها ..
جامعة وارسو الطبية , جامعة غدانسك الطبية , ( وهذي الثنتين م فيها تكدس ) في جامعات اخرى مثل جامعة لوبلن , جامعة اولشتن , جامعة فروتسواف ( بس هذي الجامعات متكدسة على اخر م سمعت ) ممكن تسألهم وتتأكد . في جامعات اخرى م عندي معلومات كثير عنها مثل جامعة يوزنان , كراكوف , ووج .
طبعاً افضل جامعات بولندا هي وارسو و كراكوف .
بالنسبة لمواد الدراسة راح تكون كيمياء , فيزياء , احياء ( بعض الجامعات تدرس فيها مواد ثانية مثل الاناتومي و الفزيولوجي وبعض الجامعات تستبعد الفيزياء مثل جامعة غدانسك ) .
5.5 كويسة اغلب الجامعات تقبل هالدرجة لكن مو كلها . اذا بتضمن القبول جب اقل شي 6 ..
اي شي ثاني اخوي امر...

جزاك الله خير وجعلها في ميزان حسناتك