أكثر من ثلاثين طالباً مبتعثاً أرتدوا عن الإسلام وأعتنقوا النصرانية

معليش بس اشك بمصداقيه الخبر
وايش مصدره ؟
احد المبتعثين ارسل رساله للجريده

طيبا نا بكره ارسل رساله للجريده واقولهم اسلمو 50 شخص على ايدي ببريطانيا
وبكره بتشوفه بالجرائد!!

مو كل شيء ينقال يتصدق!!

الله عرفناه بالعقل ...


صحيح بعض الشباب اذا سافرو برا انعدمت الرقابه عندهم
وصارو يلعبون ويشربون... الله يهديهم
لكنها ماتوصل للارتاد عن الدين
لا واعتناق المسحيه ويعمودنهم بالكنسيه!
ياكبرها والله

لو الخبر صحيح كان شفت وسائل الاعلام على طووول نشرت الخبر وطبعا هم ينظرون يصير هالشيء ويجي احد يشوه سمعه الاسلام!!

حمانا الله واياكم من شر الفتن والاشاعات

كلامك عين الصواب , عسى الله يهدي الجميع

واضح ان الخبر كلام فاضي
والدليل ان الطلاب يعرف اللي بسجلات الوزاره
حكي فاضي ولله ناس تبي تكتب وتسوي بلبله لجذب القراء

الله يثبتنا على دينه


تحياتي

لا ياشباب الموضوع اكبر من كذا بكثير
اولا عالم المخدرات والرغبة في عدم العودة الى الوطن نهائياً بسبب المخدرات وايهامها يضطر باسلوب سخيف انه يتنصر ويحصل على اعتراف من الكنيسة انه نصراني وبعد ذلك يذهب الى المحكمة بقصد انه نصراني ويريد الاقامة الدائمة وفي حالة عدم ذلك وترحيله الى بلده سوف يلقي الاعدام , وقس على ذلك اهل الشذوذ وغيرهم الكثير وابناء الشوارع ................
الموضوع معروف . نسبه بسيطه منهم يكون السبب ارضاء حبيبه او مجاملة .
المخدرات بلاوي والليالي الحمر خطر. حركات قديمه وتؤدي الى النار والهدف الاقامة الدائمة. وبعدين وشدخل الوزبر بهذولا العالم هذولا عالم ضايعه من الاساس ولبسو ثوب حتى تم ابتعاثهم . لكن هنا وجب قبل الابتعاث يتم تحليل عن المخدرات والمسكرات واختبار الهرمونات لمن هم مشكوك باخلاقياتهم. اصلح مشرع بالدولة هههههههههههههههههه بيلقطها الموسى ويطبقهاااااااااااااااااااااا
الله يعيفنا مما ابتلاهم

لا حول ولا قوة الا بالله..
انا مااستغرب من الخبر..
لسبب..انه اعمارهم صغيره..اللي يسافرو اعمارهم مابين 17 و18 سنه..
العقليه مااتزنت..وهذه فتره مراهقه..والاندفاع والتهور..
الله يثبتنا على الدين..وعلى طاعة الكريم..
ويحمينا من اعداء الدين..

د\نونا

انا اللي استغرب كلامك اخوي

في الدنيا فيها المسلم وفها الكافر وفيها المشرك وفيها الملحد وهم يختلفون اختلاف كلي عن بعض....

الشرب والفواحش والذنوب لا تخرج من المله ولا تغير الايمان الذي نقش في قلب المسلم .... حتى لو زنا شخص وشرب فهذه الافعال هي ذنوب ولكنها لا تكفره ولا تجعله مسيحي او يهودي وتغير ايمانه من دين الحق ديننا الاسلامي الى دين اخر, هؤلاء مسلمين من عوايل مسلمه .


يا ليت ما تتحمس وتخلط الامور وتقرب الذنب من تغيير المعتقد

جت على صاروا نصرانيين بعضهم صاروا شيوعيين (( بدون ديانه مايئمنوا حتى بوجود رب العالمين )) بس انتوا ياغافلين لكم الله

وصراحه ماستغرب هذا لا احد يقول تربينا بدول اسلاميه وعلى قيم اسلاميه الغالبيه بالمملكه تربت على عيب واستحي ولا تفضحنا واش يقولوا الناس قليل الي تربوا على الرقابه الذاتيه وخاف من رب العالمين قليل الي فعلا تعرف على الله سبحانه وتعالى وتقرب له
ومناهجنا ماقصرت اغلب الي درسناه بالدين شرك وكفر ولا يجوز ماعليش افهم انكم تبوا تبعدوا النشا عن الحرام بس مايصير طفل يتربا على كذا لازم قبل ماتقولوا الله فرض عليك كذا وحرم عليك كذا تخلي هذا يتعلق بربه عشان يكون مستعد للانقياد لله سبحانه وتعالى بالطاعه
مابي اطلع لمواضيع ثانيه بس الي مستغربين من الموضوع انا ابد ماستغربت ودايم اقول البعث نظامها لازم يتغير
مو اي احد درجاته عاليه هنا يبتعث في ناس شخصيتهم تسمح لهم يبتعثوا ولا شي يئثر فيهم على العكس يكونوا شخصيه مؤثره بالعالم الغربي
وناس العكس اول مايروح وجت بنت مدت يدها مد يده وحضن فيها على اساس تيكت ايزي مابي اكون معقد وشوي شوي حاجه تجر حاجه لين مايوصلوا ايه انا انسان منفتح هذا الدين الي يمنعي من اني اسهر ليلتي مع القيرل فيرند حقتي مايناسبني فطبيعي يرتدوا
ولا تستغربوا انه حب وحده نصرانيه واقنعته مابتزوجك الا اذا صرت مثل ديانتي والولد ماعنده ذاك الايمان وجايتنه بنت لقطه يبيع دينه عشانها واسباب كثيره ممكن هذا اقلها وابسطها
وفي حديث بما معناه ان المؤمن يذنب ذنبه ويصير نقطه سوده بقلبه ومع كل ذنب تزيد هذي لين مايغلب السواد على قلبه ومايعود للايمان مكان فعشان كذا الرسول الاعظم حذرنا من اصغر المعاصي الي ممكن
نسويها وماندري عنها لكن لها تئثير على قلبك وكثرتها تخليك تحيد عن طريق الايمان

وبالاخير اللهم يامقلب القلوب ثبت قلبي على دينك
والله لايبلينا والحمدلله على نعمه الاسلام

انا أشكرك اولا على ردك
نعم الدنيا فيها المسلم والكافر والملحد
لكن المسلم اللي ما يعرف من الاسلام غير اسمه ولا يصلي وفي رمضان فواحش وافطار في النهار ومخدرات وووو

وش تسميه هذا ...؟

الفواحش لا تخرج من المله نعم ... لكن ترك الصلاة كفررررر

المقصود اني ما استغرب منهم مثل هالتصرفات
مو المقصود ان المسلم عادي يصير مسيحي !!!!!!

لانهم ليس لديهم وازع ديني
ليس لديهم تربية ذاتيه

عشان كذا راح يجربون الاديان الاخرى
وترى اكثرهم ما هو داري
بس لان حبيبته نصرانيه صار نصراني
واثاني حبيبته ملحده صار ملحد

يعني الدعوه مسايرة للغرب وتقليد


بعدين مثل هؤلاء لا تبكي عليهم ..................


أسأل الله أن يثبتنا جميعا على دينه

اللهم اني استودعك قلبي فـلا تجعل فيه احداً غـيرك يآآآرب

اللهم يامقلب القلوب ثبت قلبي على دينك ياارب

الله يهديه ويصلح الجميع ياارب