الابتعاث الداخلي

هلا غيوم

سألت واحد من الطلاب في جامعه محمد بن فهد يقولي لازم تدرس فصل على الاقل و بعدها الجامعه هي اللي تحدد اذا تقدر تحول على الحكومه والا لا.. انا قاعد اقولك الكلام هذا وانا ماني متاكد ترا لكن بحكم انه طااالب فيها,, بس لو تنتظرين علي اوصي واحد من الطلاب اللي يدرسون صيفي بالجامعه بكرا يسألون الموظفين هناك وأرد لك خبر ان شا الله

بالله انا منحرجه منكـ مررررررره
تسلم على فزعتكـ والله انكـ شيخ
ربي يرزقك في كل خطوه خير ...

يحفظكـ ربي من كل شر:86:

الله الله الله انبسطت مشكوووورة غيوم على هالادعيه اللي تثلج الصدر ولك مثلها ان شا الله اميييييييييين يارب و بعدين شدعوه ترى ما سوت شي يا غيوم

الله يسلمك ويحفظك من كل شر تسلمين ع الدعاوي الحلوة

هذا اقل شيء اقدمهـ
لاخ عزيز ....

استودعكـ ربي ....

مراااااااااحب,,,
اهلين غيوووووووووووووووووم,,
اسف على الرد المتأخر بس والله ما صحيت اليوم الا متأخر

المهم خويي يقولي: الابتعاث كل سنه يعني لو قدمتي الحين مثلا على جامعه اهليه مثلا (محمد بن فهد) تدرسين سنه كامله على حسابك الخاص طبعا لو كان معدلك بالفصل الاول حلو يعطونك خبر انه اذا استمر معدلك كويس الفصل الثاني في احتمال تدرسين على حساب الحكومه,,

المهم اذا خلصتي سنه بالجامعه وكان معدلك كويس الجامعه بنفسها تقولك قدمي على بعثات الوزاره الداخليه بس قالي شي مهم ان الوزارة تدفع على حسب التخصص
صديقي تخصصه اداره ماليه و لما خلص اول سنه و طلب الانضمام للبعثه الداخليه قالوله ما يصير..
و صديق لي ثاني تخصصه هندسه ميكانيكيه كانت درجاته مره حلوه و قبلوه في البعثة الداخليه..

وش بعد وش بعد

اييييييه و في شي مهم ان البعثات هذي كل سنه يعني معناها اذا اخذوك مثلا السنه هذي على حسابهم مو معناها ياخذونك السنه الجايه على حسابهم

وبس هذا اللي قالي اياه

شكراً شكراً شكراً

جزاك ربي الفردوس ....

لالالالالالالالالا الله يصلحك خذ الخبر الأكيد
إذا اقبلوك راح يدفعون عنك لين تتخرج أبد هذي اسندوها عني
واما كلامك الباقي فصحيح ميه بالميه لازم تسجل وتدفع اول ترم ويكون معدلك الترم الأول
عالي لا يقل عن 2.5 من 4 او 3.75 من 5 بعدها هم يتولون (الجامعه) عملية الحاقك بالبعثه

وبالتوفيق للجميع

نعم الأن يوجد أبتعاث داخلي حيث شركة سابك تبتعث الى جامعة الملك فهد وسعود خاصى بكلية الهندسة

عند جهينه الخبر اليقين :طبعا بحكم اني طالب بكليه اهليه
نعم هناك منح داخلية بالكليات الاهلية وليس ابتعاث والفرق بينهما:
ان المنح يصرف فيها رسوم الدراسه سنويا وعلى حسب المعدل وقد تتوقف في اي لحظه اما الابتعاث فيصرف فيه كامل الرسوم الدراسيه اضافه الى مكافات وبدل سكن ....الخ وهذا في الابتعاث الخارجي.
اما بالنسبه للمنح الداخلية فهي تشمل الطلاب الجدد والطلاب المنتظمين وهي كالاتي:
بالنسبة للطلاب الجدد : ياخذ من مجموع الطلاب المقبولين 25% فقط وهم اصحاب المعدلات العليا ويتم ضمهم للمنح الداخلية بمعنى انه لايدفعون حق سنه ولا شئ.
بالنسبه للطلاب المنتظمين يعني الي دفعوا وصار لهم ترم دراسي فيتم ضم 30% منهم للمنح حسب المعدلات وهي موزعه كلاتي:
1- الي معدلهم من 3.75 فما فوق من 5 ياخذون منحه كامله
2- الي معدلهم من 3.74 الى 2.75 من 5 ياخذون نصف منحه يعني الطالب يدفع نصف والوزارة تدفع النصف الاخر.
ملاحظه هامه: بالنسبه للمنح فهي تحدث سنويا بمعنى مثلا لو كان طالب ماخذ منحه كامله السنه هذي ونزل معدله قد ياخذ نصف منحه في السنه الي بعدها وقد لاياخذ شئ في حال نزل المعدل عن 2.75 يعني يدفع الطالب الرسوم كامله وفي حال ارتفع المعدل يرجع للمنحه مره ثانيه

ملاحظه بسيطه اقصد بمعدلات الطلبه الجدد اقصد بها نسبهم بالثانويه العامه وشكرا