الله يرزق اللي يعبرني جنة الفردوس .. =) ... ~ ْ

* الله يعنني * الله يعينك يا وخيتي ..
امين واياك ..
يد الله مع الجماعه وانا اخوتس , الله يوفق الجميع ويحفظ الجميع ويعين الجميع

أسمعي طيب >

أنا مبتعث في أستراليا في ملبرون , أنا رديت عليك لأن عنوانك كلن يبيه ويتمناه ,,
اجل خذ : يا جعلك بعليين انت ووالديك ووالديني ومن يقرآ ومن يكتب

شئين مهمين ركزي عليهم :-

أولا :- ضبطي علاقتك مع ربك ومع الناس ( تصلين وتدعين * مهب بس في العلن في السر * , وتشاورين وتسألين * مهب بس في النت في الحقيقه * )

ثانيا :- تتحققين من المقيول أو المقال لك ( مهب كل ما يقال صدق * وبعض الناس مراهق حتي لو وصل ثلاثين )
ابشر ... الله يعطيك العافيه على هالنصايح ..
..
أنا يوم كنت في ثالث كنت أذاكر و أجتهد ,

وكنت افكر زيك ولكن نصحوني لا تفكر وش تدخل ,

ماعليك راح تحصل تخصص رأع بس ركز بدروسك وانا ,

أقولك نفس الكلام ركزي بدروسك وصلاتك والله راح يوفقك ,

لتخصص يمكن ما عمرك حلمت فيه * الدعوه مب أماني الدعوه ,

فعل و أجتهاد ومذاكره * لازم تدرسين عشان ما تندمين * وتكون كل ,
الخيارات مفتوحه لك سواء هندسيه أو طبيه أو غيرها . . .

تخصصي احياء دقيقه

حاليا ماجستير جزيئات الجينات الطبيه << ما قد سمعت فيه !

بالتوفيق يارب

وقسم الترجمه حلووو

لا هو حق جوال

ارسليه بلوتوث لجوالك و ثبتيه

السلام عليكم:
وعليكم السلام دآر قومٍ مؤمنين وانا ان شاء الله بكم للاحقون << خيير << اقصد بصير جآمعيه مثلكم ان شاء الله

الي سويته في حياتي ، وأشوف أن المفروض كل الناس (ومنهم أنتي) يسوونه ، أن الواحد إذا حب تخصص أو مجال معين ما يلتفت لكلام الناس الي يقولون يوووه هذا صعب.. ولا الله يعينك ترى الوظايف بالقطارة ، لأن الواحد إذا حب الشيء الي يدرسه بيكون مستعد للنجاح فيه ، ويكون يدرس وهو مستمتع (مهب شرط 100% ولا 80%) مهب مثل غيره الي يقول زهقنا من الدراسة وش ذا المادة الغثيثة.
صح.. صح كلآمك ..
وهذي تجربتي:

يوم كنت في أولى ثانوي ، كان عندي زملاء في ثاني ، سألوني هاه يا ولد إبراهيم اخترت التخصص ، قلت إيه ، قالوا وشو أكيد شرعي ، قلت لا..علمي ، قاموا يضحكوووووووووون (يعرفون أني منيب لم الدراسة) << ههههههه ، يابن الحلال لا تضيع وقتك.. هذا انحن جربنا قبلك وعدنا السنة ثمين حولنا شرعي ، اختصرها من هلحين وادخل شرعي ، والله وانا الي أطنشهم ، قلت أنا أحب الكمبيوتر وهذا طريقه ، وفعلا درست ثاني وثالث ، صح أني منيب دافور ..لكن مشت أموري ، وفي الجامعة نفس الطريقة يوم جيت أتخصص هندسة كمبيوتر ومع ذلك درست (ودراستي مشي حالك) لكني مستمتع بها ، وواحد من زملائي تخصص مثلي (بدون هدف ولا رغبة) وكان دافوووور وعنده مرتبة شرف ويقول لي : الله يقلع ذا التخصص.
تدري هآك اليوم اسمعهم بالتلفزيون يقولون ان 5% بس من الناس اللي بالعالم يدرسون ويشتغلون في وظايف يحبونهآ يعني الباقي مو راضين عن انفسهم وتخصصآتهم ومجآل عملهم .. بالصرآحة هالشي مؤسف مره ..يارب اصير مع هالـ5 %

طولت في السالفة وكان عندي كلام ودي أكتبه بس قصرت ، لكن أهم شي أن الي يقرا ذا الكلام يستفيد..
الله يعافيك ..الفكرت وصلت ..
(ولا تنسين الي في عنوان ذا الموضوع)