ابي طب في اي دوله عربيه وعلى حسابي الخاص لكن فيه عقبات ممكن تساعدوني

الله يوفقك يارب

يمكن ربي مو كاتب لك الطب

ومو كل الحياة طب

حاول تشوف مجال قريب لنفسك شوف مشاء الله الطيران او الهندسه حلوه ودراسة ممتعة وجامعة البترول عاد هذه مايبغالها كلام

ودامك مشاء الله متميز وشاطر خلاص تقدر تبدع بأذن الله
يعني مو عشان مانقبلت طب اصيرحزين بدنيتي

لا ونا اختك
في مجالات كثيرة في الحياة تقدر تدخلها

انت ادعي الله كثير واشكي همك عليه

وربي يوفقك ان شاء الله

سامحني اني ماقدرت اساعدك بس لأني مريت قبل 4 سنين فنفس حالتك

وكنت اتمنى واعشق الطب

بس ربي ماكتب لي والسبب النسبة

دخلت الجامعة بايوكميستري وطلعت من الأوائل ع دفعتي والحمد لله ومازال الخير مستمر بحمد الله

يعني ندمت ع كل دمعة ولحظة حزن مرت علي لما مادخلت طب

الحياة اجمل من انك تزعل وتحزن

عارفه اني طولت بس يارب افدتك ولو بكلمة

.................واخيرا داااايم استغفر الله قد ماتقدر

ياخوي باذن الله لن تثبط وسوف تجد مكان لك في الطب وان شاء الله اساعدك بالذي استطيع
بالنسبة للطب هل تريد اولاطب بشري أو أسنان
اذا بشري صعب جدا القبول فيه
عندك المجر أو الهند أو الصين
إذا أسنان
أيضا عندك مصر أو الهند أو المجر أو الصين
مصر تقبلك في الاسنان ماعنهم مشكلة ويقبلوك بشري لكن الملحقية الثقافية هي التي وضعت الشروط وللاسف له تقريبا سنتن مايقبلو طالب سعودي اقل من 90 بالمئة لكن الاسنان والصيدلة يقبلو فوق ال80 بالمئة
المجر حلوة ويمدحوها الطلبة المبتعثين فيها والدراسة بالانجليزي وتستطيع ان تقبل والذي ياتي بالقبول الملحقية الثقافية بالنمسا وهي مسئولة عن الطلبة السعوديين هناك والى يبي يدرس على حسابه الخاص والدراسة بالانجليزي وايضا الانضمام للبعثة سهل وميسر بحكم عدد الطلبة السعوديين قليل واسعار الجامعات مابين 8000 الى 11000 الف دولار في السنة تزيد او تنقص بس تقريبا
الهند احلى شي فيها مدة دراسة الطب البشري اربع سنين ونصف بالاضافة لسنة الامتياز يعني اقل من السعودية بسنة ونصف بس عيبها شي واحدرسوم الدارسة غالية جدا وهم يعتمدو اعتماد كلي الجامعات الى هناك على التبرع من قبل اطلبة الاجانب فلذلك غالية يعني ياخذو تقريبا من 70 الى مائة الف دولار في خلال سنوات الدراسة واغلبهم يريدها كاش
لكن الاسنان عندهم تقريبا من 25 الى 30 الف دولار في خلال الخمس سنين والدراسة في الهند باللغة الانجليزية
الصين تعتبرالارخص والان فاتحين باب القبول لو اردت ان تدرس في الصين ولكن بعض الجامعات تلزمك في السنة الاولى ان تدرس لغة صينية وتوجد جامعات تدرس باللغة الانجليزية ورسومها تقريبا حوالي 5000 دولار في السنة وتستطيع ان تنضم للبعثة من غير ماتاخذ وقت والسبب عدد الطلبة السعوديين هناك قليل وايضا وزارة التعليم العالي عاملة اتفاقيا وتحث الطلبة للدراسة في الصين ويوجد موقع للنادي الطلبة السعوديين بالصين هم يساعدوك في جلب قبول هناك برسوم رمزية
حاول تلحق بسرعة لانو اغلب الجامعات فاتحة قبولها الحين مقل الصين والمجر ومصر ايضا اما الهند فتح القبول عندهم في شهر 6-7 بالميلادي
هذي بحكم ماعندي من معلومات واذا اردت شي انا حاضر
بالتوفيق لك ولاتثبط من كلام الاخرين اذا عزمت فتوكل على الله

