استفسار أمريكا والقبول بطب الأشعة

امريكا زمالة الاشعة فيها صعب القبول فيها جدااا للاجانب.
دام معدلك مو زين اتوقع فرصك ضعيفة.
ممكن تتأكدي اكثر لو حبيتي بالبحث في المواقع الاجنبية.

أنا الحمد لله قبلت كبورد سعودي هنا في السعودية بالاشعه .. و شلت فكرة المحاولة على برى .. أو على الاقل احاول بس ما اعتمد بشكل كبير على القبول برى ..


نصيحة .. ما فيه حرج أو مانع انك تحاولين على برى .. بس بنفس الوقت (( لا تضيعين وقتك هنا !! )) .. بمعنى آخر .. شغلة جلسة البيت هذي مهي مجدية نهائياً .. حتى السيرفس !! .. ليش سيرفس ؟ .. (( الا اذا كان سيرفس اشعه )) .. مع انها صعبة .. غالباً السيرفس راح يكرفونك في الباطنة و الجراحه و باقي التخصصات الكبيرة !! ..


نصيحتي ادخلي البورد السعودي .. منها تكتسبي خبرة .. و حاولي على برى .. اذا مشت الامور و جاكي قبول .. اتركي البورد السعودي و اطلعي برى .. و اذا ( لا سمح الله ) ما مشت .. انتي ماشيه في البورد و سنوات عمرك ما راحت سدى !! ..


أنا أعرف زميل لي من أيام الثانوي .. آخذ من الأوائل على المملكة وقتها !! .. ما شاء الله عمل الـ USMLE Exams .. و جاب 99 في الاختبارات كلها .. و قالي بالحرف الواحد !! .. ( بعيده عن خشمي الاشعه !! ) .. و جالس يفكر على تخصص ثاني له ..
يقولي تحتاج خبرة قوية في مجالك .. تحتاج ابحاث عملتها تقوي من السيرة الذاتية ..



باختصار !! .. التقديم على الاشعه في امريكا أو كندا هي مغامرة قوية جداً .. لا أنصح أحد انه يعتمد عليها و يجلس سيرفس .. ادخل بورد سعودي و حاول ..



و عذراً على الاطالة ..

اللة يوفقكم يارب
واللة أنا مرة منحاسة بين السيرفس كطبيبة أشعة ومعيدة بالجامعة بطب الأشعة
الجامعة انا ماحبها وماأطيقها وأبي الفكة منهم بس فرصة البعثة موجودة وكمان ماأبغي أنتظر مثل المعيدين قبلي معلقين بين السماء والارض سنوات
وسمعت منهم كمان أنة فية أبتعاث لمعهد كابلان وهذا شي غير في تفكري شوي .....ومدري هذا خبر جيد أو سئ
وسيرفس كمان عاجبني خصوصا أنة بمستشفى جيد وحابتة كثير وخصوصا أنة التدريب فية ممتاز جدا ومتأكدة أني راح أستفيد منهم
مدري ليش أفكاري ملخبطة كثير ومومركزة بالمرة
عموما يأخ توكسك كلامك مررررة صح بس مدري ليش أفكر أطلع كابلان وبعدين أرجع أقدم هنا من جديد تضيع سنة سنتين مراح تفرق كثير معي
أنا جداااااا محتارة ...........................ززز

شيء جيد أنك لقيتي سيرفس أشعه .. لكن فعلاً الاستفادة موقفة على نوعية التدريب في المستشفى اللي انتي فيه !! ..

عموماً بالنسبة للمعيدية في الجامعات فعلاً تصبح معلق !! .. لكن اذا انتي من سكان الرياض .. فيه جامعة الامام محمد بن سعود الاسلامية عندهم كلية طب واعدة جدا جدا .. يمدحون كثير من الشباب الوضع فيها .. فيه مساندة كبيرة للمعيدين .. و الشيء الرائع فيهم يسمحون ببورد سعودي !! .. لكن يلزمون بفولوشيب من برى .. .. و هذي ميزة بنظري ..

لكن بالنسبة للجامعات اللي تجبر المعيدين على البورد و الزمالة الخارجية .. أشوفها مغامرة بنظري ..


بالنسبة لكابلان .. .. للشخص اللي فات عليه القبول السنة هذي .. ممكن يستغل وقته و يطلع و يخلص اختبارات امريكا .. و كندا بعد .. لأن المذاكرة تقريباً وحده .. لكن في مجال الاشعه حتى لو الواحد جاب سكور جيد .. لابد من عوامل اخرى علشان تساعدك في القبول على حسب ما سمعت ..

لكن ماتني خسرانه انك تسوين هالاختبارات .. ممكن تستفيدين منها في الفيلوشيب اذا ما نفعت لك في البورد .. ..



عذراً على الاطالة ..

واللة شكرا على الإطالة
من جدددد ياريت لو تعرف عوامل الثانية تساعدني بالقبول مثل FRCRأو أي شي ,,,,وجامعة الأمام سعود فكرة رائعة للهروب من هالجامعة ماأحبها أبد
لكن هل التسجيل لسى مستمرر بالجامعة وكمان الوضع فيها كيف ؟؟؟؟؟؟!!! صراحة ماأعرف عنها إي شي أبد....