تجمع طلاب المجر ( هنجاريا ) مهم لجميع مبتعثي المجر

هذا وأتوقع أنه في فجر السبت في تاريخ 13 يناير راح يكون موعدالسفر
أسف على الخطاء المطبعي

السلام عليكم ورحمة الله وبركاته........
تحية خاصة لشباب دبسرن وعامة لشباب لكل سعودي في المجر
طبعا شباب دبرسن أكيد الكل أخذ التذاكر وجاهز للسفر يوم الأربعاء 10 / يناير أتمنى للكل بالتوفيق والنجاح
ونداء إلى شباب بودابست وسجد ياشباب ليه الجحد هذا كله ليه البخل هذا كله ولا معلومة منكم الله يسامحكم خلاص سافرتوا ونسيتونا بس على العموم حنا جايين قريبا ان شاء الله .
وصار على الموعد يا دبرسن يوم الأربعاء انتظرنا مثل ما انتظرناك .
وبالتوفيق للكل ..........

الـــــمــــــاس

مبروك مبروك مبروك الماس إستلامكم التذاكر وإن شالله توصلون بالسلامة وتتسهل أموركم ونسمع عنكم أخبار زينة. وعاد لاتقطعونا من طلتكم وأخباركم وبلغ سلامنا لجميع الاخوة هناك وقل لهم مازال كلنا أمل بعودة مشاركاتهم كالسابق ولاتنسى نريد منك ولو ملخص لرحلتك تراها فن يحبذه الجميع ومرة ثانية الله يوفقكم.
وطمنونا

الله يوصلكم بالسلامه ويوفقكم

السلام عليكم ورحمة الله وبركاته

تحيّة لكم من شباب جامعة دبرسن بالمجر

نبشركم احنا اقلعنا من الرياض على فرانكفورت وأخذنا بالطياره تقريبا 6 ساعات وبعدها اخذنا ساعه ونص في المطار وطلعنا على بودابست وأخذنا تقريبآ ساعه ونص بالطياره بس نصيحه لا تجون من فرانكفورت على بودابست ترى الخط فيه مطبات وااااااااجد

وفيه واحد حظّه خانه في مطار فرانكفورت وشنطته ماطلعت على طيارة بودابست بس الحمدلله وصلت له شنطته عن طريق السفاره السعودية الله يحفظهم في بودابست لحد السكن بعد يومين

أول ما نزلنا في مطار بودابست كان في استقبالنا الأستاذ محمد هاشم والأستاذ عبدالمنعم وواحد سعودي الله يوفقه إسمه أبو فيصل

ركبنا الباص وطلعنا دايركت على دبرسن ووقفنا مرتين استراحه لشراء بعض الأغراض

وصلنا دبرسن وكان في استقبالنا شخص إسمه فيصل الزهيري الله يرزقه الجنه ويسعده وين ماراح

الشخص هذا كان له في مدينة دبرسن حوالي خمس سنوات يعني فاهم الوضع كله وساعدنا بكل شئ حتى شرايح الجوال طلعها لنا ما أقول غير ربي يسعدك يافيصل الزهيري وإن شاء الله نرد لك جميلك هذا بالأفراح

لما وصلنا السكن ودخلنا أغراضنا واستقرينا طلعنا جوله مع الأستاذ محمد هاشم والأستاذ عبدالمنعم والأستاذ أبو فيصل والدكتور فيصل الزهيري(الله يسعدهـ) على أطراف المدينه وبعدها عزمونا الملحقيه في مطعم هندي

وبعدهـ رحنا السوق وطلعنا بطاقات جوّال من فودافون مع الأساتذهـ اللي ذكرنا اسمائهم فوق

العشا كان مرة فاخر وما قصروآ المحلقيه الله يوفقهم ورجعنا للسكن ونمنا وكانت الغرف مرة رووووووووووووووووعه وتواعدنا بكره عند الإستقبال الساعه 8.45 ص بتوقيت دبرسن وطلعنا الجامعه واختبرنا اختبار تحديد مستوى
خلّصنا الإختبار ورحنا على البنك عشان بطاقات الصرّاف وإتمشينا في السوق لين الساعه 6.30 ورجعنا السكن وشغلنا الأجهزهـ وكتبنا لكم ^_^

دعواتكم معنا وإن شاء الله نوافيكم بكل جديد

إخوآنكم في جامعة دبرسن يسلمو عليكم كثير السلام وإن شاء الله يكون بيننا لقاء يا طلاب بودابست وياطلاب سجد قريباً


رقم ألماس في دبرسن : 0036705904696

الحمدلله على سلامة الوصول

والله يوفقكم

شدوا حيلكم

أولاً أعتذر منك أخوي الماس لتاخري بالرد عليك لكن الحمدلله على السلامة واخبار حلوة وماشاء الله عليك على هالمعلومات المفرحة عنك وعن الاخوة جميعاً وننتظر منك المزيد لاسيما وإن المجر كل فترة سيزيد عدد مبتعثيها
وبالتوفيق وننتظر المزيد منك ومن الاخوة.
والشكر موصول للأخ Dr.2T اللي متابع معنا من المجر أيضا.
والله يوفق اخوي Eager-Man وييسر امرك.

الله يوفقكم يارب والله اسعدتني ياالماس بالرد

السلام عليكم ورحمة الله وبركاته وبعد:

في يوم غذ ان شاء الله سوف يقوم سعادة السفير والملحق الثقافي بالمجر بزيارة طلاب جامعة

دبرتسن وذلك يوم الخميس الموافق 1-2-2007

واسأل الله ان تكون زيارة خير وبركة .