أفيدونا بخصوص العلوم الصحية الله يرضى عليكم

محد نوى يرد علينا للحين !!

سؤالك مو واضح

Medical sciences هذا مو تخصص انما مسمى يطلق على جميع التخصصات الطبية بالعربي يعني (العلوم الطبية) .. يكون غالبا اسم الكلية اللي تندرج تحتها عدة تخصصات مثل المختبرات والاشعة والعلاج الطبيعي وغيرها

Biomedical science هذي ممكن تجي الاثنين.. كأسم لمجموعة تخصصات .. او كتخصص لحاله ... وتعني العلوم الطبية الحيوية ..كـتخصص يدرسون فيه المواد فيها المواد العلمية مثل البايولوجي والاناتومي وغيرها

Pre Medical Sciences او Pre-medicine هذي تطلق على المواد اللي تدرسها قبل دخول الطب في دول مثل امريكا وكندا يشترط انه يكون عندك بكالوريوس في تخصص علمي مثل الاحياء, بالاضافة لمجموعة مواد هي متطلبات كلية الطب (مثل الفيزكس والماث والكيمستري ..الخ)

بالنسبة لسؤالك الفرق بين العلوم الطبية Medical sciences والعلوم الصحية Health sciences
باغلب الجامعات فيه اختلاف لما نقول علوم طبية راح تشمل زي ما قلت فوق الاشعة والمختبرات وغيره
اما العلوم الصحية ممكن تشمل التغذية وصحة المجتمع والسجلات الطبية وغيرها.

باختصار هذي كلها اسماء كليات سواء علوم طبية او علوم صحية او علوم طبية حيوية وتندرج تحتها عدة تخصصات مختلفة.
ويختلف الامر من جامعة للثانية يعني ممكن تلقى نفس التخصص يندرج تحت كليات مختلفة في جامعة ثانية .. وغالبا كلها مجرد اسماء .

انت لما تبحث بموقع الوزارة تبحث على اسم التخصص نفسه .. مو الكلية اللي هو داخل تحتها

لو تكتب بالعربي ايش انت تبحث عنه بالضبط يمكن اقدر اساعدك