اميرة كندا الله يعطيك العافيه على كلمه قلتيها لكن ابي اقولك شغله .. انا انسان كان طموحي من الصغر الطب وعاشق هالتخصص بغض النضر عن المكانه الوضيفيه او الامور الماديه لكن انا احب هالتخصص

ولاتحسبيني جلست وحطيت يدي على خدي يوم ما قبلت في الطب بالعكس دورت تخصصات ثانيه حلوه مثل الطيران لكن المشكله ان كل تخصص حلو بالسعوديه يطلبون معدل فوق 90% وانا معدلي 83 يعني بالله عليك وش تبيني اسوي باقي التخصصات من الهندسه وغيرها مالي نفس فيها ابد لانها تعتمد على الرياضيات وانا متوسط بالرياضيات ..

الله يوفقك دنيا واخره ويحرم وجهك النار

الله يعطيك الف الف عافيه

لكن انا ابي دوله عربيه بسبب : اغلب الدول الاجنبيه او بالاصح كلها تطلب دراسة سنه قبل دخولك الى كلية الطب وبعد دراستك هالسنه تختبر عندهم او لازم تجيب درجه معينه اذا ما جبتها ما تقبل ثانيا المصاريف بالدول الاجنبيه غاليه مره بعكس الدول العربيه اللي عارف عنها كل شي

لكن عندي سؤال لك .. فيه دوله اجنبيه تقبلك بكلية الطب على طول اقصد تدرسك سنه انجليزي وبعدين تدخل طب لكن مقعدك مضمون ؟؟

ايوا توجد دولة اجنبية وهما اقنين وممكن في اخرين ولكن حسب معلرفتي
الهند والمجر تقبلك على طول
عموما ذا اردت دولة عربية مالك الا مصر ولكن سيقبلوك طب اسنان ومثل مااخبرتك الجامعة نفسها ماعندها مشكلة تقبلك طب بشري ولكن الملحقية الثقافية التي تاعبعة لوزارة التعليم العالي لن توافق على دراستك حيث ان لابد من موافقة الملحقية الثقافية للطلبة الذين برغبون بالدراسة على حسابهم الخاص
بالتوفيق لك

أخي الكريم الله يوفقك يا رب و دام ذي رغبتك لا تجعل أي شيء يقف في طريقكـ

فيه نقطة و هي :

تخصص العلوم الطبية ببعض الجاامعات السعودية تدرس السنة الأولى و بعد ماتخلصها تحول طب اذا جبت مجموع

أو تاخذ بكالوريوس علوم طبية .. و تقدم على جامعة الملك سعود للعلوم الصحية و يقبلونك طب بس عيبها مشوار طويل ( 10 سنوات )


أو تدرس برى سنة في جامعة معترف فيها .. و بعد ماتخلص سنة أولى طب تجي تقدم على جامعة سعودية

طبعا ً كل الخيارات اللي فوق إذا كنت مطابق للشروط .. إسأل عن الشروط و لو كانت متطابقة معك شد حيلكـ

و ان شاءالله تصير أحسن مما ودكـ

مودتي لك

موفق

معلومات قيمة جدا تشكر عليها

طيب هل الالحاق سهل وسريع في المجر او الصين او الهند ؟

السلام:
فيه في الامارات جامعة بصراحة دخلت دورت ليك كم نسبة الثانوية و ما لقيت كاتبين شي عنها شوف إنته إذا بتلقاها هذا إسم الجامعة و الموقع تبعها
Gulf Medical University
http://www.gmu.ac.ae/academic_mbbs.php

الله يوفقك و يعطيك إلي تبيه

عندك الصين خمسه سنين وبالانجليزي ورخيصه جدا ومالها متطلبات زي مااعرف
وفي بولندا اتاكد اكتر من الطلبه الي بالملتقى هناك اتوقع بس تجيب قبول وتكمل
الهند وباكستان دراستهم بالطب لايعلى عليها ابدا ابدا وتتخرج وانتا فاهم ان شاءالله
واليمن شفت دكاتره متخرجين من هناك غلبو على دكاتره جامعات السعوديه
ومصر والسودان والاردن ..والخليج تقدر تدور فيها
كل دي مالقيت ؟
انا مارح احبطك بالعكس راح اقولك اجري ورى حلمك
وحاول بكل مكان عسى ربي يوفقك ويرحم والدك..
واعتبر العقبات تحدي لك تثبت فيه جدارك لايوقفك شي