تقرير ماهي مراحل دراسة الطب في أمريكا، وبعض الأسئلة الشائعة حول دراسة الطب

آخوي آبو عمار .. شكراً ع ردك
لكن حابه أسألك
أنا تخرجت تمريض من سنتين وعندي خبرة سنة ونص ICU
والطب مسار ثاني آلغوه للتمريض في السعوديه
ماني عارفه وين آدرس غير آمريكا
لو طلعت برا السعوديه في الخليج مثلاً
نفس الحكاية .. آشوفه أفضل أنه أدرس في أمريكا ومنها أحسن لغتي كثييير وتصير عندي فرص أتعلم أكثر .. لكن اللي مرددني أخاف أروح ومايضموني ع البعثة .. وصعبة كثير من ناحية المصاريف

وش رأيك ؟؟ بأيش تنصحني

آبو عمار....

hello!!!!

اول شي الله يعطيك العافيه اخ عمار وكل الشباب ماقصرو لكن حبيت ارد على كلامك وانا داري اني متآخر بالرد من سنيين لكن فيه كثيير توهم يشوفون الموضوع هذا في عام ٢٠١٧ والله مادري انك بتشوفه ولا لا بس اهم شي يشوفونه ربعنا الي مايدرون وين يروحون امريكا ولا السعودية نصيحة قارئ ومتطلع كلام عمار في شي من الخطآء القبول في الزمالة الامريكية صعب جداًاااا جداًاااا بل ان القبول في الطب في ١٣٣ جامعة اسهل من القبول في الزماله الامريكيه بقولك الاسباب

١- اذا انت طالب شغوف وحاب تدور الافضل فعرف انه للوصول الى الافضل انك تبدء با امريكا من البدايه افضللللل لك
مثال صغير اذا درست طب في السعودية راح تواجه صعوبة في التقديم على الزمالة في امريكا لدرجة ان مستوى المنافسة لك وانت مختار تخصص سهل على الامريكان مثل طب الباطنة او الاطفال او الاسرة يعادل ويكاد يضاعف صعوبة ومنافسة تقدم الطالب الامريكي على التخصصات القوية مثل جراحة الصدر، القلب و طب وجراحة الاعصاب !!!

٢- مثال (سعد وعبدالله عشان توضح الصورة اكثر) هدفهم كلهم ياخذون الزمالة في امريكا (بتخصص ممتاز يحبونه) (الزمالة = اهم سنين الطبيب وهي السنيين الي تحدد تخصص الطبيب في جسم الانسان نفسه، وراح تكون في المستشفى تداوم وهذي احسن واهم سنيين في حايتك كطبيب ممكن تدخل شي تحبه وتستانس فيه وتسويه طول عمرك وممكن العكس نصيحتي لكل محتار وش يسوي زمالة فكر بالي تحبه وفكر ايضآً بالعائد المادي!!! لانك كطبيب واجهة صعوباات طويله في حياتك حرام كل هذا التعب يروح على تخصص عائده المادي مايجي ولا عائد مادي لمهندس فال امه ولا يدرس نص دراستك !!!

الزمالة فيها الطبيب ممكن يكون طبيب جراحة صدروقلب وممكن يكون طبيب أسرة (ايه نعم نعرف كلهم يخدمون البشرية وكلهم اجتهدوا وتعبوا جزاهم الله خير ) لكن فيه فرق !!!
(متوسط دخل طبيب الاسرة في امريكا يستلم سنويا حدود٢٠٠ الف دولار=٧٥٠ الف ريال !)
(متوسط دخل طبيب جراحة الصدر والقلب في امريكا يستلم سنوياً ٥٥٠ الف دولار= ٢ مليون ريال!!!! والله على مااقول شهيد انه فيه جراحيين باامريكا يستلمون ١٠ مليون دولار سنوياً بس هذولا قله ويكونون مشهوريين !! الحين نترك المادة
ونرجع ونقول لاتفكر بالطب الا لو تحبه لان لو ماتحبه بينفخ خشمك ويتعبك بس مايضر انك تفكر في العائد المادي لانك بتكرف كل السنيين هذي ف تستاهل التعويض!!

