مهم جدا للمرحلة الرابعة لطلاب هنقاري

السلام عليكم ورحمة الله وبركاته

أخواني مبتعثي المرجلة الرابعة لهنقاريا في دبرسن

أخوكم جاله القبول طبعا متأخر ....وما قدمت على الفيزا الا الأسبوع اللي فات لكن قالو في جامعة دبرسن عادي اهم شي تكون عندنا قبل نهاية شهر ابريل

بس ابغى اعرف اخواني اللي وصلو ايش بيسوو حاليا وكيف كانت اموركم وكيف بالنسبة للسكن...يعني سكتنو في شقق لحالكم والا في سكن الجامعة ؟؟؟
وكيف بالنسبة للتذاكر ايش ارخص خطوط وكم سعر التذكرة؟
وايش عملتو في اختبار تحديد المستوى ؟
وكيف لو ابغى اشحن اكل واغراض ثانيه لهناك ايش احسن شركة وكم تبلغ التكلفة تقريبا؟


أسألتي كتيرة انا عارف بس محتار وما ابغى اوصل وبعدين احوس

وجزاكم الله خير

اخوي اذا على حسابك لاتجي نصيحة باب الابتعاث مسكر ولازم تخلص لغة وسنة التحظيري وسنة الاولى من الطب

يعني راح يكلفك الكثير في دولة ماتستهل

مشكور اخوي على ردك

انا لست مبتعث على حسابي الخاص ولكن على حساب الدولة بس أتأخرت أوراقي شوية ودا كان فيه خير من الله ولله الحمد
بس سؤال يطرح نفسه؟؟؟؟؟
ليش تقول انو الدولة ما تستاهل؟؟؟
بعدين انا خلاص جاني قبول دبرسن ودفعت حق الفيزا وقاعد استنى الرد واول ما تجي ان شاء الله راح اسافر على طول
واذا على حكاية لغة وسنة تحضيرية....انا عندي ترانسكربت ومغلق سنة طب في السعودية وان شاء الله سنة الله اللغة دي انا مرة ما احتاجها والسنة التحضيرية راح اختبر اختبارها من بدري واحاول اني اتعداها وادخل في الطب على طول بإذن الواحد الأحد.....

و عليكم السلام و رحمة الله و بركاته اخوي مازن

بالنسبه لاسئلتك الاجابه عليها كالتالي:

بسم الله
احنا الحين تونا بادين كورس الانقليش على حسب المراحل اللي حطونا فيها والله الامور زي المويه
والبلد ممتاز مرره....و بالنسبه للسكن على طول غلى الهوستيل (سكن الطلاب) ممتاز راح يحطوك في غرفه ما دخلها احد قبلك اثاثها مره جديد و حلو(بس لازم تدفع حق الايجار 475يورو و التامين 435يورو) الجناح خاص بالسعوديين والبنات لهم جناح خاص ومرتاحين فيه و الكلاسات حولنا...التذاكر كلنا طلعنا عالفرنسيه بس يقولوا الشباب اطلع على المانيا او هولندا احسن......الاختبار سو اللي تقدر عليه واي اجابه منت متاكد منها اتركها و الاختبار اصلا سهل..........طبعا الشحن ممكن يمشوك في الطايره حتى 30 او اقل او اكثر على حسب الموظف اما الشركات اوصيك على الطيار لاني ان شاء الله باشحن اغراض و منها شوية اكل السعر 45 كيلو اجبارية الدفع حول 593 ريال واي كيلو زياده بـ 10.5ريال توصل باذن الله خلال اسبوع الى مطار بودابست (بس لازم يكون لك عنوان في نفس الدوله....هذا اللي قدرت عليه اخوي و اي استفسار حطه واحنا ما راح نقصر معك او مع اخواننا او اخواتنا....
بس اعذرونا النت عند بعض الشباب ما اشتغل و الله يوفقكم جميع.....

