هل وزارة الصحة تسمح بابتعاثي الى معهد لغة فقط ..نعم او لا!!

وعليكم السلام ورحمة الله وبركاته،

حسب اللي اعرفه وانا ماني موظف في وزارة الصحة، ان الوزارة ماتبتعث الا على البرامج زمالة او ماجستير.
بالتوفيق والافضل الرجوع لمسئول الابتعاث في وزارة الصحة.

وعليكم السلام

مثل ما تفضل الاخ المشرف وزراه الصحه توفر فقط الابتعاث لبرنامج الزماله او الماجستير ... طبعاً بشرط انك تحصل قبول اولاً على المستشفى بعدين تقدم اوراقك عشان الابتعاث

الله يوفقك

/

/

اجابات كافية ووافية

اذن.. مالي غير اطلع معهد على حسابي

اسأل الله لكم التوفيق

تقدر انك تقدم على الامتحانات في الرياض الان الهيئه السعوديه توفر امكانيه انك تاخذ الاختبار هناك

وبالنسبه للمعهد حسب ماوصلني ان في كورسات لستب 1 و2 في جامعه الملك سعود بالرياض الكورس تقريبا مدته شهررر لكل كورس

اذا تقدر تتاكد من موضوع الكورسات بدال ماتطلع بره وتقطع وظيفتك


http://arabic.scfhs.org.sa/new/pdf/N...udi_Arabia.pdf

يعطيكي العافية وكلامك فعلا صحيح يادكتورة، لكن زميلنا صاحب الموضوع طبيب اسنان، واختبار NBDE الى الان لايمكن اختباره الا في امريكا. وطبعا هالاختبار ماهو شرط اساسي في القبول لكن الجامعات يفضلونه وبعض التخصصات يشرطونة

بالتوفيق

/

/

يعطيكم العافية..كما تفضلت انا طبيب اسنان وحاب اخنبر NBDE يعني لازم اخش معهد كابلان عشان احضر كويس..والمشكلة ان الوزارة لا تبتعث على معهد ...اجل كيف اجتاز الاختبار واجيب قبول..واذا عندك قائمة ببعض الجامعات اللي ما تشترط هذا الاختبار ..بالله عطني ولا عليك امر.

اكرر شكري لكما

لو كانت الزمالة المانية او فرنسية او اي لغة اخرى غير الانجليزي فانهم يوافقون على معهد اللغة و لو كانت الدراسة بالانجليزية راح يقولون لك سوري انت طبيب و يفترض تكون لغتك قوية .

عموما الابتعاث عن طريق وزارة الصحة اصعب طريق تسلكة للبعثة

الجامعة او المستشفيات العسكرية او برنامج الملك اسهل لك بكثير من وزارة الصحة ...

انا لي

/

/

انا قررت اخش زمالة في اي جامعة لا تطلب nbde... وخلال الزمالة اشوف لي ثلاث اشهر في اي معهد لتقوية اللغة وعلى حسابي


شاكر مرورك

وشكرا لكم جميعا

اهلا عزيزي، للتوضيح فقط، نظام الدراسة في كابلان بالنسبة لاختبار NBDE هي دراسة ذاتية، بمعنى انه يوفر لك كتب كابلان وانت تدرس لوحدك ويعطونك يوزر نيم تقدر تدخل وتشوف محاضرات اونلاين.

هذا يعني انك ممكن تدرس وتحضر للاختبار وانت في السعودية وتسجل بالاختبار وتجي في امريكا تختبره. وحاليا النظام الجديد في الاختيار يعتبر ممتاز بحيث ماعاد فيه درجات، اما نجاح او رسوب والنجاح من ٧٥ من اصل ١٠٠.

بخصوص قائمة الجامعات، هو يعتمد على التخصص وليس الجامعة، مثلا جامعة متشقن تطلب الاختبار في تخصص الاورثو ولا تطلبه في تخصص البروس وهكذا.
نصيحتي انك تحدد التخصص اولا، وبعدين تبحث عن الجامعات.

بالتوفيق