٣-نرجع لسعد وعبدالله
سعدراح درس في امريكا طب من البداية مرت عليه صعوبااات مثل انه درس ٤ سنيين بكلوريس علوم ثم قدم على كلية الطب الامريكية واختبر اختبارات صعبه ومنافسه قويه لكن! اجتازه بتوفيق من الله.
عبدالله قرر انه يدرس بالسعودية بس بيدرس بجامعه عريقه ومحترمه وقويه وطلعت ناس لامريكا كثيير مثال جامعة الملك سعود ! عبدالله واجه صعوبات بالسنه التحضيرية في منافسه بس مب زي المنافسه الي في امريكا عند سعد.
الحمدلله كلهم اجتهدو وخلصو وجا يوم الحساب يوم التقديم على الزماله عبدالله وسعد كلهم بدو يجهزون له

عبدالله جاب ٨٩٪ في اختبار التحصيل الامريكي وهو اهم شيييي واجتهد وصعب ترا ٨٩(:
سعد شد حيلهه بس ماقدر يجيب ٨٩٪ بسبت انه كان قاعد يلعب اخر سنتيين وفاله شوي وجاب ٧٩٪
لازم تحط ببالك ان بينما عبدالله كرف كرف الويل عشان يجيب هذي الدرجة لان الدراسة بالسعودية مب موجهه للاختبارالتحصيل الامركي
ودراسه سعد باامريكا موجهه للاختبار ف سعد ماسوا نص الي سواه عبدالله

يجي يوم التقديم وكلهم يقدمون مع بعض وطلعت النتائج
عبدالله بدرجته ٨٩٪ يدخل =تخصص باطنة واطفال وأسرة (عائد مادي متوسط وسهل قبوله فيها). (وتخدير وجلديه واشعه وعيون ان حالفه الحظ لان الاربع تخصصات هذي عليه منافسه قويه بسبت ان العائد المادي فيها ممتاز) واذا مره مره مره ظبطت مع عبدالله ممكن يدخل جراحة عامة!!

سعد الي تخرج من امريكا يقدر بدرجته يدخل عيون وجلديه وجراحه عامه واشعة وتخدير وجراح عظام وجراحة انف اذن حنجرة هذولا ضامنهم ويعتبرون تخصصات خورافيه ( وان حالفههه وظبطت معه مره مره مره سعد يمكن يدخل جراحة قلب او اعصاب) يعني لو سعد شد حيله بالسنتيين الاخيره كان جاب هذا التخصص بس هو فاله شوي !

الفكرة ببساطة ان الامريكان مايقبولون ناس متخرجين من برا امريكا كثير مثلاً
تخيل بااحصائيات ٢٠١٦ جراحة الصدر والقلب ماقبلو الا ٧ متخرجين من برا امريكا !!!! ٧ بس تخيل من بين العالم كله من باكستان الى مصر الى السعودية الى ...
اما بالنسبة للعدد المقاعد المتاحة للي متخرجين من امريكا ففي جراحة الصدر والقلب ٢٠١٦ كان فيه ٨٠٠ مقعد لخريجي امريكا وانا اشوف انه مره ممتاز لان اصلن مافيه الا ١٣٣ كلية طب باامريكا !

