تجمع طلاب الصيدله

معك بكالوريوس على ما اظن !!
ممكن حبيبتى تقدمي في برامج فارم دي لخريجي البكالوريوس مدتها سنتين او 3 بكندا وفي بامريكا بعد

أخت ريرو الله يسعدك ...
في جامعات بس فيها بري فارمسي فهدي الحالة شو وضعي حيكون وأساسا ايش هوا البري فارمسي يعني بكالوريوس ...؟؟؟؟
طيب لو انحطيت في جامعه فيها فقط بري فارمسي كيف حأكمل .؟؟؟ وهل الوزارة ممكن ترضى بعد ما أخلص البري اني أكمل فارم دي ياريت لو تعرفي تجاوبيني ومرررره شكرًا ...

وضعك ,,, المفروض تدرسي هالسنتين وتجيبي المعدل وتبدأي الفارم دي اربع سنوات يعنى المجموع ست سنوات وتتخرجي بفارد دي = ماستر
البري فارمسي بتدرسي فيها مواد اساسيه عامه مثلا كيمياء, علم وظائف الأعضاء, احصاء وهكذا وليست بكالوريوس ابدا
عشان توضح لك الصورة مثلا جامعه عبدالعزيز قسم الصيدلة يدرسوا الطلاب اول سنتين مواد عامه ومن السنه الثالثه يبدا يدرسوا مواد التخصص واخر سنه العملي
نفس الوضع بامريكا بس بعض الجامعات يفصلو اول سنتين ويسموها بري فارمسي ولو جبتى المعدل المطلوب دخلتى في المرحلة التاليه
لو انحطيتى بجامعه فيها بس بري فارمسي !!! لو كان هذا موجود فما افضله بس لو دخلتى بجامعه كدا فالمفروض تبحثي لك عن قبول في برنامج فارم دي عشان تدخليه اول ماتخلصي البري فارمسي

موفقه حبيبتى وياهلاا

الله يوفقنا جميعًا ويسهل أمورنا ياااارب ...
أنا أعرف نظام الصيدلة في جامعة الملك عبد العزيز وهوا صح أول سنتين مواد عامه بس ما يفصلوا السنتين الأولى عن الأربعة الباقية ومايشترطوا معدل عشان أكمل فارم دي ... بس واتوقعت انو جامعات أمريكا كمان نفس الشي.. و مرررره استغربت لمن قالي الموظف تبع مكتب القبول انهم مقدمين على بري فقط .. الي أعرفه انها تكون متواصله مع بعض .. طيب في جامعات تدرس فارم دي 6 سنوات ورا بعض وماتفصل البري عن بقية السنوات ويكون معترف فيها هنا ولو تقدري تساعديني ياااريت ......... ومعليش تعبتك معايا ..
الله يسعدك دنيا وآخرة ويوفقك يااارب .. ^_^

الجامعه اللي بادرس فيها تعطي فارم دي 6 سنوات
هاذا اللينك فيه المنهج الدراسي كامل للست سنوات
http://www.mcphs.edu/academics/progr...urriculum.html
تقدري تلقي جامعات اقوى تقدم نفس البرنامج لو حبيتى
اي خدمه ياهلا حبيبتى باساعدك باللي اقدر عليه

موضوووع جدا قيم ومفييييد كنت ابحث عن مثل هالموضوع من زمان والحمدلله اقدر استفيد الحين
عندي ٣ اسئلة

سؤالي الأول
ابي اعرف شنو وظيفة تخصص علوم صيدلانية ؟
انا تخصصي علوم صيدلانية ابي اعرف اذا تخرجت شنو اشتغل ؟؟
هل اصبح صيدلي قانوني ؟؟
-----
وسؤالي الثاني
راح ادرس في جامعه Indiana University-Purdue University Indianapolis IUPUI
ومافيها الا بري فارمسي يعني سنتين واذا خلصلت تبقى لي سنتين اخرى في جامعه Purdue University
ال
سؤالي هو هل يشترط ان احصل على معدل معين للالتحاق بـ Pharmaceutical Sciences ؟؟
---
سؤالي الثالث
هل الجامعات الأمريكية تعال شهادة كلية العلوم الصحية المتوسطة ؟(دبلوم عالي)
انا شهادتي تابعه لوزارة الصحة والآن الكلية انضمت الى جامعة الملك فيصل
هل يمكنن ان استبدل الشهادة من جامعة الملك فيصل لتكون مختومة من الجامعه لان الجامعه اللي بدرس فيها تعادل جامعة الملك فيصل

