تجربتي مع كابلان شيكاغو

سؤال مهم ارجو الرد
جاني ايفاد للخارج في الباثولوجي ما زلت محتار امريكا او بريطانيا

لو انا مكانك اختار بريطانيا.

اتمنى لك التوفيق

طيب اخوي ايش الكتب الي تنصحنا نجيبها معانا؟
نحتاج كتب للبيزك؟

وايش انطباعك عن الدراسة للان؟ تنصح الاطباء يها؟

أعتقد كتب كابلان كافية.
الدراسة هنا ممتعة و احنا نتعلم امور ما تعلمناها صح او تعلمناها ونسيناها. لكن تحتاج جد ومتابعة.

السلام عليكم اخوي..
انا طلع لي قبول في كابلان شيكاغو ..بس حابه اسألك عن السكن ؟ كم الاجار ؟ كيف مساحة الشقق؟ بعيد عن المعهد او لا؟ المنطقة امان؟
اسمح ليي اخوي كثرت عليك الاسئلة....
الله يعطيك العافية

وعليكم السلام
بخصوص السكن، في عندك خيارات كثيرة. في الPresidential Towers، على بعد ربع ساعة مشي من المعهد، الشقق مساحتها معقولة ، سعر الاجارات في شيكاغو يعتبر غالي، يعني غرفة وصالة راح يكون سعرها حول 1200-1300 دولار.
في عندك Millennium Park Plaza,هذا شققه اكبر لكن اغلى. وموقعه على شارع ميتشغن، اللي هو الشارع التجاري والسياحي في شيكاغو. وفي ابراج سكنية في نفس المنطقة.
شيكاغو مقسمة الى اربعة اقسام: الداون تاون، الشمال، الجنوب، الغرب. الداون تاون والشمال يعتبرون من المناطق الآمنة. الجنوب هو اسوأ مكان من ناحية الامان،
المعهد في الداون تاون. في ناس تسكن في الشمال، الاجار نوعا ما انسب من الداون تاون، لكن في هالحالة تحتاجون مواصلات. وفي عندك القطار وفي الباصات.
وبالتوفيق ان شاء الله*

السلام عليكم

أنا الذي فهمته انه ممكن لو مثلا ما نستهلك كل السنه المخصصه لكبلان صح؟ يعني من الممكن اتمام الاختبارات في وقت اقصر عحسب توقعنا بالنسبة لقدرتنا على تقديم الإمتحان في ذاك الوقت , وليس الزاما ان ناخذه بوقت محدد؟؟

الأمر الاخر يعني لو مثلا اخذت الامتحانين الكندي ويوسملي ستيب 2 باخر هالسنه ...مو يكون أحسن .. بحكم انا الان امتياز .. وبذلك اختصرت يمكن وقت

سؤال أريد أستفسر عنه , هل من الممكن التقديم لبعثات خادم الحرمين الشريفين بدون تقديم شهادة الإمتياز , أي بتقديم ورقه تثبت مثلا بأننا الان امتياز وبعد ما نخلص نستوفي كل الأوراق؟؟؟

وبالنسبة لترقية البعثه إذا أحد منكم يعرف , أنا أعرف انه ممكن أرقي بعثتي من الدولة اللي انا فيها لدولة اخرى مثل أمريكا ... فهل القبول بكبلان سهل؟ يعني اني اجيب موافقه من كبلان ...لانه لازم اجيبلهم موافقه ..والشئ الاخر هل ترقية البعثه بتكون مثل نظام بعثات خادم الحرمين الشريفين ....

عذرا على الاطاله

وتقبلوا فائق احترامي

بخصوص النقطة الأولى، ممكن اتمام الامتحانات بأقصر فترة ممكنة، والملحقية تحث على هالشي. وهم الآن يضعون قوانين بحيث ان الاطباء يمتحنون بأسرع وقت ممكن.
النقطة الثانية، انا انصح اطباء الامتياز اذا كان عندهم القدرة يخلصون الامتحان الكندي عالاقل، الusmle يحتاج تحضير اكبر ووقت اطول خصوصا انه يشكل الbasic sciences . وفعلا هالشي راح يختصر لك وقت مستقبلا.
النقطة الثالثة، بخصوص التقديم عالبعثات، اتمام الامتياز احد شروط التقديم على البعثات.
بخصوص الترقية بصراحة ما عندي فكرة، لكن بشكل عام القبول من كابلان سهل جدا.

على حسب ما فهمت انك مبتعثة للأردن، وفي حال انك قدمتي على بعثة الملك عبدلله ، لازم تكوني عادلتي شهادة البكالوريوس. الاجراء هذا ممكن ياخذ شهور. عشان ما يفوتك التقديم عالبعثات، تقدرين تطلبين ورقة من ادارة معادلة الشهادات تفيد بأن شهادتك قيد المعادلة، وفي الحالة هذي يتم قبول طلبك في ادراة الابتعاث.

بالتوفيق

شكرا جزيلا لك أخي على الرد

المشكله أخي العزيز بأن امتيازي ينتهي في نهاية شهر 9 , وهو انا اعرف ان البعثات نسجلها على شهر 6 ونقدم أوراقنا المفروض على شهر 8 , لذلك سألت عن مسألة ترقية البعثه ...

يعني انا اللي اعرفه بعد ما اقدر اعادل شهادتي الا اكون مخلصه الامتياز صح؟؟؟ ,

وشكرا مره أخرى لك

والله انا افضل تسألين الوزارة عن موضوع ترقية البعثة ، او الملحق الثقافي في الاردن. لأنه ممكن يسهل لك امور كثيرة.
بخصوص معادلة الشهادة، لازم تكوني خلصتي الامتياز.

بالتوفيق ان شاء الله