في كثير منكم يتسائل ليه الامريكان مجحفين الخريجين الي من مدارس برا امريكا الامريكان ماتفرق معهم انت امريكي ولا سعوي ولامصري يفرق معهم انت متخرج من امريكا ولا من بره السبب
لعدة اسباب منها
١- لو صارو يقبلون كثير من برا كان كل الامريكان يسحبون على امريكا ويدرسون برا ويجون يقدمون زمالة في امريكا هذا بيخلي مدارس الطب باامريكا تطفر وبيخلي المدرسين والدكاتره الامريكان العالميين والافضل يروحون برا بسبت العروض الممتازه !
٢- كل طلاب الطب الي يتخرجون من امريكا يسير عنده ديون ٣٠٠ الف دولار تقريباً بسبت الجامعه والفلوس والصراحه يحق له انا ياخذ المقعد الكويس لان هو وراه ديووون يسدد انت الي من برا الدراسه ماتكلفك شي مقارنه فيه
٣- اللي متخرجين من امريكا يتاأقلمون مع المستشفيات والمرضى الا مريكان اكثر
٤- في اسباب كثييره اخرى ماودي اطول عليكم
بس هذي الزبده يعني
اذا رحت امريكا بتتعب بالبدايه بس ببتجازئ بالنهايه
والعكس صحيح مع السعودية
وترا في سعوديين تخرجو من السعودية واخذو تخصصات ممتازه من امريكا مثل جراحه وكذا بس قليلين جداًً
مثال بالحياة كله مافيه الا واحد خريج من السعودية قدر ان يدخل جراحة مخ واعصاب ١ من بين الاف السعوديين ! وفيه سعوديين مبدعين رغم انهم تخرجو من السعودية وكانت منافسه شديده الا انهم استطاعو يجيبون افضل التخصصات افضل من الامريكان نفسهم بس تراه صعب (: وقليلين وتلقاهم مشهوريين مثل الدكتور الربيعة الي يفصل التواآم وهذا تخصص جراحة الاطفال وهو نادر جداً اندر من جراحة القلب او تقريباً زيه بالمناسبة الدكتور زمالته من كندا بس حتى ماشاءالله عليه المنافسه في كندا قريبه جدا من امريكا!!
والله يوفقنا ويوفقكم الكلام هذا مب من راسي من احصائيات ال nrmp و Carms ومن بعض الشباب الي باامريكا وكندا
امريكا من البدايه هي الخيار الصحيح لانك بتعامل زي الامريكان اما في الزمالة راح تتعامل كاجنبي وصعب جداً انك تنقبل ):

لو سمحت معلش اسالك كم سؤال هلا أنا بدي ادرس طب بامريكا بس معي شهادة دكتور صيدلة من الجامعة الأردنية بقدر اعادل الشهادة و اكمل طب هناك و شو الاجراءات اذا بتعرف 😊 اسفة ع ازعاجك

وعليكم السلام، ابداً مافيه اي ازعاج اروى شوفي انا طالب توي متخرج من الثانوي فالي اعرف عنه كويس مره هو لواحد مثل ضروفي انه يا يبدء بامركيا بكلوريس ولا بالسعودية طب مباشره واعرف عن البكالوريس الامريكي بس للتقديم على كلية الطب في امريكا لازم يكون عندك شهادة بكالوريس (في اي تخصص) بشرط! ان يكون هذا التخصص يدرس مواد لها دخل في الطب مثال على ذلك امريكا تقول لك روح اي تخصص بشرط يكون في
ضمن شهادتك للبكالوريسمواد معينة مثل الكيميا و الاحياء الشرط الثاني هو انك تكون حصلت عليها من جامعه معترف فيها يعني بكالوريس يطابق المواد المطلوبة من جامعه معترف فيها. هلا انتي عندك سؤالين مهمات تسألينه نفسك
هل 1- درستي هذي المواد كامله ✅ ؟
2- هل جامعتك معترف فيها ✅؟
اذا نعم كل الاثنين
فاذا لازم تجتازي بعض العتبات ولكن مقدور عليه ان شاء الله 🔥✅ منها انك تسوين ملف حلو كيف؟ مثلاً ترفقين فيه بحث محترم ممتاز ويفضل يكون نشرتيه بصحيفه محترمه
2- تجتازي اختبار ال MCAT وهو اختبار صعب جداً وبالرغم من انك اجنبيه فلازم تتفوقي على زملائك الامريكان لان المقاعد المتاحه اقل منهم (وهنا الصراحة يبين مستواك الدراسي ويبين جامعتك فاذا جبتي درجه مو كويسه بيحطو ملفك على جنب)؛
بالختام انا فدتك بالي اعرفه انصحك تبحثين اكثر لانه ممكن ماياخذون الا الي تخرجو بكالوريس من امريكا ولا صيدلة من امريكا وانا بحثت ولقيت احد الجامعات الامريكية المشهورة والقوية Yale School of medicine ماتاخذ الا الي متخرجين من جامعات امريكية بس هذا مب معناته ينطبق على كل الجامعات وترا لايخفي عليكي ان الامريكان معروفين بحركه سيئة هي انهم يقولو لكي وانت تبحثي في الموقع حقهم ايه نعم نقبلك لو ماخذه بكالوريس وصيدلة من برا امريكا بس اجتازي الشروط ✅
بالاخير تكتشفين انه صح يقبلو الي مثل وضعك لكن بالسنه كله وبامريكا كله ماقبلو الا واحد بالدفعه 2016 يسوو هذي الحركه كثير وانتبهي منه لان لو الوضع كذا فمعناته نصيحه مني لك لاتضيعي وقتك للتجهيز لان الجواب المفروض يسير لا لكن هم حاطيين واحد يقبلونه سنوياً شكل عشان يسير رمزي انه اووه في امل تنقبل ...! وان امريكا سهله و smooth وهي عكس ذلك تماماً الامريكان يهجون منها ويروحو يدرسو برا بالكاربيان 📶

