مساعدة سؤال بخصوص التدريب الصيفي لطلاب وطالبات الطب البشري والجراحة..

مساء الورد

الله يوفقكم ياطلاب وتتخرجو بسرعه ... انا سويت شهر التدريب في كندا جامعه ميغيل مونتريال قسم جراحه والطريقه بسيطه تدخلين على موقع الجامعه وتعبي ابلكيشن في اوراق مطلوبه من جامعتك

انتي شدي حيلك واذا انقبلتي من عيوني بعلمك كيف السكن والمواصلات بس لازم تقدمين بدري لك التقديم كثير عليهم كمان في جامعه تورنتو مرررره كويسه اوقات التدريب تكون في شهر مايو\يونيو\يوليو

بالتوفيق

السلام عليكم والرحمة..

يعطيك العافية د.زيد، بالنسبة للتدريب اعتقد الافضل يكون اكتر clinical exposureعشان المدة قصيرة 4-5 اسابيع..

ومااخفيك راسلت مستشفيات كتييير في بريطانيا اكتر شي، لانو كتير مدحولي تدريبهم وكان الرفض هو الجواب ، ب اسباب مختلفة..

وازا في في نيوزلندا تدريب وتقدر تستفسر لي اكتر عن الشروط وكيفية التقديم، اكون جدًا شاكرة وممتنة لك..

وبالنسبة للمدة عندي من 10June-19July

بس حابة اسأل عن الڤيزا هل تاخد وقت عشان اقدم من بدري ولا مايحتاج..

يعطيك العافية..=)

صباح الورد Dr.Su =)

اللهم اميين ويوفق الجميع يااارب..

يعطيك العافية انا حااشوف موقع الجامعة
واشوف وان شاء الله خير..=)

دعواااتك.. وازا انقبلت خليكي ع وعدك D=

مرحبا

انا اخذت تدريب صيفي 2011
كنت مخلصه سنه رابع , و رحت لـ نيوزلندا ( مدينه اوكلاند )
كانت تجربه جميله جداً .. بس الرحله طويـــــــله
قعدت شهر جولاي هناك
تعامل الناس جدا ممتاز , التعليم ممتاز
و الحالات في المستشفى متنوعه
دخلت عمليات و حضرت حلقات دراسيه
و من ناحيه السياحه و السكن جدا بطل
كانت المسافه بين المستشفى و الهوتيل قريبه
اروحها مشي .
و الجو شتاء .

طريقه القبول
راسلت سكرتيره البروفسور عن طريق الايميل
اخذوا نسخه من تعريف الكليه
و طلب و كذا اوراق رسميه
و وافقوا .
كانت العمليه سهله جدا
كان لي صلاحيه او بطاقه خاصه لدخول المستشفى و الجامعه
مستشفى اوكلاند + جامعه اوكلاند كلهم قدام بعض



..

اي سؤال انا حاضره ..
بالتوفيق للجميع

السلام عليكم والرحمة..

يعطيكي الف عافية اخت غادة..=) ماتعرفي قد ايش انبسطت من ردك.. الله يسعدك..

طيب حابة اسألك، ماطلبو منك توفل..؟
والشي التاني ممكن اي وسيلة تواصل عشان اعرف اخد منك التفاصيل.. ؟
لانو هنا انا لسه جديدة ومقفلين عليا الرسايل الخاصة..

وازا ممكن، ممكن ايميل السكرتيرة عشان اعرف اتواصل معاها..؟

واخر سؤال، هل تعرفي معاهد لغة طيبة، لانو اخويا الصغير ان شاء الله حايروح معايا وحابة انو يستفيد بالمرة..

=) جزاك الله خير وجعلها بميزان حسناتك..

مرحبا اختي ندى،

الله يعافيك يا رب،

البريطانيين معقدين و شيء غير مستغرب انهم يرفضوا،
اتوقع فكرة جيدة انك تركزي على نيوزلندا أو كندا،
شخصياً،
انا في مدينة Wellington في نيوزلندا ،
و سألت لك الجامعة بخصوص الحضور لمدة شهر أو شهرين مع احد الدكاترة، و لكن كان الجواب ان الجامعة ما بإمكانها ترتب لك هذا الشيء
و لكن بإمكانك مراسلة أحد الدكاترة بشكل مباشر و على حسب ظروف الدكتور أو الدكتورة راح يكون جوابهم سواء بالنفي أو القبول،
انا من وجهة نظري ، ان حضورك ل clinical placement راح يفيدك بشكل كبير، لأنك راح تشاهدي حالات و كيف تعالج ،
و في نفس الوقت راح يكون الدكتور او الدكتورة متواجدين للشرح لك بشكل شخصي و راح تحضري معاهم اجتماعات و حلقات دراسية مفيدة،

في حال انك رغبتي في كورس و محاضرات اتوقع في امريكا موجود كورسات منظمة اكثر من نيوزلندا.

لكن في حال قررتي على نيوزندا،
- اكدي لي القسم المرغوب، و اذا لك رغبة في Wellington راح اسألك عن اسماء اطباء موجودين هنا،و بإمكانك مراسلتهم. أو بإمكانك الاخذ باقتراح الاخت غادة بخصوص Auckland
( المستشفيات في Dunedin, Christchurch and Wellington تابعة ل University of Otago ...بينما اقتراح الاخت غادة هوUniversity of Auckland)
- بخصوص الفيزا، في الحقيقة حالتك محيرة بالنسبة لي قليلاً، عادة الزوار لنيوزلندا يمنحوا فيزا في المطار بشرط أن لا تزيد مدة الجلوس في نيوزلندا عن ٣ اشهر و بشرط تواجد تذاكر عودة ، اما في حالتك، ما اعرف اذا راح طلبوا منك student visa
اتوقع افضل حل تسألي السفارة في الرياض، مع العلم ان السفارة في الرياض ما تستخرج فيز، لازم تقدمي عن طريق مكتب .

بالتوفيق

زيد

السلام عليكم والرحمة..
يعطيك العافية.. منجد اعطيتني امل بعد مااقطعتو..
طيب اولاً شكرًا انو سألت، الشي التاني ممكن تعطيني ايميلات الدكاترة وارسللهم..

الشي التالت، انا حابة اخد في قسم ال Internal medicine ، وصراحةً مافرقت معايا اي مدينة.. اهم شي استفيد..=)
وبالنسبة اقتراح اخت غادة الله يسعدها، يقولو انو مايعطو للطلاب الاجانب القسم الي ابغاه..

وبالنسبة للڤيزا انا حاشوف وان شاء الله خير..

شكرًا مرة تانية..
ممكن اي وسيلة تواصل سريعة مع حضرتك..

جزاك الله خير=)

ندى *

اهلن ..

لا ما طلبوا منى اختبار توفل ابداً
بس انا اخذتوا احتياط

راح اشوف طريقه اتواصل معك ع الخاص افضل

Good Luck

يعطيكي الف عافية غادة=)..

ماقصرتي والله.،

يجعلها بميزان حسنااتك..

ان شاء الله راح اعطيك اسماء خلال اليومين القادمين،
الآن اجازة الEaster في نيوزلندا



بالتوفيق،

زيد