سؤال بخصوص الابتعاث لمعهد كابلان ؟ s

السلام عليكم
اذا كنتي مقدمه على الزماله الطبيه يعني لازم USMLE مافي معهد غير Kaplan
3 فروع الي تعطي كورسات الامتحان:
نيوجرسي >> 2012 مقفل التقديم لاكتمال العدد المطلوب
شيكاغو
واشنطن دي سي (العاصمه وفيها الملحقيه السعوديه)

لم تقدمي الاوراق للبعثات ويطلع لك القبول اداره البعثات تطلب منك مراسله المعهد
انا اختصرت الوقت وقدمت على المعهد والحمد لله حصلت القبول المبدئي تقريبا يجي القبول في 5 ايام

طبعا انتي مخيره بين واشنطن وشيكاغو

اي خدمه انا حاضره

بالتوفيق

شكرا د سو على ردك .. بس بالنسبة لمعهد Falcon هو ايضا يعتبر معهد تحضيري لل USMLE زيه زي Kaplan بس ميزته انه قريب للمكان اللي يدرس في اخوي لانه في تكساس وهو المحرم فما ادري اذا فيه مجال ان اروح لشيكاجو او واشنطن لحالي يصلح؟ ولا لازم ""المحرم"" ؟ والله بلشة

بالتوفيق

د سو ما دامك نفس وضعي مقدمة عالبعثات
ابي اسألك لو سمحتي اذا عندك فكرة كيف الوضع من ناحية القوانين ، يعني مثلا رحت كابلان كم مدة الكورس تقريبا؟ وبعدها بكم اخذ الامتحان؟ ولا باخذ الكورسات ورا بعض يعني حق ستيب١ وراه مباشره ستيب ٢ ؟ او كل كورس بعده امتحان؟ وهل في مجال اخذ بريك شهر بين الكورسات ولا احنا مقيدين بفترة معينة لازم ننجز فيها؟

جزاك الله خير

العفووو حبيبتي

والله ابتلشنا كلنا مع سالفه هالمحرم الله يعين بس ... ماعرف كيف اذا تقدري تروحين لحالك ولايه ثانيه ومايكشفونك !!! هو في اوراق التقديم بيعطونا ورقه ومكتوب فيها اذا عندك اقارب في ولايه وتبين تروحين نفس الولايه ؟؟؟ تكتبين فيها
ماقدر انصحك انك تخاطرين
المعهد ماسمعت فيه الي قلتي عنه بس اخذت نظره سريعه في القوقل عنه
كابلان امتحان السب 1 لحاله وهكذا كل ماتخلصي ستب تمتحني فيه ... بخصصوص البريك ماعندي فكره

هذا الابلكيشن و جدول الدراسه
ان شاء الله الباقي يقدرو يفيدوك اكثر بخصوص المحرم

يعطيك الف عااااافية وان شا الله تتسهل وربي يوفقنا ياااااا رب

لقيت هذا الموقع قلت يمكن تستفيدين منه شوفي المستطيل الاصفر اللي فوق .. يقولك ان الستيب ١ كورس ممكن يكون ١٦ اسبوع، ١٤ او ٧ اسابيع واللي ١٤ اسبوع هو اللي ما يكون الا في ال٣ مدن اللي ذكرتيها بس ال٧ اسابيع ممكن يكون في مدن اضافية زي نيويورك وباسادينا وهيوستن

usmle-courses.eu/location.htm

بالتوفيق د سو الله يسهلك ويوفقك

حسب ما اعرف الابتعاث يعتمد معاهد
Kaplan Medical
لل USMLE
لأنها الافضل
فالكون ما يمدحونه حتى التدريس فيه ما هو منظم ولا فيه اماكن مخصصة للمحاضرات لدرجة يدرسون الطلاب في فنادق !!

مشكوره حبيبتي على الرابط ماقصرتي واكيد بيفيدني كثير

اسمحي لي نسيت كلام الهنوف ذكرها الله بالشهاده .. انا بعد سمعت ان معاهد كابلان اهي المعتمد بالنسبه لاداره البعثات
يمديك تدقين على المسؤوليين عن البعثات وتساليهم عن المعاهد المعتمد اذا فاكون معتمد او لا

امممممممممممممممممم
حل مؤقت : بدلي المحرم وخليه الوالد يروح معاك شهر ويرجع ((( مجرد اقتراح ))) اذا تعسرت وقالو مالك إلا كابلان وبعدها يحلها ربك

الله يوفقك

حل 2 : خلي الامور نفس ماهي لين يجيك قرار الابتعاث وتفكرين كيف ترتبين اوضاعك وتاخذي وقتك وتحسبيها صح

بديت احاتيك طمنيني عنك

انا تسليم اوراقي الجمعه وصايره لي سالفه شكبرهاااااا على معادله الشهاده والله يستر ماتروح على البعثات

دعواتك

شكرا هنوف والله يقدم اللي فيه الخير

تسلمين د سو ما قصرتي شكلي باتبع الحل ٢ ونشوف اللي ربي ييسره

الله يسهلك ويوفقك حبيبتي وان شا الله باذن الله ما تكون مشكلة و تتم لك البعثة لا تشيلين هم كل مشكلة ولها حل (اللهم لا سهل الا ما جعلته سهلا وانت سبحانك تجعل الحزن اذا شئت سهلا....)