LinkBack URL
About LinkBacks
إيوة في فرق...
MBBS = Bachelor of Medicine, Bachelor of Surgery
يعني بكالوريوس طب الباطنة و الجراحة...
Clinical Medicne
تخصص طب الباطنة الإكلينيكي ( أو السريري)
طبعا أنا ترجمتلك هيا بالنص...
دحين إيش الفرق؟
باقي التخصصات إيش اللي بيحصل؟ بتاخد بكالوريوس كيمياء... بعدها تحضر ماجستير كيمياء فيزيائية في المركبات النووية مثلا... بعدها دكتورا في الطاقة الناتجة عن تصادم الذرات النووية...
في الطب.. إنت بتاخد بكالوريوس طب و جراحة (دي نقطة الإنطلاق لأي تخصص طبي ما عدا الأسنان إسمه بكالوريوس طب و جراحة الأسنان و ليها تخصصاتها.. إلخ) بعدها عندك خيارين...
1)- يا تروح لتخصصات طبية نظرية و دي تتبع منحى الماجستير و الدكتوراه (و دا الطريق نسبة قليلة من خريجي الطب بتاخده، على سبيل المثال لا الحصر تحضير ماجستير تعليم طبي و بعدها دكتورا فيه)...
2)- أو تروح تخصصات طبية إكلينيكية أو سريرية و دي تاخد منحى Residency ( مرحلة التخصص الطبي زي هنا مثلا تخصص طب باطنة إكلينيكي، بعض الأماكن تسميها زمالة!) و بعدها مرحلة Fellowship (مرحلة الزمالة أو دكتوراه في التخصص هنا مثلا حتكون أمراض الجهاز الهضمي مثلا)...
يعني في النهاية.. MBBS دراسة بكالوريوس طب و جراحة..
Clinical Medicine تخصص طب باطني إكلينيكي و ما تقدر تاخده غير لمن تاخد شهادة بكالوريوس الطب و الجراحة MBBS
طبعا برامج التخصص و ما بعدها تختلف في عدة نقاط من مكان لآخر و كمان في تخصصات (زي طب الأعصاب) تختلف تقسيمة Residency و Fellowship من مكان لآخر...
أرجو إني أكون أفدتك...
في حفظ الرحمن...
SmiloTactic
May 10th, 2010, 06:45 AM
السلام عليكمببحثي بمواقع الجامعات للحصول على قبول طب فيه جامعات تكتب Clinical Medicine
وجامعات تكتب MBBS ..
هل يوجد فرق بينهم ؟
اذا كان يوجد فرق ايهم افضل ؟
وشكراً