اخ دبرسن

فين يروح يعني من وجهة نظرك ؟؟ كدولة تدرس الطب ؟ في بلد افضل ؟ اذا فيه قلي وانا احول

مازن
الدولة هي افضل الموجود الان
والمدينة بالذات افضل الموجود بالمجر
اديني دولة ثانية ممكن تنفع تدرس طب فيها كلها تعقيد زي امريكا

جزاك الله خير على افادتك لي اخوي

طيب في كم سؤال كمان اذا مافيها غلاسة

بالنسبة للمكافأة على ايت حساب بتستلموها يعني على حساباتكم في السعودية والا كل واحد يفتح حساب خاص في بنك محلي؟
وكيف لو أهلي يبغو يحولولي فلوس من السعودية على حسابي في اي بنك محلي في هنقاريا؟
وعلى ذكر الأكل كيف بتمشوا اموركم هناك كل واحد يطبخ والا في مطاعم بتوفر اكل للطلاب في سكن الجامعة؟ و ايش نوعية الأكل المحلي هناك؟

وبالنسبة لمبلغ ال 475 يورو هادا بالشهر او بالترم؟ والسكن كيف نظامه في قيود في الأشياء الي ادخلها يعني ممكن اجيب معايا سخان أكل كهربائي وزي كدا والا ممنوع؟

طيب كم سعر التذكرة على الخطوط الفرنسية؟ وكم مدة الرحلة ؟

وجزاك الله الف الف خير وربنا يوفقنا ويوفقكم ويكتبلنا ويكتبلكم الخير يارب
يلا كلها كم اسبوع ان شاء الله واكون عندكم

نراكم على خير بإذن الله

بالنسبة للمكافأة على ايت حساب بتستلموها ؟

اول ماتوصل ان شاءالله تفتح حسابك الخاص
وترسل رقم حسابك للملحقيه عشان يبدأ الصرف عليك

وكيف لو أهلي يبغو يحولولي فلوس من السعودية على حسابي في اي بنك محلي في هنقاريا؟

في طريقه احسن بما انك في السعوديه
اذا عندك حساب في البنك الاهلي اطلب من عندهم بطاقه صراف (ليها اسم )
بس عشان تستلم البطاقه تدفع 100 ريال وتحط المبلغ الي تبغاه وتستلم البطاقه بعد 10 ايام
واذا جيت هنغاريا واحتجت فلوس من اهلك يودعولك وتوصلك الفلوس في نفس اليوم يعني ماتاخذ 3 ايام او 5 ايام
ويقدرو كمان يودعولك عن طريق حسابك الجديد الي في هنغاريا بس ياخد من 4 لـ 7 ايام على ماتوصل
<<كمان عشان ازمة الويك اند بينا وبينهم تطول

وعلى ذكر الأكل كيف بتمشوا اموركم هناك كل واحد يطبخ والا في مطاعم بتوفر اكل للطلاب في سكن الجامعة؟ و ايش نوعية الأكل المحلي هناك؟

تتوفر المطاعم الحمدلله

وبالنسبة لمبلغ ال 475 يورو هادا بالشهر او بالترم؟

الشهر

والسكن كيف نظامه في قيود في الأشياء الي ادخلها يعني ممكن اجيب معايا سخان أكل كهربائي وزي كدا والا ممنوع؟

طيب كم سعر التذكرة على الخطوط الفرنسية؟ وكم مدة الرحلة ؟

<<اترك الجواب لباقي الطلبة

ان شااءلله اكون افدتك
وبالتوفيق للجميع يارب

نصييييييييييييييييحه لا تاخذ على الخطوط الألمانيه لأنها مره مو كويسه تكسر الظهر وكمان يموتووونك من التفتيش

والله احترت
ياناس ايش افضل الخطوط
عن تجربه

ولله افضل خطوط قالوي لي الشباب لا تقرب الفرنسية ولا الالمانية

الفرنسية عشان شنطة واحد من الشباب ضااااعت <<الله يكون في عونو
الاللمانية <<<اسالو alooooool ليش