تجمع طلاب المجر ( هنجاريا ) مهم لجميع مبتعثي المجر

اخوي تشيك انتا في جده ..؟؟؟
اذا في جده قولي بالضبط عند ميين رحت ؟؟

انا اليوم رحت الملك فهد وكرهت البعثه بسبتهم

حولوني من مكتب ل مكتب واخر شي مدير المختبر شاكر كردي <<ماابغا ادعي عليه

قالي مانسوي تحاليل ولا شي انتو تبع البعثات روحو المستشفى الي في المحجر
قلتلو بعيد على بيتي
انا يدووبك وجيت الملك فهد بيتي عند ابحر قالي ((زي ماطقيتي مشوار لهنا زودي 10 كيلو توصلي المحجر ))

طلعت ورحت المحجر ولفلفووني قالو نسوي الكبد بس الايدز لازم ورقه من دكتور روحي عند المدير رحت عندو قالي الورقه حقت الوزاره مو مختومه مارح تمشي اوراقك جيبيها مختومه <<< كان نفسي ارمي جهازو

بس وطلعت مارح اسوي لا كشف طبي ولا ايدز ولايحزنون
لما تجي الوزاره تقولي يافلانه ام 3 نقط سوي الكشف وقتها اقول اختمو ليا عشان اسوي
اما اذا مااتكلمو مارح اسوي شي


<<<اليوم معصبه وزعلانه كرهت المجر ,, ,, بريطانيا اسهل اشعة وانتهينا

من القهر اني ضيعت وقت على الفاضي لميت اخواني وعزمتهم على الغدا ارفه عن مابداخلي

ياليت اخوي تشيك تقولي عند مين رحت ..


<<شكلو محد بيأخركم على السفر غيري

اختي نوني الله يعينك...........


انا الحمد لله الفحص الطبي كان المفروض انه يطلع اليوم بس قالولي معليش راح يتاخر يوم ولا يومين ........قلنا مو مشكله اهم شي اننا سويناه.........


اما البصمه الامنيه سالفتها سالفه..........لكن الحمد لله هانت.......

بس الي بصموني عليه مو حبر بويه سوداااااا وصخولي يدي وماعنهم صابون ولا يوم خلصت غسيل مافيه مناديل والله تبهذلت ....والمشكله كل هالبهذله ولا راح شي من السواد..........لكن يوم رجعت البيت والله بالمويه والصابون لمده ساعه ويالله يالله نظفت......


نرجع للمحور الرئيسي.....اخر شي بعد ساعه طلعت النتيجه وماطلع علي سوابق بعدين ختم على الورقه البيضاء الي فيها البصمات ختم ليس لديه سوابق........الحمد لله


السؤال الاهم الان كيف تترجم هذي الورقه؟؟؟؟؟؟؟؟؟؟؟؟؟

اذا فيه احد سوالها ترجمه ياليت يفيدني علشان اخلص منها وافتك.......



وهذا ملخص يومي.....

شكرا اخوي الغالي يسورة ((هذا دلع ياسر صح والا جبت العيد))

دوم دوم رايتك بيضاء يا اخوك والله انا نفس قضيتك ولكن الموعد غدا
وموفق من رب العالمين تحياتي وسلامي لك ....

واقول تعقيبا على مواضيع اخواني واخواتي ....
نوني ((ما عليكي كل شئ يبغاله تضحيه واذا ما تبين بعثه عادي اديني خبر حتى اجيب بنت عمي ههههها))
لا امزح شدي حيلك وكل الاشياء هذي مرينا فيها والله يوفقك

اخوي نايس يا رب تحفظه ...
وراك ما كلمتنا نجيبلك مناديل ما تعرف الصديق وقت الضيق (( امزح))
رب يوفقك وكلنا مرينا بنفس الاشياء
على بلاطه كنا نفر زي كذا
هههها موفق يا الغالي


ربما تكون لقافه الرد بس وراكم وراكم والزمن طويل

شكرا للجميع وخاصه ولد جارنا ياسر

اي والله جبت العيد يابو عيفان
اجل صرت يسوره
بس منك حلوه
يا ورور

الله يسهل اجراءاتك واجراءات الجميع

الي يسئل عن الترجمة انا توني ذلحين ترجمت البصمة الجنائية
عادي ما فيها شي تروح عند اقرب مكتب ترجمة معتمدة ويترجمها لك ويترجم الاختام ويحولها الى كتابة وبعدين يدبسها مع بعض ويختم عليها انت روح عند المكتب وهو يفهم الوضع
$ابوسراج$

اهلين بدناديشي

اما مسأله ختم الوزارة فهو شئ مطلوب ولكن يقدرون يمشوه انتي وطريقتك
عني انا ورقه من التعليم للمستشفى وللادله اجنائيه ((بصمات)) بدون ختم وهم قالوا ما يصير بس مشوة ...

هذا اللي اعرفه وموفقه ان شاء الله ..

اخوي ياسر ((ورور)) هاه
صدقني اعدوك حقين جده
هههها شكرا اخي الكريم

في موضوع مضحك بعض الشي انو البصمات مايستخدموها هنا هههههههه الله يعينك على الملحقية اللي مهي داريه عن شي

والكشف الطبي يستخدموه بعد سنه او سنتين من الدراسه