تسلمي حبيبتي ما تقصري الله يوفقك يااااااااااااااارب .. ^_^
يعني جامعتك ما تفصل البري فارمسي عن الفارم دي .. صح ؟
طيب تعرفي شي عن هدي الجامعات اذا نظامها 6 سنوات متواصلة مع اني أتوقع بس اول وحده (ايداهو) فيها فارم دي بس مافهمت نظامهم مزبوط :
IDAHO STATE UNIVERSITY
BARRY UNIVERSITY
LEWIS UNIVERSITY
WAYNE STATE COLLEGE

في شي تاني ... نظامهم سمسترات يعني ينفع أدرس في الإجازة ولا سنوات زي في جامعه عزوز ؟؟؟

اهلين عزيزي
رح أجاوبك باللي اعرفه حسب معلوماتى
صيدلي قانونى !!! ايه نعم تقدر تشتغل صيدلي قاانونى ببكالوريوس علوم صيدلانيه
طليت دوبي ع جامعة بيردو عندها برنامج Bachelor of Science in Pharmaceutical Sciences اربع سنوات اتوقع ان هذا اللي تقصده
هي طالبه بري فارمسي لبرنامج الفارم دي بس هاذا البرنامج تقدر تدخله مباشرة من عندهم- رغم انهم يدرسوا اول سنتين نفس المواد تقريبا- بدل ماتنقل من مكان لأخر
بس لو بدأت في IUPUI ثم رحت لبيردو اتوقع انهم يشوفو المواد اللي درستها لو كانت هي نفسها اللي هم يبغونها الا اذا كان في تعاون بين الجامعتين
معدل معين ! دائما مطلوب معدل معين حتى في الانتقال من سيمستر لاخر لازم تجيب المعدل المطلوب اخوي
مجال العمل : في البحوث وتطوير الأدوية والمجالات الصناعية ايضا
تقدر تدخل ع اللينك تبع البروجرام فيه تخصصين حلوين تقدر تدخل فيهم
http://www.pharmacy.purdue.edu/academics/bsps/


بالنسبه لمعادلة الشهادة في امريكا انا اللي عندي فكرة عنه هو معادلة الفارم دي والبكالوريوس من السعوديه ,, يعادلوها بسنه او 2 فقط بامريكا بس شهادة كليه العلوم الصحيه والله ما اعرف
استبدال الشهادة ايضا ما اعرف عنه انا ول مرة اسمع فيه الأفضل تسأل جامعة الملك فيصل اضمن
اسفة جدا ع القصور ,,,موفق

ملحوظه هالبرنامج مايؤهلك لأخذ رخصة مزاولة المهنة بامريكا لو تفكر تغير اتجاهك بالمستقبل

اهلين
ماتفصل بس تطلب معدل معين لازم تجيبيه وزي ماذكرت قبل حتى البروجرام اللي انا داخله فيه طالبين معدلات معينه عشان تنتقلي للسيمستر التالي
جامعه ايداهو فارم دي 4 سنوات بس قبلها البري فارمسي طبعا باي جامعه معتمده ولازم تخلصي كل المواد التالية
General Biology
General Chemistry
Brief Calculus or Calculus I
General Physics I
Organic Chemistry
Biochemistry (beginning with 2010 Applicants)
General Microbiology
Economics
Anatomy and Physiology
English Composition
Public Speaking
Humanities & Social Sciences

ولازم تخلصيهم وتقدمي الابليكيشن وكل شي قبل شهر فبروري للسنه اللي بتبداي فيها الفارم دي

الجامعات الاخرى المذكورة فعلا لايوجد فيها فارم دي فقط بري فارمسي ,, كلامك صحيح

النظام سيمسترات كل سنة عندك سيمسترين الفوول والسبرينج وما اتوقع تقددري تاخدي بالسسمر بس مش متاكدة من هالنقطة حبيبتى
موفقه,,,