ما هو الطب؟؟؟؟؟؟؟؟

السلام عليكم ورحمة الله وبركاته
حلو ان الإنسان يتمسك بطموحه حتى لو تآخر تحقيقه بالنسبة لدراسة الطب في امريكا و كندا راح يحتاج بكالوريوس وانتي عندك بكالوريوس لكن باقي اختبار MCAT والمقابلة وراح يكون فيه تنافس شديد بين المتقدمين وانت وحظك ...
لكن انا بأعطيك حل هو انك تدرسي في ايرلندا الكلية الملكيه للجراحين ومدة الدراسة 5 سنوات وهذا موقعهم
www.rcsi.ie

وفيه حل ثاني وهو بولندا ومدة الدراسة لحاملي البكالوريوس 4 سنوات والدراسة باللغة الإنجليزيه في جامعة وارسو الطبيه
www.wum.edu.pl/english/

هذا اللي حبيت افيدك فيه واتمنى لك التوفيق
... تقبل تحياتي

امريكا صعب

حاولي في الدول العربية او هولندا او بواندا او المجر او الهند او باكستان

تخصص المختبرات راح يسهل عليك الدراسة..لانك ماخذه اكيد باثولوجي ومايكروبايولوجي

فاتوقع الدراسه عليك اسهل من غيرك..بالتوفيق ان شاءالله

السلام.. مشكورين و جزاكم الله ألف خير بس ما قلتولي تفاصيل الدراسة؟؟؟ الله يوفقكم
أخوي أبو المش.... أيرلندا و بولندا أوكيه للطب؟؟؟ يعني ما أبي أرمي نفسي في أي شي كفاية إلي راح من سنين
ليش أمريكا صعب حرااااام عليهم
Fofeto تدرس طب في لبنان؟؟؟؟
أبو المش: أيش دراستك إنته؟؟؟؟
إمتحان إل MCAT المفروض أسويه قبل ما أسافر و إلا هناك الجامعة تسويلي إياه؟؟؟؟
عن جد مشكورين

انا نفس حالتك ولكن قررت بدل مدرس بكالوريوس مختبرات فالسعوديه فقط اخدت دبلوم مختبرات حتى يكون عندي اساس ورحت على كندا بعثه بكالوريوس مختبرات طبيه لانه برنامج المختبرات الطبيه فكندا مصمم خصيصا بالإضافه طبعا لكونه يجهز للعمل فجال البحوث الطبيه فانه مخصص ايضا للتجهيز لإختبار الإم كات فانا الان بدرس المختبرات وانشالله وقت مخلص المواد الداخله فاختبار الام كات بسجل للاختبار فكندا واختبر والله يسهلها...انا كنت فجامعه الملك عبدالعزيز بكالوريوس مختبرات ترم واحد وسحبت وقلت ادرس دبلوم فقط واخلي البكالوريوس من كندا عشان اكون مجهز للمنافسه القويه على الطب فامريكا الشماليه لانه امريكا وكندا نفس الشي بس امريكا فرصة القبول اكثر ..عالعموم انا بعطيكي الشروط تبع الطب بامريكا الشماليه :
بكالوريوس بمعدل اقل شي 3.6 والسنه الي راحت وقف القبول فجامعة تورونتو على 3.9 طبعا من اربعه "شايفه قوه المنافسه"
اجتياز اختبار الام كات بمعدل عالي
سجل من الاعمال التطوعيه
المقابله الشخصيه
وفي مواد بري ريكوزت اغلبها تكوني اختيها فالمختبرات فالسعوديه وفي تقريبا ثلاث مواد يمكن متكوني خلصتيها زي الفلسفه والرياضيات الطبيه وعلوم البيئه والاحتباس الحراري وغيره طبعا تختاري منها فقط ثلاث مواد فقط
اكون صريح انا عارف انه نسبة قبولي فامريكا الشماليه لا تتجاوز 7% والصعوبة مش انه الاختبار صعب فقط او المعدل عالي فقط او او ...وانما المشكله انه المقاعد فالطب فامريكا الشماليه مخصصه للمقيمين والمواطنين لكن الاجانب فقط 5جامعات فكل كندا توفر مقاعد لهم ..!!! وتعرفي كم مقعد؟
يعني مثلا المقاعد المتوفره فجامعة تورونتو سنويا 60 مقعد فقط 7 مقاعد للأجانب ..هذا الي يجعل الامر مستحيل فامريكا الشماليه واتواصلت مع المشرف الدراسي فالملحقيه السعوديه خطر فبالي اسئله كم طالب سعودي استطاع الحصول على قبول بكالوريوس طب فكندا؟
قال قبل عشرة سنين كنا عاملين اتفاقيه مع جامعه وحده كنديه وافقت توفر مقاعد مخصصه للسعوديه وقبلو اثنين فقط وفنفس السنه الجامعه لغت الإتفاق بعذر انه من غير العدل ان نحجز مقاعد للسعوديين لحالهم ولازم المنافسة تكون عادله بين جميع الأجانب
وبعد الاثنين هدول الي من حظهم جات على وقتهم الاتفاقيه بعدها عشره سنوات للان فقط وحده بنت سعوديه قبلت فالطب وقال لكن ماكانت يعني تحت اشرافنا فممكن تكون لديها الجنسيه الكنديه عشان كدا قبلوها...فعلى مدى العشره السنين الماضيه لم يستطع اي طالب سعودي دخول الطب

بليز كيف أقدر أتواصل معاك عندي أسئلة كثيرة و الله بموت من القهر تعبت نحنا بالامارات بيدأ التقديم للبعثه شهر 5 و لحد ألحين أنا مو مجهزت أي شي راسي يعورني و مش عارفه من وين أبدأ بليز ساعدني انا أبي كندا أو أمريكا أيش أسوي ما أعرف حتى كيف اجيب قبول من الجامعه الله يرحم والديك دامك نفس تخصصي و ناوي على نفس الشي ساعدني.. كيف أتواصل معاك؟؟ إذا السنة ما رحت ما عندي أي مخططات ثانية و المشكلة إنه المعدل مالي تبع البكالوريوس 3.02 من 4 و أنا عندي شهادتين بكالوريوس وحدة في المختبرات ووحدة في تخصص ثاني و كمان شهادة دبلوم في تخصص آخر حراااااام عليهم هذا ما يكفيهم

في جامعات بكندا تعتمد بشكل اساسي على المعدل ودرجة الإم كات للقبول مثل جامعه تورونتو ..وجامعات اخرى مثل مكماستر تعتمد على المقابله الشخصيه والأعمال التطوعيه أكثر من المعدل والام كات فانا انصحك تركزي على هذي الجامعات
عالعموم هذا ايميلي عالهوتميل
slem_shady747
والطريقة الوحيده الي المبتعثين والمبتعثات من السعوديه يعملوها مثلي انه تجي بقبول لغه على كندا وخلال دراسة اللغه تعمل الحجات الي هيه مطلوبه للطب ..بس مادري اذا بعثاتكم بالامارات تسمح بانك تطلعي بقبول لغة فقط وهناك تجهزي قبول الجامعه خلال الدراسه للغه..اذا ممكن يكون شي حلو ممكن اساعدك بقبول لغه بكندا

وعلى فكره كونك عندك مشالله شهادتين بكالوريوس ودبلوم فهذا حيزيد فرصة قبولك بشكل كبيره
بالتوفيق

مشكووووورر كثير الله يعطيك و ما يحرمك آمين أنا بسأل عندنا البعثات و بتواصل معاك