#بالنسبة لدراسة _طب الاسنان_في بولندا "استفسار"

السلام عليكم
انا طالبه الحين في بوزنان وببتدي هالسنه طب اسنان
انا على حسابي الخاص والملحقيه معترفه بطب الاسنان في بولندا
يعني تجيك البعثه بعد ٣٠ ساعه من دراسه السنة الاولى
طبعا لازم تسجل في موقع الوزارة للدارسين ع حسابهم الخاص ) وفيه اوراق هم طالبينها مثل الفحص الطبي وغيرها
بخصوص القبول عشان تدرس طب الاسنان لازم تختبر اختبار الانترنس وهو اختبار فيزياء وكيمياء واحياء ، فيه اختبار ورق وفيه مقابله بس اتوقع هذا اخر شهر للاختبار ف مالك اللا السنه الجايه طبعا انا اتكلم عن بوزنان اما المناطق الثانيه تاكد متى تنتهي ، واذا انت مو كويس بهالمواد فيك تدخل سنة تحضيريه جدا مفيدة لهذا الاختبار ، اللي اعرفه جامعه بوزنان وهي نفسها اللي بدرس فيها ممتازة جدا لدراسه الطب والدراسة باللغه الانجليزيه طبعا طلبو ايلتس ٦ ونص بس بالمقابله يشوفو كيف لغتك وممكن يقبلوك ، انا بالايلتس ٥.٥ وانقبلت

بس يبي لك تتاكد لاني سمعت ان ممكن يسكرو الابتعاث في بولندا يعني الطلاب الجدد ما يقدرو ينضمو بعثه

ربي يوفقك اخي


( تمت المشاركة باستخدام تطبيق مبتعث )

يسلمو اختي ع الرد ..
وافدتيني كثير والله ..
عندي سوال ثاني ابي اتاكد منه
وهو هل اذا حولت ع حساب الدوله ..
يعني انا سمعت ان اذا حولت ع حسابهم ..
يرجعونلي الفلوس اللي دفعتها للمعهد و الجامعه ..
فهل ذا الشيء صحيح ..؟
واالله يوفقك اختي ف دراستك
والله يعطيك العافيه ..


( تمت المشاركة باستخدام تطبيق مبتعث )

ما يرجعون لك فلوس المعهد واللغه
بس فلوس الجامعه للسنة الاولى اللي دفعتها
ومثلا لو اختبرت ايلتس بعد احتفظ بورقة الدفع يرجعو الفلوس لك


( تمت المشاركة باستخدام تطبيق مبتعث )

اوك يسلموا اختي ..

يعني فلوس المعهد حق اللغه و السنة التحضيرية م يرجعون ..

بس حق السنة الاولى ..

طيب كم تقريبا بتكلفني الدراسة حق السنتين ..

اللغه ف المعهد و السنة التحضيرية ..
والمعيشة هناك كم تكلفني شهريبا تقريبا ..؟
ويسلمو اختي م قصرتي والله .~

ما ادري اذا غيروه الحين او لا
بس انا درست لغه بوارسو ب ١٧ الف زلوتي للسنه وكان يكفيني ٥ الاف بالشهر مصروف يومي ومرات تكفي اكثر من شهر
ودرست سنه تحضيريه في بوزنان ب ١٨ الف زلوتي بس الحين خلوه اغلى شوي تقريبا ٢٠ او ٢٢ الف زلوتي وطبعا المعيشه في بوزنان ارخص من وارسو بوايد


( تمت المشاركة باستخدام تطبيق مبتعث )

بعد اذن صاحب الموضوع...

اختي ممكن لو تكرمتي تقوليلنا متطلبات الفيزا الدراسية لبولندا وكم شهر تطلع تقريبا ومن وين قدمتي اي مدينة ف السعودية

- - - مشاركة محدثة - - -

اذا بتسوي الفيزة اول شي لازم تعبي الابلكيشن من الانترنت وتطبعة عشان يحتاجوه اذا رحت الرياض ، هذا الرابط http://www.e-konsulat.gov.pl/ ، والمتطلبات الاساسيه للفيزا البولنديه هي :
١- خطاب ضمان مالي من وزارة التعليم باللغة الانجليزية
٢- حجز طيران مبدئي من اي وكاله سفر او اذا حاجز تذكرة اخذها معاك بالرياض
٣- حجز فندق مبدئي او وهمي او لو عندك شقه هناك او تعرف احد تاخذ العنوان تبعة
٤- تامين سفر لمدة شهر واحد من شركة التعاونية للتامين او اي شركة تامين اخرى او اي وكاله سفر
٥- صورة من خطاب القبول للجامعه او المعهد المصدقة من وزاره التعليم او احيانا ما يحتاجوها مصدقة

طبعا هالبيانات تجمعها وتروح للسفارة البولندية بالرياض وهذا عنوانهم : حي الورود تقاطع طريق العليا مع طريق الملك عبد الله ، خلف مطلعم هارديز بعد فندق الشريتون وقبل الالكترونيات
رقم هاتف السفاره : ٠١٤٥٤٩٢٧٤
تحويلة ١٠٧

وطبعا الفيزا تاخذ اسبوعين لين تطلع


موفق اخي


( تمت المشاركة باستخدام تطبيق مبتعث )

اممم ..
يعني اول شيء لازم اسجل ف موقع التعليم العالي تبيع الدارسين ع حسابهم الخاص ..
ثم اطلع فيزا دراسية .. او هذي مو ضرورية ..؟
واذا فيه شيء بعد احتاجه ي ليت تطرحونه .. عشان اججهز اوراقي واموري وكل شيء ..
وم انسى شيء واخلص اجراأأتي من بدري ..~
ومشكوره اختي ع تفاعلك ف موضوعي ومساعدتي ..

لالا مو لازم تسجل قبل بس انا اقولك الافضل تسجل في موقع التعليم العالي لانو اسمع فيه نظام جديد لو تلبي تدرس برا ع حسابك بعدها تبتعث لازم تحظر ملتقى وله تسجيل ومواعيد خاصه

العفو ولو اي شي تحتاجه احنا بالخدمةة


( تمت المشاركة باستخدام تطبيق مبتعث )