شرط انهاء فترة الامتياز

انا نفس مشكلتك!!
بس انا باقي لي خمس شهور ان شاء الله ع نهايه الامتياز ولا ادري كيف تمشي !

السلام عليكم
كل عام وانتم طيبين

انا بقي لي 3شهور
موعدي بكرة الاحد الساعة 10مساء
رحت للكلية وطلبتهم وثيقة مؤقته
قالوا---> مافيه
يس ورقة تعريف مكتوب فيها متى بدأت ومتى انتهي

ان شاءالله بروح بكرة
واي شي يصير معي راح اكتب بالمنتدى

والله يوفق الجميع

بقولكم شي انا نفس الفكره دي جبت ورقه افاده بدل شهاده الامتياز هادا الكلام كان السنه اللي فاتت وماقبلوني فالله يعينكم

السلام عليكم أخواني

هل من جديد بشأن هدا الموضوع؟

فأنا موعد التدقيق بكرة وأنهي فترة الإمتياز في أكتوبر 2009. فهل بالإمكان إكمال الإجرءات والدخول في البعثة إدا احضرت ما يثبت دلك؟

لأن في الإيميل اللي رسلته الوزارة يقول:

صورة من وثيقة التخرج أو شهادة إفادة من الجامعة تثبت أن تخرج الطالب في هدا العامز فهل هدا يشمل خريجي الطب والجراحة؟

أفيدونا إدا أمكن...

والله لازم نتكلم مع الوزارة والمسؤولين هناك
يعني المسالة مسالة وقت لاغير يعني لا هي معدل ولا عمر ولا تخصص مو مطلوب
الله يسهل بس

السلام عليكم
زي ما وعدتكم بقول لكم وش يصير معي
امس كنت on call
لذلك تاخر ت عليكم
الزبدة --->انا بقي ثلاثه شهور بالامتياز يعني اخلص ب Nov.
قدمت لهم اوراقي
قالوا بنحولك على مستشار الوزارة
كان د.ماجد الحربي الرجل اخلاقه عالية جداً
ناظر باوراقي وقال هل انت متخرج من الكلية قلته ايه و رويته السجل الاكاديمي
الحمد لله وافق على طول وقال البعثة على شرط انك تخلص الامتياز
والاخوان في التدقيق قالوا لي من البداية ان الوزارة تدور عليكم دوارة
واعطوني سند مكتوب فيه الاوراق الناقصة الي وثيقة التخرج, شهادة انهاء الامتياز و شهادة حسن السيرة والسلوك
ونفس الشي صار مع كثير من زملائي اللي ما بعد خلصو الامتياز

يعني الاطباء لهم استثناءات لانهم بحاجتهم
بالتوفيق للجميع

الله يسهل ويقبلونا يا رب
من جد لازم يكون للاطباء استثناءات
انا تدقيقي اليوم واقولكم وش يصير معاي

سلام أخواني أخواتي

حبيت أبشركم أن أموري مع التدقيق مشت مثل ما قال أبو نايا.. رحت للمستشار ووقع بالموافقة وقال لي إن شاء الله خير..

عقبالكم إن شاء الله