الله يجزيك الخير يعني بتنصحني انه مو بس بامريكا ابحث باماكن اخرى متل بريطانيا او اي دولة غربية ؟ يعني اوسع آفاقي ؟

ايه نعمم👌🏻 وسعي افاقك وايضاً فيه اماكن انتبهي تقربين لها مثل اوكرانيا روسيا وبعض الدول الي زيهم وهذولا الدول الدراسه عندهم مويسه جداً بس مشكلتها مب معترف فيها باي مكان يعني شهادت بدون وظيفة للاسف جامعاتهم كويسه بس محاربين من الغرب عموماً انصحك بعدد من الدول منها :-
انجلترا ( مب صعبه مو صعبه )واشوف انه الافضل بس تاكدي انك توافقي الشروط
استراليا( متوسط الصعوبة )
بريطانيا (ماعندي معلومات كافيه 🤦‍♂)
كندا (صعبه )
امريكا (صعبه صعبه )
الصين ( هي المستقبل بعد الله سبحانه وتعالى عندهم جامعه مره ممتازه وخورافيه وقبولها معقول تقدري عليه ان شاء الله ومبلغها معقول ) هذا الرابط بيعطيك كل التفاصيل عن الدراسة في الصين

http://www.mbt3th.us/vb/forum83/thread348155.html اروى لازم تعرفين ان مب صعبه للطب يعني 🔥🔥 صعب مب سهل وايضاً احب اذكرك ان من اغلى الدراسات هي دراسات الطب 💰💸💵 )) واذا انتي واثقه بنفسك وتحبي هذا الشيء وقادره على مواجهة الصعوبات فاخر شي تفكرين فيه هو المال الي راح تدفعينه للجامعه عشان الدراسه لان اذا تعديتي كل الصعاب بيرجع لك المالك اضعاف واضعاف بتوفيق من الله وراح تسددي الي دفعتيه خق 5 سنوات دراسه ب سنه او سنتين او ثلاث سنين بالكثير بس انتبهي تدفعين وتخبطين في الدراسه 📟 لان بيكون عندك دين كبير او صرفتي فلوسك على الفاضي .. اتمنى لك كل التوفيق وترا في خيارات كثير ماقدرت اذكرها هنا ... لكن حاولت على الي اقدر عليه اذا عندك اي سؤال تفضلي مستعد اجاوب عليه
ولاتنسينا من دعائك ❤💜

شكرا 😊 الله يجزيك الخير 💛💛

[/QUOTE]

ماشاء الله شكلك فاهم ودارس الموضوع.. كيف ممكن اتواصل معاك ؟؟

Only if you graduated from an accredited nursing school